سلام يابنات

اخباركم
روزالينا رمرومه رونق ميلاف

بنات قلبي مشفول على نعومه يارب تطمنا عنها

اخباري اليوم لاجديد من البارح اتوقع ان بنيتي غيرت مكان راسه لان احس الحركه تحت من الليل رفس واحيانا مؤلم فديت هالرجول اللي ترفس

بنات انا غيرت حبوب الحديد كنت على نوع وخلص وجبت واحد ثاني افضل بس هل يأثر تغيير نوعية حبوب الحديد؟؟؟؟؟؟؟؟؟؟؟؟

مساء الخير ياحلوين وين ملفنا طار مالقيتكم
كلنا قلقانين على نعومه الله يردها بالسلامه ان شاء الله المانع خير
نيو لك ماياثر تغير نوع الحبوب على البيبي ان شاء الله

غبت 3 ايام ومحدفقدني :06:خلاص انا زعلت منكم

ملكني غلاه ماعاش مين يزعلك والله فاقدين بنات كثير ليت الجميع يجون ويطمنوننا لأننا صايرين نخاف :(

بنـــــــــات بسألكم
اليوم رحت موعدي مع دكتوري الزول وعصبني بكم شغله
المفروض موعدي الاسبوع الجاي بس خليته قبل
اولا عيا الدكتور يسوي لي اشعه صوتيه!يقول توك مالك 3 اسابيع من سويتيها بعدين تضر البيبي!
قلت وش الضرر اللي ممكن يصير قال ماندري بس حنا نحتاط!
خليها بعد 3 اسابيع ومره وحده تسوين رباعي ويكون كل شي واضح!
سكت وقلت طيييب خلاص ماراح اسويها
ثانيا عيا يعطيني ابره الرئه!!
قاللي توك 23 اسبوع وماتنعطى الا 25 اسبوع وفوق
قلت ايه انا مابيها الحين ابيها لما اتم 25 اسبوع
قالي نشوف الوضع بموعدك الجاي واذا الوضع تمام ماراح اعطيك اياها!
قلت طيب يادكتور لو جتني ولاده فجأه مو احسن اكون ماخذتها قبل
قال اصلا هي مفعولها يستمر 10 ايام بس!!
وانتي خلاص عديتي وقت اجهاضاتك (17اسبوع-21اسبوع)!
اذبحه؟اغتاله
ثالثا ابر التثبيت قال لي وقفيها خلاص!
قلت له بقى عندي 5 ابر مااكمل ابره بالاسبوع الين السابع قالي لا!

طلعنا من عنده وقلت لزوجي قررت اغيره
اصلا هو مايولد ولازم اراجع عند دكتوره ثانيه عشان اكمل معها وتفك الربط وتولدني ان شالله
عيا زوجي!!
قاللي انتي معاه من اول حملك والدكتور ممتاز تبين تتركينه عشان سواليف حريم وعشانك موسوسه
قلت له لاااااااااااااا بس هو مايولد ليش اكمل معاه لازم اكمل مع وحده عشان حتى اريح لي نفسيا اكون مع حرمه واتعود عليها الين الولاده
قاللي راجعي مع دكتوره وكملي معاه!!
وعيا يابنات عنننننننننننننند
مدري وش اسوي
ابي ابره الرئه والسخيف الاول معيي يعطيني اياها والسخيف الثاني معيي اغير الدكتور!!
وش اسوي علمووووني :(