حبيباتي بالعكس محد يناظرك لما تاخذين الاكل معاك ..انا دايم آخذه بس المشكله مو بنظره الناس ...انتي نظرتك لنفسك ايش؟!انا عن نفسي ارى اني مسؤووووله عند ربي عن هالاكل وبيحاسبني عليه

وين الناس اللي تقول الراتب ما يكفي الحاجة !!!!!! والله ما نشوف غير البذخ والإسراف. والمظاهر

في مطعم في الرياض اسمه سرايا اذا منيب غلطانه حاط عند كل طاوله ورقه مكتوب فيها اذا باقي اكل خذه معك او اطلب من الموظف يرتبه ويعطيه المحتاجين( طبعا الاسلوب والكتابه ارتب من كذا بس كتبته في ما معنى )
اذكر مره رحت مطعم وكان اكلهم مررره عادي وبارد وطلبة من الموظف انه يرتبه وعطيته عامل صادفنا في شارع

ياربي ابتعدنا عن الاسلام كثير =(

وصرنا مانعرف فيه الا اشياء اللي على هوانا

بارك الله فيك وأثابك ..

لفته مهمة ..

تصدقين والدتي الله يجزاها الجنة ، إذا رحنا مطعم تطلب كيس ..
ووتقول لنا نجمع بقايا أكلنا اللي على الطاولة وغير صالحة للأكل الآدمي
ونرسلها للحيوانات بالمزرعة ..

طبعاً الأكل النظيف لازم ناخذه وناكله بعدين أو نعطية أحد ..

التربية يا أخوات هي الأساس ..فلازم نربي عيالنا على احترام النعمة