يوميات طالبة جامعية (أنصح الجميع بالدخول)....

يوميات طالبة جامعية (أنصح الجميع بالدخول)....
سلام عليكم.... شحالكم يا جماعة الخير.... ان شاء الله بخير...؟؟؟

يا اخوان ويا أخوات... في ظاهرة غريبة بدأت بالإنتشار في جامعاتنا وفي مدارسنا أيضاً...

في يوم من أيام الشتاء البارد.. والجوع الكافر... سرت أنا وربيعتي روح الإمارات للكافتيريا (طبعاً بعد ظرابة عنيفة بينا... لأنها ما تبا اتوديني الكافتيريا لأسباب ديناميكية)

المهم... سرنا واتغدينا وترسنا بطونا ولله الحمد.. (عاد شو اللي بيقّومنا أحين)

ويالله... سحبنا عمارنا وسرنا كليتنا... وهناك كنا حاطين كتبنا (في غرفة أو ميلس صغير حق البنات مثل ما نسميه).... ويوم دخلنا ...

؟؟؟؟؟؟؟؟؟؟؟؟؟؟؟؟؟؟؟؟؟؟


















اتخيلوا.....


























عيال الأباليس صرقوا كتبنا...!!! (هاي السالفة صارت قبل امتحانا بكم يوم)...

عنبوووو...... شو تبون في كتبنا هااااااا

ما حصلتوا الا كتبنا....؟؟؟؟
ماتعرفون ان الصرقة حراااااام؟؟؟

يلسنا عاد أنا وأختي روح الأمارات نتلوّم... وانقول جان زين لو ما تركان كتبنا هني.... كتبنا شرات عيالنا.... (بالرغم ان هاشيء يتكرر وايد عندنا في الجامعة.... وحذرونا كذا مرة)
بس احنا======> طنـــــــاش...


واذا فات الفوت ما ينفع الصوت

ومرت الأيام... وحصلنا كتب ثانية من بنات اتصدقوا علينا (يزاهم الله خير)

ودشينا المتحان... وبدال مادعي ان الله يوفقني في الإمتحان.. دعيت ع اللي صرقوا كتبنا....

وبعدين قلت إلا أطّلع اللي قلبي... سرت الميلس (مكان الجريمة).. وكتبت في مسودة تحذير حق اللي صارقة كتبنا ... وكتبت بالأحمر:

أحسن لكم اتردون كتبنا ولا يندعي عليكم في موسم الحج الياي


اتصدقون.. الورقة تمت في مكانها ومثل ما حطيتها من يومها ولين ألحين !!!!! (كملنا شهر تقريباً).... ومحد جاسها... البنات يدخلون الغرفة ويقرون الورقة ويطلعون...


بصراحة هاي الظاهرة خطيرة جداً... ويجب القضاء عليها....

وبعدين والله حرام... كل كتاب جيمته فوق 170 ومرات يوصل لين 200 ونحنا في الكورس ناخذ 6 كتب... حسبوها عاد....

اذا احنا (مقتدرين) وعايشين في خير ... غيرنا لا....(حالهم غير)...

احنا نسينا اللي استوا ألحين ونسينا الصرقة وقمنا انشيل كتبنا ويانا وين مانسير... ( تبنا )

بس الظاهرة لين ألحين مستمرة.... مب بس في جامعتنا... في جامعات ثانية وفي المدارس بعد (بس في المدارس ما يصرقون كتب...يصرقون قلامة)======>

إلـــــى متــــــــى.....؟؟؟؟
وشـــــووووو الحــــــل؟؟؟


مع خالص حبي و احترامي