.
اليوم جبت لكم طريقه كيكه الله الله على طعمها ولآريحتها بكل مكان في البيت
بتقولون اشفيها امووول هاليومين طايحه بالكيك اقولكم السبب
انا ماكنت احب اسوي الكيك في البيت احس طعمه ماادري كيف واحس بزفر البيض دايم فيها
بعدت عنها
بس من طحت بالوصفات الاجنبيه وانا كل يوم استانس على الكيكات اللي اجربها
وطبعا الكيك من الاشياء اللي بسرعه تتجهز ومايبيلها طلبات واجد ومقاديرها متوفره بكل بيت
الكيكه هذي رهيبه طعمها صاير كيك على بسبوسه ماادري كذا حسينا
والحمد لله الكل عجبته واعتمدتها عندي
اليوم الخميس وتكثر الزيارات انصحكم جربوها وعلى ضمانتي شي فاااخر
اعطيكم بعض الاشياء اللي اعتمدتها في الكيك
اول شي استخدمت صحون القصدير اللي يحطون فيها الاكل بالمطاعم بعد ماتستوي اقص الصحن واطلع الكيكه
حتى وهي حاره ماتلصق وبسرعه تطلع ومايحتاج اغسل الصينيه هذا اهم شي خخخ
ثاني نصيحه الفانيلا انا استخدم الفانيلا السايله اللي بغرشه زجاج تلاقيها بقسم الحلويات
تخلي ريحه الكيك كأنه جاهز
خلصنا بعطيكم المقادير بالضبط سوي مثلها
طبعا الشكل انا مااهتميت بالتزيين لآني اجرب بسرعه الوصفه ان ضبطت صورتها على طول يعني
التزيين عليكم
واهم شي اللي اطبق تصور عشان اعرف ان عجبتكم او لآ والواحد يتحمس بعد صح
المقادير :
نص كوب زبده
ربع كوب سكر
نخلطهم زييييين
نضيف رشه ملح و فانيلا
نضيف بيضتين
واخلطيها
ضيفي عليها نص كوب حليب مكثف نستله مو حليب سايل لآ حليب مكثف
بعد الخلط نضيف المواد الجافه
كوب طحين
ملعقه بيكنج بودر
وخلصنا دخليها الفرن طبعا المده على حجم الصحن
زينيها وقدميها
دعواتكم لي
وانتظروني بمواضيع حصريه لعالم حواء فقط
النقل مسموووح شرط ذكر المصدر
.