هلا روزالينا .. مشكوره على الترحيب :)
اولا .. هذا ثاني حمل لي .. بس الحمل الاول ما اكتمل لأني اجهضت ... يعني يعتبر هذا اول حمل سليم ان شاء الله
والادويه اخذ من بدايه الحمل .. مثبت الدوفاستون ... و الفيتامينات والحديد و الكالسيوم وخذيت مره وحده ابره التثبيت قبل ما اسوي عمليه الربط ...
.
.
.
بخصوص كيف تعبت
انا صراحه ما كنت احس بشي ابدا ولله الحمد ... بس كنت اروح الحمام كثير ... وبعد احس بثقل وضغط تحت ..
ودايما الدكتوره كانت تطلب مني فحص داخلي مهبلي وانا حضرتي كنت ارفض >> متعقده ماريد حد يكشفني :D
في الاسبوع 23 قالتلي غصبن عنج اسويلج لازم اشوف طول عنق الرحم عشان نتطمن ...
وانا رضيت بعد ضرابه وصراخ ... اول ماشافت الصوره الدكتوره قالت شو هذاااااااااا :06:
خلاص ماي الطفل نازل والراس تحت والطفل يومين وينزل خلاص عنق الرحم قصير مررررررره
قالت بكره تجين اسوي الربط ... اي يوم تأخير خطر على البيبي .. وتعرفين صعب الجنين يعيش فالاسبوع 23
وانا على طول هاتك يا صياح وخبرت اهلي وعلى طول قالولي وافقي
وثاني يوم رحت سويتها .. ماحسيت فيها لأنها بنج كامل .. بعدين جلست عند اهلي 3 اسابيع ...
كله مرتاحه ومنسدحه ... حتى الصلاه اصليها وانا قاااااااااعده .. وكل شي يجيني لين عندي
دلعتني ماماتي فديتها ^_^
.
.
.
ابره الرئه
توني خذيتها قبل امس اول جرعه وامس ثاني جرعه ..
.
.
.
كيف امارس حياتي الحين
طبعا للحينه مافي طلعات وجيات الدكتوره مانعتني من المشي ... عل الاقل قالت لين نص الثامن ... هي شاده علي
لأن الرحم وقت العمليه فتح كله .. واضطرت تخيط خياطه داخليه للرحم .. يعني هي قالتلي الحين مو معناه سوينا ربط يعني خلاص كل شي اوكي ومابتولدين .. قالت اتوقعي الولاده اي وقت عشان كذا نصحتني ما ارهق نفسي ..
وانا بصراحه ما اسوي شي .. حتى يوم رجعت شقتي .. خدامات اهلي يجون عندي كل يوم ... وينظفون الشقه ويكوون وامي كل يوم تطبخ لنا وتطرش لنا الغدا .. والعشا الله يخلي المطعم .. ^______ ^
الصلاه لحد الحين اصلي وانا قاعده يعني اوقف بس السجود ما كمله اتم قاعده على كرسي
طبعا العلاقه مع الزوج ممنوعه منعا بااااااتا :hahaha:
وهذي حياتي بالمختصر المفيد بعد الربط .. ( اكل ومرعى وقلة صنعا ) :hahaha:
هلا روزالينا .. مشكوره على الترحيب :)
اولا .. هذا ثاني حمل لي .. بس الحمل الاول ما اكتمل لأني...
والله يستر انا قالولي الفك بيكون بدون بنج .. بس قلت بترجا الدكتوره تسويلي بنج موضعي
لأني وحده ما استحمل شي ابدا ... انا الفحص المهبلي امووت منه واقعد اصيح وتجيني حاله هستيريه :(