السلام عليكم ورحمه الله وبركاته وبعد...............
هذا الموضوع ماكتبته الا لاخرج مافي صدري من هم ويمكن كثير من بنات هذا المنتدى راح يقدرون ويعرفون
انا ماابي الا افضفض عما في نفسي فقط لاغير.............
اليوم الاول:ذنبي اني جميله
واضح من العنوان يعني ياناس انا ايش ذنبي اني انسانه حلوه وجميله علشان كل صديقاتي يتركوني كنا عايشين احلى ايام مع بعض كنا فعلا افضل من الاخوات وفجاه كل واحده فيهم انخطبت وتزوجت وصاروا ماعاد يكلموني ليش؟؟لاني لسه ماتزوجت وخايفين على ازواجهم مني
انا فعلا حلوه وبنت لسه ماتزوجت بس هذا مو معناته اني بنت وسخه او ملهوفه على الرجال اتمنى انكم ماتنسون هذا الشئ.....................................................................
اليوم الثاني:هدفي من الزواج
انا عن نفسي هدفي من الزواج غير هدف البنات .انا هدفي مو هذالك الشئ(...........)انا هدفي اني اخرج
من ظلم اهل
من قسوه زوجه اخ
من احتقار اخت
من خوف اخ وكاني ممكن اجيب عار له:arb:
من سؤال الناس
من حرص صديقات على حياتهم
من وحدتي المفاجئه
من شفقه اقارب
من عبوديه ام استغلت وفاه الاب
من طمع ام على راتبي بعد وفاه ابوي (علشان ماينقطع عنها اذا تزوجت)
عرفتوا يابشر ليش انا ابي اتزوج...................................
للحديث بقيه في يوميات اخرى
ملاحظه :تهمني ياخواتي تعليقاتكم لكن يفضل دعوات فقط لان كل شئ جربته ومافاد
ملاحظه 2:انا اشجع بقوه البنات الي يحبون يفضفضون عما بداخلهم ومنها نساعد بعض ونسمع لبعض فاهلا بكم:26:
pink heart @pink_heart_1
عضوة جديدة
يلزم عليك تسجيل الدخول أولًا لكتابة تعليق.
زينة الغيد
•
الله يرزقك بالزوج الصالح بس عاد لاتخلين الزواج هو محور تفكيرك يختي اشغلي نفسك احفظي قران اقري كتب مفيده اهتمي بجمالك سوي رياضه بري امك هذي امك شنو ماسوت حبي على راسها دوري رضاها عشان ربي يوفقك لاتخلين الزواج هو محور تفكيرك ونصيبك جايك جايك مكتوب بلوحك من قبل ماتنخلقين بعدين إذا على صديقاتك يمكن انشغلو يعني ماتدرين عن ضروف الناس وسلاااام..
اسأل الله الحي القيوم في هذه الساعة المباركة ان يرزقك زوجا صالح يسعدك دينا ودنيا وان يجعله لك فوق ماتتمنينه
الصفحة الأخيرة