زين أسأل مجرب ..

بغيت أعرف شنو أول برنامج بديتي فيه..
أنا قريت الكلام اللي كتبتيه في الصفحاتا للي قبل بس ما أقدر أسويه..
يمكن البداية مالتج تكون اخف من جذي..

**
أنا طولي 170 ..
وضروري لازم أزيد 8 كيلو قبل رمضان ..
عندي مناسبة مهمه جدا ..

دعواتج..

الاشياء الرئيسيه اللي لازم تلتزمين في اكلها يوميا هي:::

3 علب حليب بالموز او بالفراوله باليوم بعد كل وجبه حليب
2 سلطه باليوم بالعشاء والغداء
تشربين كوب من المكمل الغذائي انشور بلص شوفي البنات كاتبين عنه
تاكلين نصف كوب كازو في فترة العصر مهم جدا اذا استمريتي راح تلاحظين و جهج سمن و طلعتلج خدود ..


و لازم تاكلين 4 وجبات باليوم واهمها وجبة العصر الفتره طويله و راح تاكلين فيها::

1بطاطا مشويه باليوم مع ملعقتين مايونيز
بطاط ليز + باونتي او مارس او سنكرز+ +حليب فراوله او موز + كازو>>نوع من المكسرات على شكل هلال .

و لازم انج ما تسهرين و توزنين كل 3 ايام مره وحده فقط ..

((الحين نجي لنوعية الاكل في الوجبات الرئيسيه الاربعه)) اهم شي ان كل وجبه تحتوي على 700 سعره حراريه مو اقل اذا حافظتي على جذي اظمن لج زيادة وزنج بالاسبوع 2 كيلو

مثلا الريوق :: 6 شرايح توست نوتيلا او بيض ومايونيز<<الملعقه فيها 100 سعره او مرتديلا مع مايونيز او جبن كرافت مع خيار و طماط <<< 750 سعره + خياره+كوب حليب فراوله او موز <<فيه 105 سعره+قطعه شوكولاته مثلا مارس<<شوكولاته مار فيها 230 سعره + بطاط ليز <<بطاط ليز فيه 150 سعره الحجم العادي
شوفي مثلا الريوق صار عندج اكثر من 1000 سعره و اشياء بسيطه ما راح تنقثين منها وممكن تبدلين اذا كنتي ما تحبين شي من اللي فوق ^ المهم ما يقل على 700 سعره

___________________________________________________

الغداء::: سلطه+ كوبين رز + قطعه بحجم كف اليد لحم او دجاج او سمك+ كوب لبن + مخلل او فلفل عشان يفتح الشهيه و بعد الغداء مباشره حبة فيتامين

____________________________________________________
نبدا وجبة العصر من الساعه 2 الى 6 طبعا الاكل عشان ما تنقثين راح تجزئينا مثلا الساعه 2 بطاطا مشويه مع مايونيز و عصير و الساعه 3 بطاط ليز مع مارس و الساعه 4 كازوا مع فمتوا او عصير و الساعه 5 مثلا تمر و طحينه ((هرده))
____________________________________________________

العشاء الخيارات مفتوحه اما تاخذي نفس فكرة الغداء او نفس فكرة الريوق مع سلطه او همبرجر او مطعم و تكون الوجبه دسمه مع كاس عصير برتقال و شوكولاته باونتي و قبل النوم انشور بلص مكمل غذائي...

____________________________________________________
وبس..سلامتج..على فكره الريوق لازم يكون الساعه 9 صباحا و الغداء الساعه 12 او 1 و العشاء الساعه 9 او 10 و بعدين تنامين و لا تسهرين

شوفي اسأل مجرب ..

أنا لو أقدر ع هذا كله كان صج متنت.. الله يكون بالعون..

بعد شوي باتغدي :

باسمع نصايحج و باكل:
1-نص دجاجه (لووول) :) بحاول .. من صجي ترى.. أبي تشجيع ..
2-العيش مادري جم بيكون بس قولي يعني جم ملاس ع قدي يترسون الصحن..
3- قلتي سلطة باكل سوية سلطة باحط عليها زيت زيتون بعد..
4- باكل شوكلاته نوتيلا و واحد سنكرز أصغر حجم..
5- حليب
6- وإذا انا قدها باكل 7 ولا 10 تمرات ولا رطب..

شرايج ؟؟

لي عودة أخبرج باللي كلته ..

ومنو اللي يقول احنا ما نقدر .. نقدر .. :)

ما ريا حلوووو بس هاا رازم تزيدين كل يومين الكميه شوي او تضيفين شي جديد للقائمه اوكي

تحياااتي

بنات
ابغي اسالكم
شراب الحلبه حلبه مطحلونه مع ماي
او
نقلي الحلبه ونشرب المنقوع؟
وهل الحلبه تفتح الشهيه؟