هلا بنات شخباركم ابشركم
ولدت جبت بنت كتكوته سميتها فرح وزنها 2600 غرام
ولاده طبيعيه والحمدلله

مسااااااااااااااااء الخيييييييييييييييييييييير


اشحالكم يا الرشيقاااااااااااااات
طبعا قلت لازم يا بنت تستحين على ويهج وتمسين على امهات النفاس
وتشاركينهم :) :) :)


ها شو نفسياتكم ويا النفاااااااااااااااااس
وكيف نظام التغذية عندكم ؟

بالنسبة لي اول يومين تعبت شويه (لاني بعيدة عن بو عيالي) وبعدين بديت اتأقلم وهو ساعدني بهالشيء
احسه يهتم بنفسيتي وايد مقارنة ببنتي الأولى (صارت عنده خبره):) :)

وبالنسبة لنظام التغذية ألتزم بالوجبات الثلاث وبالفيتامينات اللي وصفتها لي الدكتورة
ومتعوده قبل ما انام اشرب دواء شعبي امي تسويه لي
الحمدالله احاول ارضع بنتي واااااااااااايد عشان البصفار اللي تعاني منه
ومن كم يوم اعاني من صدري وبديت احط بعد كل رضعه فازلين والحمدالله الحينه احس تحسن صدري كثير

بالنسبة للكشخه دايما العصر البس جلابيةدانتيل من الجلابيات اللي فصلتهم وامشط شعري واحط عطر روز من بدي شوب واحط كحل بعيني وبس

بالنسبة للخياطة اتنقع بماي وملح واغسل المنطقة بصابون لان الدكتورة قالت لي اهم شيء غسليها بصابون يوميا
وبعد عشر ايام عندي موعد عشان الخياطه متررد اسير والا لا لاني خوافه من الكشف (بدرس الموضوع)

يسعدني انضم لموضوعكم وشكرا لقوارير على الموضوع

جنس المولود
بنوته
الإسم
ريمان
ترتيب المولود بين اخوانه
الثالثه الله يحفظهم
عدد أسابيع الحمل
38اسبوع ويوم واحد
نوع الولادة
طبيعيه لكن متعسره
تاريخ الولادة
26-10-2006
النظام المستخدم في النفاس
نظام من الوالده الله يحفظها
الوزن الي نقصتيه بعد الولاده
تقريبا 7 كيلو بس الجسم صاير ماشاءالله شي يخرع!!:09:

قصة ولادتي بكتبها لكم مع اني كتبتها في ملف امهات اكتوبر
قصة ولادتي الاسبوع الي فات
كنت رايحه موعدي للعياده عا دي ولما قاست ضغط الدم لقته مرتفع 150على 90 قالت لي ولاده على طول لانك بالاسبوع 38 ولي تاريخ مع الضغط في الحمل
قلت لها خليني اجيي بالليل ارتب اموري واييب جنطتي قالت ابد الحين لازم تدخلين وحتى ما خلوني امشي قالت لازم بالويل تشير وعملولي دخول على طول
عطوني تحميله الساعه 12 الظهر وبعد فتره ما اذكر اشكثر بدا الم الطلق معاي بس على خفيف مثل الم الدوره وبعدين اعطوني تكرمون الحقنه الشرجيه تقريبا على الساعه 1 ونص وكل شوي تكرمون ادخل الحمام
وجت بعد فتره الدكتوره فحصتني لقت الرحم مفتوح 3 سم قامت شقت كيس ماي البيبي وكان الم الفحص مو طبيعي والله ان الطلق يهون عنه
وحطولي الطلق الصناعي وتالي بدا الطلق الصجي معاي بس كنت متحملته وادعي ربي وابكي واتحمل واقول يالله هانت انشاالله.... وعطوني كمام وكان ممتاز يخليج تدخلين في حاة هلوسه وتخدر وعطوني ابرة المسكن بعد ورفضت ابرة الظهر قلت ابي اتحمل واخذ الاجر انشالله
والرحم كان قاعد يفتح معاي زين ما شاءالله بحكم انها الولاده الثالثه
وعلى هالحال لي جريب الساعه 6 المغرب
بعدين بديت احس بالدفع وفحصتني الدكتوره لقت الرحم مبطل 8 سم وجهزوني للولاده
وهني بدا العذاب الحقيقي بغت تطلع روحي لان البيبي كانت جايه بوضع مايل بالراس فانحشرت البيبي
وقمت ادفع وماكو فايده روحي بغت تطلع وصوتي راح من الصراخ حسيت اني بموت وقمت اتشهد وقول لهم خلاص ما اقدر ادفع وهم يقولون يالله راس البيبي واصل بس محتاجين شوية دفع
اخر شي لما تعبت حيل حيل ونبض البيبي قل والبيبي تعب
اضطرت الدكتوره تشفط البيبي بس لللاسف انحشر كتف البيبي وانضغط وتعرضت ايد بنتي للخلع(لاحول ولاقوة الا بالله)
وتمت الولاده الساعه 6 وثلث المغرب تقريبا
طبعا بنتي الى الان ما تحرك ايدها ابد كانها خرجه (حيسبي الله ونعم الوكيل) فيهم لان كان لازم عمليه قيصريه لان البيبي ووضعها جاي مايل بالراس
وانا تعذبت حيل والخياطه صارت عند عميقه حيل ومؤلمه والله يستر انها ما تاثر علي حق بعدين
بنات ادعوا لبنتي ان الله يشفيها وتتعافى ايدها وانا تشفى خياطتي
انا ما ابي اخرعكم والله يسهل عليكم انشالله وتكون ولادتكم اسهل مني انشالله لان انا ولادتي كاتنت متعسره حيل
والدكتوره قاالت لي وادتج كانت وايد صعبه والله ستر وجت على اليد البنت كان ممكن تختنق لا سمح الله
والحمدلله على كل حاال
والله يهون على كل الحوامل يا رب
حالتي الان
الخياط مؤلم وما اقدر امشي عدل والنفسيه تعبانه حيل ما ادري ليش حايشني اكتئاب قوي وودي ارجع لبيتي بس امي تقول لي كملي اسبوعين على الاقل بعدين رجعي

قلبي تلج

الحمدلله على سلامتج والف مبروك البنوته تتربى بعزكم يارب وتشوفينها عروس

وعلى ولادتج الله يآجرج عليها وان شاء الله تمسح ذنوبج

وبنوتج الله يشافيها يارب وراجعي دكتور علاج طبيعي

بنات اليوم طوفت موعدي لأني بصراحه خوافه اخاف تشيل الخيوط واتعور
بنتي شكلها زاد عليها البوصفار ما قامت ترضع عدل وكل نايمه

مامتو
مشكوره على الدعاء
وانا بعد بنتي عندها بصفار وكله نايمه بس قمت اقعدها بالغصب علشان ترضع لان دكتورها قال لي كل ما ترضع اكثر و(تكرمين) تخرج اكثر ينظف جسمها من البصفار
كانت نسبته 273 وقال الدكتور ان نسبتها تدخلها تنويم بالمستشفى بس هو قال لي كثري لها الرضاعه علشان يخف وامس سوينا لها تحليل ثاني صارت النسبه 220 الحمدلله بس الدكتور يقول ليلحين عاليه
وقال لي عطيها حليب صناعي لان الرضاعه الطبيعيه تخلي البصفار يطول معاها
وما تشوف شر بنتج انشالله