مممم فكرة حلوة خل نتفائل ..

أنا الحمدلله مو باقيلي إلاأسبوع تقريباً وأدخل السابع وناوية أبتدي أجهز ..

يعني لو مرة بالأسبوع رحت السوق ...

التوزيعات شريت أغراضها بس ما سويتها للحين ^_^

أمي من حملتي الأولى يحليلها كانت شاريتلي للنفاس قمصان رضاعة مررة نعومة بس ربي ما كتب الحمل يتم .. فألحين ناوية أزيد عليهم كم قميص ساتان نعومين ..


وناوية أجهز للبيبي اللون الأصفر او البيج ^_^ ألوان محايدة .. مدري أحس ما أثق بكلام السونار .. :)

وربي يتمم علينا ويفرح قلوبنا ..

وش اخباركم ياحوامل ان شاء الله طيبين

احنا أهل زوجي ماشالله كلنا حوامل هاذي السنة بين كل وحدة والثانية 3 أو 4 شهور .. حريم خوانه ثنتين وخواته ثنين .. ولدت مرت أخوه الكبير وبعدين أخته الصغيرة.. وأخته الكبيرة اليوم ولدت .... دوري بعدها تصدقون مدري ليه بديت أخاف من الولادة كل مافكرت إني بعدها .... :06:

اخباركم بنوتات:p

ملكني غلاه هلابك احنا بخير
روزالينا

انا الى الان مافكرت بس ماراح اسوي توزيعات ولاشي اشتري شوكولاته وبس احنا ماعندنا عادة التوزيعات اللي يجونك هم يجيبوا الحلا والمعجنات والشاي والقهوه وغالبا يكون بس المغرب قهوه وحلى وشاي والضيوف يجيبونه يعني الزياره قصيره مره

باالنسبه للتجهيز يمكن اذا تجرات اطلع راح اروح بس بيت الطفل وطريق الطفل وستي ماكس وطقتهن اما مولات لا مااقدر امشي كثير اخاف واحتمال اخلي خواتي

نظامي باالاكل راح استمر على ن فس نظامي سابقا بس انا هاالمره ودي اسمن شوي من دون بطن وادري هذا مستحيل:o

ونظامي دايم اذا طلعت قالوا ناحفه:16:مره العشرين الايام الاولى
نظامي الفجر 2ملعقه حلبه ص ادفعه بشاي زنجبيل
الساعه 11اذا قمت قهوه مع تمر بزبده ورشاد
الظهر قرص بر باالحلب مع عسل طبيعي وكم قطعه لحمه العسل الغابه السوداء جابر القحطاني يقول كل العسل الموجود باالسوق مو طبيعي الا هو
العصر 2م ص حلب

ثم اتقهوى شاي
المغرب قهوه
العشاء بر مع حليب اوشاي

اما شكلي مافكرت

فروحة كلنا في الهوا سوا بس بعضنا في بيوتنا وبعضنا ببيوت اهالينا

الله يتمم لك ياربي ويرزقك

ملكني غلاه

ترا ارووووووووووووع لو انتي تسوينها ومثل مااقلتي اوفررر بكثير

ونظامك دامك مجربته عيدي سويه والله يوفقك ياربي




ارابيك كوفي الله يعينك ويعدي الايام علينا بصحة وسلامة

انا ولدي مررررررررررررررررة رافع ضغطي

تخيلي ابوه شاري له انواع الالعاب والبلاي ستيشن وافلام دي في دي


الي هو يحبها وماكو فايدة


زهقان من نفسه ومني ويحسب لي بشكل مو طبيعي وكل يوم يقولي متى بنسوي حفلة ابي كيكة كبيرة فيها شموع


وحطي زينة خخخخخخخخخخخخخخخخخخخخخخخخخخخ



عاد قبل يومين قررت اخذ له psp

يمكن يلتهي عني شوي لان دوام زوجي صاير شفتات ومرات يكون بالنهار واتعب من حنته

مع ان عندي شغالة بس ماكو فايدة اليوم صحا من النوم وماشاف جدانه وذبح روحه يقول بابا جدو قال بينام ليش خليتيه يروح وهلم جرا من الحنة

وبالنسبة لزوجك خخخخخخخخخ خليه يصير ست بيت محتررررررررررررررررررمة


انا لما جاني عمي وشاف حالتي قالي ولدي اجل من يخدمه ويغديه ويعشيه
قلت له عمي قصدك انا من يخدمني

؟؟؟؟؟؟؟
انا انيم الشغالة بدري ولما احتاج شي هو يسويه لي
خخخخخخخخخخخخخخخخخ

شاي حليب عصير ايي شي

ومات من الضحك قال يخدمك؟قلت اي هذا جزاتي بعطيه كورس مجاني
يمكن تحتاجونه يوم ولاشي

اما بالنسبة لحفلتك انا من رايي دامهم مايستاهلون اجليها لمن تجين بعطلة للسعودية وسويها حق الاهل احسسسسسسسن
وبعدين ليه ماتفكرين تنزلين هنا بولادتك تغير جو وتفرحين اهلك

خصوصا انه رمضان

بعدين تعالي بسالك سؤال

صديقتي توها كانت جايتني يوم قبل كم يوم هي كانت بامريكا تزوجت ودايركت راحت
حملت وولدت هناك وجات
طبعا لما سالتها عن حالها بالحمل والولادة لان هي لحاللها فاجاتني بخبر كالصاعقة


طبعا صديقتي هذي نعومة مرررررررررررررة وضعيفة ضعيفة خصرها مرة نحيف ومافيها صدر وربي


المهم لما ولدت ماسوو لها جراحة؟


اقول لها كيف تقول هناك ولا وحدة اعرفها سووا لها بكرية او غير بكرية الا الي عندها مشكلة ممكن

وتقول وقت الطلق وطلوع الراس كانت الدكتورة تدهن لي المنطقة وتمسجها الين ماولدت بدون جررررح

ماشاء الله



انتو كذا بعد؟؟؟؟؟؟؟؟صراحة وناسة



ومت من القهررر احنا هنا ولادة مبكرة ويشقونك شششششششششششششششششق


بالنسبة للاشعة ماعرف الي اعرفه انها تضررر خصوصا بالبداية لكن ماعرف انها مسموحة بالاشهر الاخيرة

بس دام المستشفى هم مسوين لها ويدرون انها حامل اكيد انه ماكو شي


الحرة

طبععا الاشعة خطيرة مرررررة بس يقولون الاسنان دايما تكون خفيفة اشعتها وماتضر




الام الحنونة

فديته هالنونو الي بيلبس من باريس
الله يجيبه في تمامه وكماله وتفرحين فيه يارب

واردى مايلبسه ان شاء الله

تخطيطاتك وترتيباتك احس مرررررررة حلوة


هههههههههههههههههههههههههههههههه
وعجبتني معا نحو الشهر العاشررر

انا ترا بكتب افكاري بس اخر شي لما اخلص ردود


نعومة يالله فكري وقولي لنا وش بتسوين

الوان

زين انك حددتي وشريتي انا احس بتعب في الاختيار

لاني من النوع الي ودي اشتري كل شي يعجبني


كروشات نبي افكار التوزيعات بعد يعني شنو؟ فكرتك؟