اهلين عصومه وكل عام وانتوا بخير
نحنا صحينا متاخرين حطينا على السعوديه كانوا حاطين قران قمت عملت قهوه وكان جايني معمول هديه وجهزت من امس الشوكلت وضبيت البيت والله يابنات صحيت تاني يوم كاني مو عامله شيء بالبيت العفاريت الصغار قايمين البيت ومقعدينه ههههههه المهم رجعت ضبيت على السريع وصحي ابوا الشباب وعياله بوسناهم وقلنالهم اليوم عيد سو الي تبغوه ما صدقوا قاموا ينطنطوا هههههه وفطرنا معمول وقهوه لاني كنت دايخه عليها وعلى قوله بشاير يوم احد بس رايق مافي صوت ولى ضجه المهم بما انه ما في حد بيجي عندنا اول يوم العيد قررنا ناخدهم المسبح ونعمل باربكيوا جهزنا الدجاج واللحم والسلطه والحمص وباقي العده وانطلقنا هههههه (حلوه انطلقنا هذه) ورجهنا تقريبا المسا كان صار الصبح بوطننا كلمنا الحبايب والاهل وبكينا لحد ما قلنا بس يكفي بكاء المهم بالصدفه حاطين على التلفزيون فيلم للاطفال (ليتل ستيويرت) عملت لهم بشار وشيبس وقعدوا عليه وخلاص تاني يوم شغل ومدارس يعني يوم عادي

مرحبا يا اخواتي مشكوره يا اخت معتصمه بالله على الموضوع مشاء الله سبقتيني كنت جالسه افكر اش اكتب موضوع عن العيد و خاطر في بالي نفس موضوعك لكن مو مشكله مشاء الله عليك سباقه انتي و الاخت بشاير و جزاك الله الف خير بصراحه كان العيد عندي الحمد الله تعرفون ليلة العيد اتصال على الاهل و الاخوان و الاخوات و الاعمام و الاخوال و الخالات و الجدات و اهل زوجي و بعدين رتبت البيت و سويت الافكار الحلوه الي طرحتوها في موضوع الاستعداد للعيد و الله عندي بناتي مره انبسطوا و شفت صلاة العيد و نمت ساعتين و قمت لبست بناتي و جهزة حلاوة العيد و شغلت تسجيل التكبيرات الله يعطيها الف عافيه الاخت عجوزة اذا ماكنت غلطانه و جزاه الله الف خير على الموقع و توزيع هدايا العيد و بعدين قلت بنام شوي و بروح مانشستر و الله نومه الى العصر و المراكز تسكر بدري يوم السبت قلت ياالله راحت على بس رحت اليوم و لعبت البنات . و اهم شي عندي هوا ان بنتي الكبيره مره انبسطت باجواء العيد و طول الوقت مشغله اغنية اهلا بالعيد . و بكره انشاء الله مجهزتلها حلاوه تاخذها معاه المدرسه توزعها على صحباتها و مدرساتها في المدرس . و انشاء الله انا ناويه من بكره صيام القضاء و السته من شوال و الله يسهل انشاء الله.
تحياتي

كل عام وانتم بخير
اعاده الله علينا وعليكم باليمن والبركات
ليلة العيد رحت للمركز الاسلامي اللي نجتمع فيه مع بعض الاخوات وعلقنا اللوخ فيها تهنئة بالعيد والبالونات والزينه
رجعنا الساعه 11تقريبا
نمنا والصبح قمنا 6 وصلينا الفجر وتجهزنا بملابس العيد ورحنا للمسجد وصلينا وبعد الصلاة افطرنا كان كل عائله مسويه صنف بوفيه يعني
الفول والعدس والحمص والشكشوكه وما الى ذلك وكنا مشغلين شريط دف للصغار و بعد الفطور وزعنا على الاطفال حلاوة العيد وهذا اهم شي عند الاطفال
بعدين جلسنا سواليف الى الساعه11 تقريبا
بعدين طلعنا ودينا الاولاد تشكي تشيز يلعبون وبعدين رحنا تغدينا في احد المطاعم ومرينا محل العاب نشتري للعيال
وبعدين رجعنا البيت الساعه7 العيال كانوا تعبانين ناموا على طول وبس خلصنا:27:
الويكند الجاي يكون فيه حفله للعيد يكون فيها مسابقات وهدايا للاطفال

كل عام وانتم بخير

اول يوم صلينا الفجر بعدين عايدنا على الاهل في السعوديه
حطيت التمر والقهوه وشوي حلا قبل صلاة العيد بعدين راح ابو الشباب
وولدي يصلون العيد انا كان ودي اروح بس ما قدرت خفت بنتي تعبني
بعد الصلاة جلسنا مع بعض شوي كملنا القهوه والحلا
بعدين رحت عند وحده من الاخوات كنا متجمعين عنده كل وحده جايبه طبق والرجال راحو على المركز الاسلامي افطرنا عندها وسولفنا وطبعااااااااااااااااا رقصنا ورجعت على المغرب على البيت كملت مكالمات على السعوديه وتعشينا وحطينا روؤسنا على المخدات:03:

ثاني يوم كانت حفلت النادي مسابقات..........هدايا.........سواليف...........اكل.........وبالاخير رقص..:o اليوم الاثنين جامعات ومدارس:06:

هلا اخواتي اسفة لتأخري في الرد معي صداع الله يرحمني برحمته البرد عندنا ماله ويشتد
اشوفكم ان شاء الله فيما بعد