جزاك الله الفروس الاعلى

ادعوا لي في سجودكم بالفرج وان يعجل الله لي بالزوج الصالح ويكون زواجي بهالعام 1432 والدعاء بظهر الغيب مستجاب

الله يسعدج ياااا لمى
وتكون عليج سنة خييييييير
ويقر عينج
بالزوووووج الصالح

سبحان الله وبحمده
سبحان الله العظيم

ادعووولي ربي يشفيني ويرفع الضر عني

لاتنسووني يا اخوااتي ف الله

فعلا نفس الشعور يااخت سماهر قمر راحة عجيبة الله يثبتنا على ذلك

الله يرزقك يااختى لمى بالزوج الصالح الي يهنيك
الله يشفيك ياختى ساهرة العيون ويرفع الضر
عنك اقري ياختى سورة البقرة وطمنينا عنك

اللهم آمين





هلا ريمان
حبيتك يا الغالية
أنا تقريبا كل يوم أفتح الصفحة بس ما لي نفس أشارك
اختباراتي بدت هالشهر ولسه ما درست شي , والمعهد أتصلوا علي يبغوني أجي وأحدد المواعيد عشان أختبر لأن ما فيه أي مجال للعذر أو التأخير لأني الآن أعتبر متأخرة بالرغم إني كل يوم أقرأ سورة البقرة

ولأول مره أعتقد فيني مس :( كان على بالي فيني عين فقط , وهو السبب اللي موقف ومعسر حياتي من أكثر من عشر سنين , لأني حسيت لأول مره بنبض (حركة) داخل جسمي بالرغم إني في هالعشر سنين السابقة أقرا عند شيوخ فترات طويلة ولا صار أي شيء , وكلهم قالوا فيك عين فقط !

أعتذر منكم يا بنات , المفروض أحمسكم باليوميات !!!





يمكن تعجبون في كتابة يوميات عضوة إماراتية في منتدى إماراتي .. بنسخها لكم
ما كتبت رابط المنتدى لأنه مخالف من الادارة





مستجدات العشر ايامالاولى

الحمدلله بديت قراءة سورة البقرة مثل ما قلت يوم الخميسالموافق 5-3-2009
انا كنت وايد مشغوله في هاليوم فقريت السورة على مرحلتين.. الصبح والمساء والحمدلله دعيت للبناتاللي طرشن اساميهن(الله يرزق كل البناتمبتغاهن يارب)

طبعا النفسيةهادية الحمدلله وكل شي مر تمام.. في اشياء كنت ابا اشتريها وكنت خايفة انها خلصت منالسوق بس يوم رحت حصلت الاشياء اللي اباهن بسرعة وبالصدفة..(لاني ابا اطرش هدايالربيعتي)

رقدت وقمت ثاني يوم وحصلت مسج على موبايلي اني فزت بمبلغ منالمال!!!! (هذي البداية) صح انه مبلغ بسيط جدابس بعد نعمةوياتني لين ريوليوانا مابقول لا... لول

المهم قمت ويلست معاليهال (الوحوش) سبحان الله ايام المدرسة ماينشون من وقت جي.. بس ايام الويكندينشون على صياح الديك!! المهم سويت لهم ريوق سندويشات بيض وجبن.. وايد عليهم مع نصكوب شاي..

وعاد بدأ النشاط وبدأ النط والهبل والنكت السخيفة..

خالوخالو..ليش سموها الرحبة؟ ليش..؟ لان فيها حبة هاهاهاها!!!... سخيييييييييييييف.. انطب احسن
خالو خالو مرة طلعت لي حبة في ويهي هاهاها..!!! ...يارب ارحمني منسخافة هالولد.. انطب ياثقيل الدم

حطوا علىقناة طيورالجنة.. اول مرة اشوف هالقناة!! كلها اناشيد للاطفالبسفيها موسيقى ودق!! حلوة الاناشيد بس كيف فيها دق وموسيقى!! والبناتلابسات قصير ومناكيرفيالاظافر..ألخ.. وهي يالسة تدعي!! هاه!!! شو الفرق بينها وبين الاغاني.. نفس الدقواللبس القصير..ألخ!! والمشكلة ان اليهال مدمنين على القناة ويغننون قصدي "ينشدون" معاها؟!

بعدين رديت الغرفة ويلست اغلف الهدايا واسوي حركات حلوة (اوني عادمبدعة..لول) لين خلصت ووسخت الغرفة كلها عشان كم قوطي..لول بس والله كان وناسةوتضييع وقت في شي حلو

وماصار شي غريب يذكر..غير اني كلت وااايد علىالغدا..لول (الحلوة متأخرة واااااايد كالعادة) ومزاجي خايس بس وايد هادية وماسكةعمري بالغصب..

قريت السورة ورقدت.. حلمت اني حامل وربيت مرتين!! "لا تفهمونيغلط.. والله بعدني انسة..لول"

ثالث يوم قمت الصبح وطرشت الهدايا لربيعتي.. شوي والا هي داقة مستااااانسة عليهن..لول جنها ياهل..لول.. وتمت تشكرني.. استحيتمنها وجان اسوي عمري مشغولة عشان اصكر بس عشان ما اتم تشكر فيني..

وضربتنيضيقة خايسة .. وكانت نفسي مفتوحة للحلويات.. ولحسن الحظ ان ما كان عندي اي حلوياتولا كنت عادي زدت 20 كيلو..

رابع يوم..اخر الاخبار مع الريال.. انه الموضوعتقريبا اتصكر.. لا جديد فيه (الحمدلله على كل حال) اهله مسافرين عشان اخوه اللي سواالحادث (الله يهدي شبابنا) وما صار اي جديد.. ما اعرف هل لازالوا غير مقتنعين اماقتنعوا.. ام سدوا كل الدروب.. طبعا انا اكتب هالكلام والدمعة على عيني..وكاتمة السالفة في قلبي.. وتبون الصراحة بديت اشل الفكرة من راسي.. ولابفكر فيها.. كل انسان ياخذ نصيبه في الدنيا واذا لي نصيب تراني باخذه بس ما بحرقاعصابي ولا بهتم بالموضوع.

خامس يوم.. رحت الدوام وكل شي كان اوكي بسانا متضايقة وايد..(متى تنزل الحلوة وتفكني)..قلت بروح اقرا سورة البقرة يمكن احسبتحسن.. وقريتها ودعيت من قلبي ان اموري تتيسر ودعيت للبناتان الله ينول كل وحد مرادها (الله يرزق كل البناتالازواج الصالحين يارب)

والله ضربتني ضييييقةودخلت منتدى ثاني وقريت مشكلة وحدة من العضوات ..والله عورت لي قلبي حتى اني صحتعليها انظلمت من ابو ريلها (حسبي الله ونعم الوكيل فيه اذا صدق هو خرب حياتهاوطلقها من زوجها).. قلت في نفسي سبحانك يارب..لا المتزوجة مستانسة ولا اللي مشمتزوجة مستانسة!

قلت بسير ارقد وحطيت راسي وانا حزينة.. وسبحان الله يابنات.. اتذكرت اني ماخلصت قراية السورة.. والله يلعن الشيطانيكسلني.. ان عادي ارقدي ..الا هو يوم واحد بتتأخرين وبعدين انتي قارية 40 يوم قبلوماصار شي.. والله وساوس تدور في راسي..وقلت خلاص برقد اناتعبانة.. بس والله اني ماقدرت... قلت ما اريد اخرب الشي اللي بديته.. خلنياقوم واقرأ.. وما شاءالله علي وعلى عنادي..استانس يوم يطلعالعناد في المكان والوقت الصح.. احلى شي يوم اعاند الشيطان لابركتنفيه..والله وقمت وقريت السورة وانا اتثاوب.. ياربي ليش صارت ثقييييلللةعلي.. تراني دوم اقراها واحسها خفيفة...لأيش اليوم ثقيلة.. وابا اخلصهابسرعة!!

شو ياني.. بس والله لا أكملها لو شو مايصير.. والحمدلله اني كملتهاواتعايزت اسير افتح الورقة اللي كاتبة فيها اسماء البناتعشان الدعاء.. بس ماقدرت.. شعور الذنب ياني..غصبت عمري ورحت وفتحت الورقة ودعيت لهنوحدة وحدة (يااااااا رب استجب لي يااارب.. يارب كل البناتاللي طرشن اساميهن وبدن معاي في قراءة سورة البقرة انهنيتزوجن الشخص الي يبونه عاجلا غير اجل.. يااا رب)

سادس يوم
قمتورحت الدوام كالعادة.. بطني عورني الدورة ياية في الدرب بس بعدها.. وكان عندنابرزينتيشن مال الدوام.. ويلسنا وقلت بروح قبل ما ينترس الحمام (وانتوا بكرامة) وبتوضأ عشان وقت البريك اروح على طول واصلي.. وانا داخلة الحمام.. ولا الحلوةنزلت... اخييييييرراااااااا فرجت.. متأخرة 11 يوم..

حسيت بهم وانزاااح.. وايد اتحسنت النفسية... ورحت وما خليت شي ما كلته..لول
ورديت البيت ويلست اقرأسورة البقرة من الكمبيوتر..

انا ابا اتزوج هالانسان الليفي خاطري واهله مايبوني.. رفضوني بدون حتى ما يشوفوني ولا يعرفوني! طيب يمكن انازينة واناسبه اكثر من بنت عمه او خاله!! يمكن هو ما يتقبل بنت عمه بعدين... مش حرامتظلمون البنت معاه! يمكن يتزوجها وماتطلع مثل ما يباها.. ويقوم ويطلقها.. مش حرامتضيع البنت وتدمر لانه ما عجبته او العكس صحيح؟

وايد افكار دارت فيخاطري.. اطالع التلفزيون ولا ادري عن شو يتكلم وانا هايمة في تفكيري.. اسئلة كثيرةدارت في بالي.. قلت ياريت اوصلها لاهله..

بس اللي جابر خاطري انه هو يباني.. سمع عني الزين الحمدلله وشافني في دوامي وانا ما ادري.. طايرة في مشيتي (والله لوادري جان شوي على الاقل اتدلعت في المشية..لول)

بس بعد!.. لين متى بيتمسك.. في النهاية يا هو يغلبهم ولا هم يغلبونه!

بس خلاص ما اريد افكر اكثر.. بس
بسير ارقد,,

اليوم السابع
رحت الدواموكان عادي.. خلصت وايد اشياء ورحت عند المدير العود فجأة وكلمته اني ابا ترقية.. جيدقت في راسي.. وسرت لول

والله ما اعرف ليش احس انها بتتيسر علي.. جلست معاهوقلت له اني كملت كم سنة عندكم واشتغل شغل 3 واكرف واتأخر في الشغل واخلص كل شي اولبأول والكل يشهد لي بهالشي.. ليش ما ترقوني! جان يسألني كم سؤال وجاوبتهم وقال ليان شاء الله خير

الحين ما اعرف هل بيسوي لي سالفة ولا بيطشني.. المهم اناجربت حظي وبنشوف شو بيستوي.. الحين بسكت عنه والاسبوع الياي بذكره... صار ترى خيروبركة واذا ما صار.. باكل تبن وبخلص شغلي..لول بس ما بستقيل.. اخاف اتوهق وما احصلوظيفة في مكان ثاني..لول
ما قدرت احصل الريل.. على الاقل احصلالترقية.. لول...

احس ان جسمي تعباااان.. من الحلوة
اليوم خلصتقراية السورة في 40 دقيقة!! قبل في 46 دقيقة... في تطور

اليومالثامن
اليوم الخميس..طبعا رحت الدوام وكانت عندي وايد اشياء اخلصها والحمدللهخلصت الاشياء الهامة.. وبعدين ياني صداع.. قطلعت قبل نهاية الدوام بساعة تقريبا.. ورديت البيت..
حسيت ان راسي بينفجر.. بالعادة يوم راسي يعورني انا ما اكلبندول.. اتحمل قد ما اقدر واذا وااايد تعبني الصداع.. اكل حبة بندول ..يعني فيالشديد القوي

وبما ان ما علي صلاة هالايام.. قلت بروح الغرفة وبرتاح.. ورحتوقريت سورة البقرة من الكمبيوتر وانا تعبانة.. والله اني كنت متعايزةوالشيطان الملعون يقول لي رقدي.. خلاص اقريها باجر.. الله يلعنالشيطان

بسطبعا زووز1 لا تؤمن بالمستحيل.. وطبعيعنيييد.. اذا قلت ما بخرب قرائتي للسورة.. خلاص ما بخرب فياريت لو الشيطان يبعد عندربي لان لا مجال اني انصت له.. الحمدلله افكر بايجابية لانه بيرد لي..

يوموصلت لنص السورة خف عني الصداع بس ما راح..
قمت انسدحت شوي عشان ارقد وشفتالساعة... اوووف بعدها 8:15 المسا... قلت انا لو رقدت الحين.. .بنش الساعة 3.. بتممثل البومة خلني اطالع تلفزيون شوي وبرقد بعدين ويلست اجلب في هالقنوات.. وعلىالساعة 10:20 رقدت..

اليوم التاسع:
قمت الصبح نشيطة على الساعة 7.. (عنبوا ايام الدوام ما سويتها...دوم انش متاخرة..لول) وشفت الجو مضبب.. جان اروحاسوي لي ريوق.. ياسلام عليج يا زووز1 يالفرنسية..سويت اومليت وشاي وتوست.. ويلستاطالع تلفزيون.. والكل راقد.. المهم بعدين نزلت عند الاهل واليهال..

تغديتويلسنا نلعب.. والمساء سرنا سوينا رياضة ومشينا في الفريج.. عشان جي نحن فينا سمنةوكروش ناكل ونجابل التلفزيون.. ولا نتحرك وعقب نتذمر

يوم مشيت حسيت انالدورة الدموية في جسمي اتحركت اخيرا.. حتى اني تعبت وانا امشي وهذا ان دل فيدل علىان جسمي ما فيه لياقة ويحتاج لرياضة لانه صار له فترة اتعود على الكسل
انا كنتدايما اسور رياضة لين نقلنا .. وبس ما قمت اروح ولا قمت اتحرك ولا اسوي رياضة.. صرتكسولة بس شكلي بسوي جدول جديد لقضاء يومي وبدخل الرياضة غصب فيها وببدأ انشاءالله...

اليوم العاشر
رقدت الساعة 12:30 وقمت اليوم الساعة 9الصبح
وطبعا لانه ويكند الكل راقد... سويت لي ريوق خفيف ويلست اطالعالتلفزيون
شفت فيلم هندي (تراني من محبي الافلام الهندية...لول)...

والله اني احب الويكندز وايد.. لاني ارتاح من الدوام والشغل.. احيد يوم كنتياهل كنت اسمع الكبار دوم يقولون.. لا تكبرون خلكم صغار.. كل ما تكبرون تزيدالمسؤوليات والمشاكل والهموم.. ونا كنت اقول في نفسي..لااااا انا ابا اكبر واتخرجواشتغل.. وبالفعل كبرت وخلصت جامعة واشتغلت.. والحين اقولواللهايام الطفولة احلى..لا تفكير ولاهم ولا مشاكل... صدقهم يوم قالوا.. لا تكبرون خلكميهال حلوين... بس هذي سنة الحياة .. والحياة هي اللي نحن نصنعنها.. يا نصلحها ولا ندمرها

المهم.. اليوم بس تميت ماسكةاليهال.. يعني وقتي كله راح وياهم
ورديت الغرفة.. وقريت سورة البقرة... والحمدلله مر اليوم بسلام وبدون اي مشاكل.. بعدين يلست افكر هل بحصل الترقية املا؟؟ يا رب احصلها

انا ما اعرف كيف بعض البناتيفكرن.. وحدة مرة كاتبة انها تبى تعرس وتبى اتييب عيال وتبى ريل تحبه ويحبها ..ألخ.. بس طلعت من الجامعة ويالسة في البيت!!! انزين ليش؟؟
ليش تيلسين فيالبيت.. ليش ما تكملين دراسة؟؟ وشو ضمنج انه حتى لو ياج المعرس بيرضى فيج؟؟ يمكن هويباها جامعية (وايدين هالايام يبون وحدة دارسة وتشتغل عشان تساعده) انزين يمكن لوتخرجتي واشتغلتي.. حد من عيال الحلال يشوفج ويتقدم لج؟؟
ليش صاكة الباب على عمرجوتقولين ابا اعرس... ليش ذابحة حياتج وانتي بامكانج انج تستغلين ايام العزوبية فيالعمل والتعلم.. تراها الخبرة في الحياة بتساعدج وايد باجر في حياتج الزوجية ووياعيالج بعد
يابناتفكروا عدل واستغلواايام العزوبية في اشياء حلوة.. ابني نفسج وشخصيتج.. قبل لا تنشغلين مع الريلوتقولين ياليتني سويت ويالتني تعلمت

اخيرا.. مثلماوصيتوني.. الحمدلله ما نسيت الدفعة الاولى من الاسماء ولا الاسماء اللي وصلتنيمؤخرا اللي هي: عالية علي..عالية..منيرة..سارة..أمل.. شيخة..مريم..علياء.. علياءالزعابي..فاطمة.. نرمين..مروة..أسماء..حصة..نورة. .فايزة..عايشة..عنود. .سامية..فطيم..رقية..لولو..زينب. .منى..هند.. عفراء..
كل يوم ادعي لكموالله يستجيب ان شاء الله..

الله يحقق مراد كل وحدة دخلت موضوعي وبدأت معايوشاركتني في حملة قراءة سورة البقرة.. وكل وحدة دعت لي بدعوة حلوة عن ظهر الغيبولها مثلها باذن الله..

ملاحظة: انا ابدا ما اشوفمشاركات الاخت Wolvs_grlكانتماشاء الله عليها دايما اتشجع الواحد على المواظبة.. ياريت اللي تعرفها تبلغهاسلامي وتقوللها اتنور الموضوع بمرورها الطيب

ودمتم في حفظ الله ورعايته


.............................. .............................. .............................. .





بنات
ادعوا لي بالشفاء
متضايقة حسبي الله على الشيطان وعلى العدو الظالم