عيدكم مبارك

دشيت اطل على الموضوع اللي ان شاء الله بعد كم يوم راح اكون متواجده فيه معاكم نشارك بعض بالأخبار

والله بنات نفسيتي تعبانه من الحين احاتي :-
1- كئابة النفاس
2- الخياط
3- مادري شلون راح تكون ردة فعل حمود + الله يعيني على شطانته
4- بعدي عن زوجي موترني
5- افكر من الحين بالرضاعه الطبيعية مابي ارضع صناعي
6- واكثر شي الم العزيزو (آخر فقرة بظهر ) لأنها تحركت بولادتي بحمود وأذتني وايد ماراح الألم الا بعد 4 شهور وهي تتكتك وتتحرك وخايفه ان هالشي يتكرر مره ثانيه بهالولاده الله يستر

خلاص أمس شطبت كل الأغراض الحمدلله حتى اغراض الجمعية كل شي شريت لي وللبيبي بس نسيت شغله وحده الشنطة اللي فيها مقص الأظافر والمشط

بنات انتو الحين ولدتو ولله الحمد وشفتو شنو الأشياء اللي احتجتو لها والأشياء اللي ما استخدمتوها والأشياء اللي رحتو شريتو زياده منها ودي اعرفها عشان اروح من الحين واخلصها قبل لا اولد عشان يكون كل شي متوفر عندي

ماماتووو كل عام وأنتي بخير.. وعساكم من عواده..

تدرين فالك طيب.. أغلب اللي يطلون علينا ما يطولون اسبوع ويولدون:42: .. هههه استعدي..

أكثر شي اضطريت ازيد منه.. الشراشف واللفات.. ما صرت ألحق عليه من كثر الترجيع الله يعزك..:09:

والمصاصة :04:.. ما كنت ناوية أعطيه مصاصة ولا عمري عطيت عيالي.. لكن ذا الصيّاح :scream: هذا ذبحني اسم الله عليه .. اضطريت اشتري له.. لكن كل مرة تضيع اشتريت لحد الآن 3.. آخر وحدة فيهم تشب ضو في الليل ههه علشان ألقااها..

وحتى الرضاعات.. لأني كنت ناوية أعطيه طبيعي ما شريت إلا أربع حجم وسط.. والمستشفى عطوني يمكن 6صغار مرة.. والحين اكتشفت أني ما أصلح أرضع طبيعي.. تعبت وحليبي ما يشبعه.. وهو أصلاً ما يبي صدري نهائي.. يصرخ إذا شافه خخخ ينرعب مسكين.. فمضطرة أشتري أكثر.. لأني أجمعهم لنهاية اليوم وأغسلهم.. والأربع ما يكفون أبداً.. ولا تنسين فرشة تنظيف الرضاعات أنا نسيتها وما شريت إلا بعد ما ولدت.. مهمة جداً

أيضاً مسحات الحفاظات أعزك الله.. شريت يمكن لحد الآن 4 علب كبار.. وكل شوي روحوا وارجعوا من الصيدلية.. أحسن اشتريها من قبل وخليها عندك وأحسن شي تشبز القديم الأصفر.. جربتهم كلهم من جونسون وغيره.. مب زينين..

ممم.. وش بعد..؟
إيه.. ملابس البيبي الصغير.. تعبت وأنا أدور له.. طلع ما عندي ملابس على حجمه إلا ثنين بس.. أغسل وألبس والباقي كلللهم كبار.. يعني من 0-3 ما استخدمتهم أبداً لحد الآن..
لكن مب شرط.. حسب حجم البيبي.. أختي عكسي ما استخدمت النيو بورن كثير.. لأن اسم الله عليه حجمه طبيعي.. لكن أنا القزوم الصغير ذبحني..

إيه ايضاً الفنايل الداخلية.. أنا كنت شارية 7.. ووحدة ثامنة بناتية فيها شرايط.. احتياط لو طلعت بنت..
تصدقين كرفت الـ7 كلهم وما ألحق.. وامس اضطريت ألبسه الشلحة البناتية :hahaha: خخخخخ أخواني يضحكون عليه يا عمري.. وش أسوي.. اسم الله عليه بوله الله يكرمك يطلع برا ويبلل الملابس.. وإلا يرجع كل شوي نقطتين وأنا ما أحب الملابس فيها ريحة أبداً.. أحبه دايم نظيف وريحته حلو..

ويمكن لأني أغسل له يومياً فأستهلك كثير ملابس.. تدرين.. الغسل كل يوم للطفل يكبره ويحسن صحته..
حتى الدكتور نصحني قال تبينه يكبر؟ غسلي له كلللل يوم وبعدين دهنيه بزيت زيتون من راسه لرجوله.. كل يوم.. وخلي الزيت عليه أحسن صحة..
تصدقين أنا كنت مستغربة كيف أخلي الزيت عليه!!!
لكن لما جربت.. لقيته بسرعة ينشف.. ومع البودرة وكولونيا الأطفال سبحان الله تروح ريحته وبالعكس ما يبين في ريحته إلا النظافة والعطر..
يقول الدكتور أن زيت الزيتون فيه فيتامينات تدخل من الجلد.. وأنه يقوي الكبد ويطري الجلد ويمنع أبو صفار سبحان الله.. ويصحصح الطفل.. (يخليه يكبر منيييح على قولته)..

الله يسهل عليكم يا رب..


صح..
إذا تبين اشتري لك أربع علب تحاميل بواسير خخخخخخخ.. والله ذبحتني استحيت من زوجي كل أربع خمس أيام مرسلته يجيب علبه.. شكلي بأشتري درزن خخخ
اسمها نيوهيلار معروفة.. اللي قالت عنها راعية مبدأ من قبل..

كل عام وانتم بخير00
رسيل00
مشكوره والله استفدت من نصائحك مره وان شاء الله اطبقها00
المسحات اشتريت من بيجون0وفكره زيت الزيتون مره رهيبه ان شاء الله اطبقها واستمر عليها00

هلا والله حنونة
حياك الله يا الغالية..
تصدقين بالفعل لاحظت انه اسم الله عليه وجهه ورّد من يوم صرت أتبع نصيحة الدكتور.. وبدا يكبر شوي..وحتى جلده صار طري وما عاد تطلع له قشور ولا حزازات لا في جسمه ولا راسه..

رسوله والله ما قصرتي عالنصايح

والله يسمع منج واولد هالاسبوع ياااااااااااارب ادعي لي

أما عالأغراض اللي قلتي عنها كل شي عندي منهم بكمية لا بأس فيها

أما المسحات انا شريت من مذركير لأني جربتها بحمود مريحه وريحتها حلوه وما تسبب حساسيه

وعلى سالفة زيت الزيتون عندي فكره عنها خالتي أم زوجي دهانه وتعرف بهالسوالف ماشالله عليها وتعرف ادهن المواليد وتسوي لهم مساج يقوي عضلاتهم وعظامهم حتى لو بتلاحظين ان الشعر الزايد عند البيبيات راح يطيح بسرعه

اصلا حتى لو كان منشول وتخافين ينشف داخل خشمه ويتصكر حطي بعود قطن الإذن شوية من الزيت ومسحي داخل خشمه

وعلى التحاميل صار عندي خبره فيهم لأني آنا من صغري فيني بواسير واستخدمت انواع واشكال من العلاج واللي قلتي عنه ممتاز لكن اللي عطانياه دكتوري بحمالي بحمود هذا لا يعلى عليه بس للأسف نسيت اسمه