مبرووووووووك اختي مردف

والحمد لله على السلامه ويتربى في عزكم ان شاء الله

بس حبيت اسالج عن طلق الصناعي هل اهو متعب

السلام عليكم
كيفكم جميعا
أخواتي أنا ب8 أيام النفاس وأصبح الدم يتقطع عندي فيوم ينزل ويوم لا أجد شيئا وإذا نزل نزل بكمية بسيطه بعد ألالام شديده في أسفل البطن من الجهة اليمنى
للمعلومية استخدم نظام فيافي
فهل هذا طبيعي أم هناك مشكله

الف مبروك اختى مردف
والحمد لله علي سلامتك
رسيل
انت مازلتى في بيت اهلك صح طيب ليش وقت الخلاطات ما تحطى يوسف عند امك او اخواتك لين تخلصى والله تخيلتك وانت طالعه من الحمام اكيد شكك كان يومت ضحكه ههههههههههههه
تصدقي والله انى خايفه من اول لقاء مع زوجى بعد الاربعين اخاف يلاحظ تغير كبير الله يستر
انا احاول اهتمى بنفسى بس موكل يوم ان شاء الله ربي يجعلنا مثل العرايس في عيون ازواجنا امين يارب
كراميل
انا الصراحه الدم اصبح عندى متقطع بعد 8 ايام تمام يعنى بعد اسبوع صار خفيف ومتقطع الي الان وانا ما استعمل اى نظام معين واظن ان هذا طبيعى

أهليييييييييييييين حبيبتي مراديفو

شأخبارك؟ مشتاااااااااااااااااقين لك.. :42:
وشأخبار حمّود كم وزنه يوم ولدتيه اسم الله عليه؟

كراميلااا

عادي حبيبتي أنا واختي كلنا توقف علينا الدم من رابع أو خامس يوم.. وبعدين يبدأ ينقط وافرازات خرابيط لشهر تقريباً وبعدها غسلت الحين لما شفت الطهارة البيضاء..

سارة

لا تخافين.. إن شاء الله إذا تستخدمين الرشاد مع التمر، وتشربين شاي القرفة ومنتبهة لنفسك من البرد زيين يعني تلبسين ملابس داخلية طويلة وجوارب بإذن الله تطلعين عروس..:)
وللأسف ما عندي خوات أخلي يوسف عندهم.. :( اختي الوحيدة طلعت من نفاس من اسبوع..

وأنا للحين في بيت أهلي.. لكن أمي يا عمري خلاص تعبت من يوسف وما عندنا شغالة الحين يعني بالعربي الفصيح قالت لي.. بس أمسكه خمس دقايق إذا بغيتي تروحين حمام أو تصلين.. ما عدت أقدر على هالصيّاح لأنه مزعج جداً ومتعب مب زي الأطفال العاديين اسم الله عليه الله يحفظه ويهديه.. وهي ما قصرت جزاها الله ألف ألف خير وإلا كان رحت فيها بدونها الله يسلمها.. وشكلي خلاص ما فيه أمل أحط خلطات هالأيام..

أنا صراحة تعبت فعلاً وإن شاء الله تجيني شغالة أمينة طيبة أرتاح لها تساعدني عليه..وإلا يمكن أستقيل من عملي أو أنهار من التعب والسهر خاصة مع شغل البيت:09:

شخباركم بنات وحده وحده بدون استثناء

انا طلعت من النفاس امس الحمدالله

بس توهقت

طبعا سويت نيو لوك
صبغت و قصيت و سويت حمام مغربي و تشقير و حف
و تحنيت

بس نسيت اهم شي


احم احم

نسيت المانع
نهائيا ما فكرت فيه

قولولي شسوي الحين؟؟

الشي الوحيد الي اقدر استعمله هو الحبوب
و الدكتوره ما رضت تصرفلي الا بالموعد
و موعدي تاريخ 27-11 يعني بعد شهر


بنات بقولكم شي بس ما تضحكون علي
على هالتعب الي تعبته و الي للحين
تصدقون اني حنيت للحمل؟؟

خخخخخخخخ
جد و الله مع اني كنت اقول بعد هالتتعب بريح 5 سنين على الاقل
بس انا من الحين حنيت

حتى دكتورتي اصلا لما قلتلها قالت لي لازم تحملين بعد سنتين او بتتعبين وايد اذا تأخرتي


امهات الاقزام
شخبار عيالكم الحين؟؟
صارت الملابس قدهم ولا بعد؟؟

انا مافي ولا قطعه كبرها
الا الحمدالله ليله العيد اكتشفنا ان عند ادامز مقاس كيلوين و نص
و مقاسه طالع حلو عليها الحمدالله
اما الحفاظات فحدث ولا حرج
للحين كبيره عليها


ممممممم

بنات وزني في الحمل زاد 6 كيلو على اخر وزن قبل ما اولد
و بعد الولاده نزلت 4 كيلو
ورجعت الحين زدت كيلوين
وايد مقهوره :(

موعدي مع دكتور الاعصاي الاربعاء بإذن الله
و اذا سمحلي
بطلع من عنده على النادي على طول
بسجل اجهزه و سباحه ان شاء الله
يبيلي اضعف
خصوصا اني ان شاء الله اذا الله كتب لنا و ما تعقدت الامور على اخر شهر 11 برجع بيتي ( اخيرا بعد غياب شهووووور)
طبعا انا للحين ما قدمت على خدامه بس لازم خلال اسبوعين نقدم

سالفه الاثيوبيه و المكتب الي كانوا يعطون ضمان سنه و ضمان ضد الهرب خلاص شلتها من راسي
لانها تعقدت
3 مرات نقدم من عندهم و كل مره تتعقد
و احر شي و انا بالمستشفى بعد ما ولدت حلمت فيهم انهم نصابين
و من يومها و انا مو مرتاحه لهم
و بنفس اليوم زوجي قالي انا مو مرتاح لهم فلغينا سالفتهم و سالفه الاثيوبيه

بعد مباحثات
قررنا نقدم على فلبينيه مسلمه بخبره
بس تكون كبيره بالعمر شوي