شخباركم بنات

رسيييييييييييل

طمنيني عن يسوفي

عاد تدرين
انا كان خاطري سمي ولدي محمد يوسف
خصوصا اني قبل ما اولد به بإسبوع يمكن
زوجي حلم اني ولدت و يبت ولد و كان يقرا سوره يوسف
و انه جده المتوفي قاله بييك ولد و سمه يوسف

بس زوجي قرر يسمي على ابوه و ما رضى


خلاص ارسللي ولدج برضعه علشان يصير ولدي :)


سالفه النزيف الله يسلمج
بما اني والده بعمليه
فكنت نظيفه تقريبا
يعني من اول يوم ولاده
وانا ما ينزل علي الا قطرات
و مرات اتم يوم كامل ما اشوف الا نقطه وحده بس

من كم يوم كنت نايمه
الا احس برطوبه
رحت اشوف و الا غرقانه
و ما كنت ملحقه ابدل
كل خمس عشر دقايق رايحه اغير غير الي يصب صب بالحمام

و اخر شي شفت قطع مثل اللحم

طبعا زوجي مو عندي
و امي و ابوي مسافرين علشان كان عندنا وفاه

ما قدرت اروح المستشفى ما كان عندي حد يوديني
فدخلت هنيه و كتبت سؤال للدكتوره و قالت لي عادي هذا دم الاربعين

الحمدالله الحين النزيف خف
و اليوم نهائيا ما شفت شي لدرجه اني شاكه اني طهرت

على فكره انا من كملت عشرين يوم و انا اخذ رشاد


سالفه اني لازم ما اتحرك من السرير
طبعا انا قلت لكم ان الم ظهري زاد مع الولاده
فطلبولي اشعه رنين مغناطيسي و انا بالمستشفى و سويتها

و عطوني موعد في نص نوفمبر
انا طبعا رحت قدمت الموعد و حلت الاسبوع الي طاف لانه الالم فظيع

الدكتور شافني و قالي اتوقعت يزيد الالم بعد الولاده بس مو لهدرجه
و قال انا قلت لج بتولدين قيصريه بس انتي عنيده

المهم شاف الاشعه
قالي انتي ما عندي دسك

انتي عندج شي اسمه بلاك دسك
و هو انه وحده من الفقرات الماي الي فيها ناشف نهائيا ( الفقرات تكون مثل الاسفنجه المبلوله ماي)

قال ممكن تخف مع راحه تامه 3 اسابيع
ما اتحرك الا بس للحمام
حتى الرضاعه و الاكل و انا منسدحه حتى القعده ممنوعه

بس العلاج لهالحاله هو الجراحه بإنهم يستبدلون الفقره بوحده صناعيه
و قالي انتي بعدج صغيره على هالجراحه فإنسيها


المهم
انا طولت و ظهري بدا يألمني

موعدي مع الدكتور تاريخ 1 ان شاء الله
و ليومها بضل محبوسه بالسرير

بنوتي الحمدالله احسن
للحين ما احسها وصلت 3 كيلو
بس الغازات تاعبتها وايد
سلامي للجميع و بتوحشوني جميعا بدون استثناء

قوارير
الف حمد لله علي سلامتك منوره الملف
والله انى كنت مفكره انك طهرتى
بس شو هو سبب الالم الذي عندك في الظهر هل كان موجود من قبل او بعد الابره
انا الحمد لله عملة ابرة الظهر بس الحمد لله الالم راح
الله يشفيك ان شاء الله وانتبهى علي نفسك
رسيل
هلا والله منوره الملف
تصدقي اليوم عمتى تقول لي وجهك مثل القمر انتبهى تنحفي :27:
وزجى قال انى طالعه حلوه مع السمنه :10_8_11:
بس ان شاء الله انا ناويه انحف واعمل دايت كويس
المشكله انى لما انحف اكثر شى ينزل وجهى يصير نحيف جدا
و لما اسمن شويه يصير وجهو افضل ومثل القمر علي قولة عمتى :27:
اما عن الابر
انا جربتها بعد الولاده الاولا وسببت لي نزيف 5 اشهر والله انى محتاره الله يكتب الذي فيه الخير
اذا بدك ترضعى طبيعى لا تعطيه الحليب الصناعى الا مره في اليل
لان اذا كثرتى من الصناعى خلاص بيكره صدرك
لان الصناعى يشبع اسرع واسهل في المص
الاشرطه الذي معى ليسة مخصصه لبعد الولاده لكن اشرطه عامه واحلا شى تايبو صحيح صعب لكن له مفعول
علي فكره انا صار لى يومين احس نفسى طاهره وان شاء الله اليوم ابدء اصلي هذا اذا ما رجع الدم
بس اظن انى خلاص طهرة ان شاء الله

up

سارة..

تصدقين سبحان الله أنا كل ولاداتي أطهر بعد 17 يوم بس وأصلي..
لكن هذي الولادة بالذات.. لأني في رمضان.. معاندة أعوذ بالله.. :30:
لحد الآن كل ما قلت طهرت نزلت نقطة دم سوداء وخوفتني أقول ما يصير حرام..

لكن نصيحة يا بنات.. لا تطهرون وتغسلون إلا إذا شفتوا الطهارة البيضاء.. ضروري اللي هي الافراز الأبيض اللي يجي مرة وحدة بعد الدورة أو النفاس.. ويدلك على نك خلاص طاهرة..
قبل كذا ما يصير..

وخوفتيني على سالفة الابرة.. حتى زوجي يقول أحسها أنها خطيرة ومضرة.. :(
ما أدري الله إيش آخذ.. شكلي ما لي إلا حبوب الرضاعة.. بس بأشوف لي نوع غير ميكرونور لأنها حاستني في ولاداتي الثانية.. لازم تاخذينها كل يوم في نفس الموعد نفس الدقيقة.. ولو تأخرت نص ساعة بس ينزل عليك دم من بكرا.. ولو ما رضعتي 6 ساعات أيضاً ممكن ينزل عليك دم من بكرا.. يعني حووووسة.. استغفر الله ما تدرين متى تصلين ومتى تتركين الصلاة.. :09:

الله يعينا يا رب.. :(

==========

قوارير

يا عمري مأجورة إن شاء الله.. والله يشافيك.. كثري قراءة على نفسك.. الله يشافيك يارب..
وشأخبار مرايم؟ خرمتوا أذانيها؟
وِأخبار زوجك؟ وين يفطر الحين؟
أنا مسكين صاير مثل اليتيم.. أمه مسافرة ويجي يفطر عندنا والسحور من مطعم.. كاسر خاطري..
ورحت قبل كم يوم للبيت يا سلاااااااااااام لقيته قرف × قرف.. أكياس المطاعم بتوصل للشارع..
يوووه جلست يومين أروح وأرجع أنطف في المطبخ بس.. والله حتى الدود الله يعزك لقيته هناك :eek: خخخخ

على فكرة..
شأخبار العناية بالجسم؟ ذكرتك يوم رحت لبودي شوب وشريت شوية كريمات..
وإلا أنتي يا قلبي موقفة علشان ظهرك؟..
أنا ودي أسوي أشياء كثيرة.. بس أقول أخليها لبعد العيد أحسن الحين بدري.. يكفي أدهن جسمي وبس.. أخلي الخلطات للأيام الأخيرة بإذن الله..
واليوم مشيت لي نص ساعة على الخفيف وأنا شايلة يسوف..

وعلى اسم يوسف.. الكل مستغرب ايش معنى اخترنا هالاسم بالذات..
وأنا مختارته لأني أحببببببببببببببه موت وربي سخر زوجي وعجبه.. وإلا كان ناوي يسمي عبدالعزيز لآخر لحظة..
دايم يذكرني بصلاح الدين الأيوبي لأن اسمه كان يوسف.. وعلشان نبي الله يوسف الشاب التقي..
وأيضاً القائد المجاهد العظيم قائد المرابطين يوسف بن تاشفين..
عسى الله يجعله مثلهم وينصر فيه الإسلام والمسلمين وكل عيال المسلمين..

على فكرة يا سارة..
شرايك ندور في النت على شريط خاص لتمارين ما بعد الولادة؟
أنا بأدور في الأمازون.. وإذا لقيتي عطيني اسمه..