ياقلبي أنتي عارفة إن اللي قاعد يلعب فيك ابليس ليه ما تحاولين تخزينه يعني مثلا"إذا جاك يوسوس لك علطول وبدون تفاهم قومي وسوي شي زين لزوجك مثلا مفاجاة مثلا قومي اجلسي جنبه وتوددي له مثلا . . .أشياء كثيرة لو بوسة منك له المعلومة هذي مو مني من أحد المستشارين الأسريين تقدرين تسوينه وإذا شافك ابليس تسوين كذا ماراح يجيك بيقول أنا أبي أخرب بينهم بس يصير العكس

وصدقيني لو تطلقتي ماراح تاخذي إلا واحد معدد ولاتضمنين إنه يكون طيب معك مثل هذا
وأهم صفه في الرجال في زوجك >طبعا على قولك>طيب وما يرد لك طلب
ووشلون تقولين مايهتم فيك وهو ما يرد لك طلب
الشي الثاني تقولين انك لازم تطلبين اللي انتي تبين شي طبيعي لازم تطلبين كأنك تبينه هو يتحسس وش تبين ويجيبه من نفسه لا هذي حبيبتي عند الحريم بس تحاول تعرف وش يبي وتنفذ
الشي الثاني مثل ماقالوا البنات أنتي تقارنين زوجك بغيره طيب يمكن فلان اللي انتي تقارنينه بزوجك جميل ووسيم وطويل و و و لكن اخلاقه زفت يمكن أثقل ما عليه تلبية طلبات زوجته يمكن مطنش زوجته وله علاقات يعني بين قوسين خاين إلخ..
بقولك قصتي لعلك تاخذي العبرة منها
أنا عمري أربعة وعشرين جميلة وأنيقة طبعا بشهادة اللي حولي وبنت عز ولله الحمد أبوي إنسان تاجر تقدملي واحد تخيلي معي.. طالب وحالته المادية مرة عادية وشكله مررررررة عادي وطوله نفس طولي وإذا لبست كعب أصير أنا أطول منه لكن كل هذي الأشياء ماهمت أبوي يقول وش يضمن لي يجيك تاجر لكن بخيل أو وسيم لكن أخلاقه زفت وترى مافيه رجال كامل المهم وافقت لأنه خلوق وخدوم لأهله قلت أكيد بيصير خدوم لي بس فيه بنفسي شي ودي بواحد حلو شوي وموظف لكن مكتوب ومقدر
المهم تزوجته وحياتي الحمد لله حلوة لكني إذا شفت واحد وسيم هو وزوجته قلت ياسعدها أكيد إن هي سعيدة مع زوجها الوسيم أو شفت واحد يسافر هو وزوجته قلت ياسعدها مبسوطة مع إني أنا مبسوطة بس الحريم مايناظرون النعمة اللي هم فيها
المهم زوجي عنده صديق ما شاء الله مررررررررة ثري لو أقول عائلته عرفتوا إنه ثري بدون ماأقول ماطول متزوج له سنة تقريبا وأنا متزوجة من خمس سنوات المهم أحس إنه ماشاء الله معيش زوجته أحسن عيشة
سفريات وأسواق ومطاعم إذا جينا أنا وزوجي نروح مطعم نسأله عن احسن مطعم متخصص بأكلات كذا ولا كذا سافروا ماشاء الله ثلاث سفرات ثنتين منهم برا المملكة الله يديمها عليهم ..مرة من المرات كنا طالعين مع بعض حنا صديق زوجي هذا وزوجته المهم نسولف أنا وياه ما دريت إلا بدت تتشكى من زوجها إنه بخيل وإنه عصبي وإنها متحسفة إنها أخذته عاد أنا ماتحملتها قلت حرام عليك تكذبين على الرجال لاتسبينه ولا تمدحينه يعني سمعت من زوجي إنكم روحتوا للدولة الفلانية والفلانية وبيتك ماشاء الله من احسن البيوت تدرين وش قالت جلست تبكي تبكي قالت كل ذي السفريات على حسابي إلا أول سفرية اللي هي للشرقية أول ماتزوجنا.. بنات خالاتي بدوا يطنزون فيني اخذه واحد تاجر ولا رحتي إلا للشرقية ضغطت على نفسي ودفعت كل اللي عند علشان أكشخ قدامهم وطبعا هم مايدرون إني أنا ادفع كل شي وهو يروح محفول مكفول>طبعا هي معلمة< ويحسبوني أسعد إنسانة وتقول ياليتني أخذت واحد عادي ماديا وشكلا وكل شي بس مايكون بخيل وعصبي على أي شي يعصب
شكرت ربي وحمدته إني أخذت هذا الإنسان البسيط بحياته لكني أعتبره عظيم بذاته الحين توظف وظيفة بدائية راتبه قليل جدا مع إني عندي طفل بس أهم شي مايكون الرجال بخيل وأخلاقه زفت
تعبت وأنا اكتب لك بس حسيت إن إحساسك قريب من احساسي وحبيت أفيدك بتجربتي وتجربة زوجة صديق زوجي الله يعينها ويعينك
أرجو منك إذا كنتي استفدتي من كلامي تخبريني ..

طيب الحين انتي مو راضيه تسمعين كلامنا
ولا راضيه تطلقين منه
ليه منزله مو ضوووع وتخلينا نتحمس ونرد عليك

وبعدين كيف تبين زوجك يهتم فيك وانتي مو معطيته وجه
على بالك مو حااس لا اهو يحس انك كاارهته
عشان كذا مايجلس في البيت وقته كله براا


سبحان الله رفعتي ضغطي

الله يصلحك ويهديك

مراحب صغيرونه..

ازيك ياقدعه؟؟

مدري ليه حسيت زوجك طيب >>يمكن ينفع معه الكلام

انتي بس قولي له اللي في بالك >>يمكن يستحي ويتغير
واطلعي انتي واياه وغيري جو

احسن من تكوني ملطووعة في البيت وهو يروح ويجي

وشوله احرم نفسي واضيق صدري خلاص هذا المصير

لايضيق صدرك بس وفليها وربك يعين.. هذا مصيرك ياقلبي

ترا الواحد هو اللي يسعد نفسه مو السعادة تجيه
وهو اللي يغيّر في نفسه مو احد يغيره

ابد ياقلبي خلي زوجك في نظرك احسن الناس..

وترا الحياة ماصفت لأحد..

ولازم يكون في الحياة الزوجية احيانا طفش ، بنت خالتي متزوجة الصيفية اللي راحت واذا صارت في المسن ماغير تقول لي طفشانة سولفي سولفي؟؟

لاتخلين حياتك روتينية مملة

صحيح صدقتي الحب والكره من ربي..
انا احيانا اكره ناس وهم اخلاق وعسل بس سبحان الله مااتقبلهم حتى اختي تقول ليش تكرهين
اقوول الحب من ربي!!



عليك بالدعاء لزوجك..

دعواتي لك بالسعادة والراحة
ربي يسعدك ويريح بالك ياقلبي ويرزقك الذرية الصالحة تغير جوك

ادعيلي انجح في باقي المواد..

جليبيب
قال أنس بن مالك رضي الله عنه : << كان رجل من أصحاب رسول الله صلى الله عليه وسلم يقال له : جليبيب ، كان في وجهه دمامة ، وكان قصير القامة ، وكان فقيراً ، وكان يكثر الجلوس عند النبي عليه الصلاة والسلام ، دميم ، قصير ، فقير ، من أصحاب رسول الله ، فقال له النبي عليه الصلاة والسلام : يا جليبيب ، ألا تتزوج ؟ قال : يا رسول الله ، من يزوجني ؟ وأنا كما ترى لا بيت ولا مال ، ولا شيء من هذا القبيل ، فالتفت جليبيب إلى النبي ، فقال : إذاً تجدني كاسداً يا رسول الله ، من يأخذني ؟ من يقبل أن يزوجني ، لا شكل ولا مال ؟ فقال عليه الصلاة والسلام : غير أنك عند الله لست بكاسد ، ابتغوا الرفعة عند الله ، ثم لم يزل النبي عليه الصلاة والسلام يتحين الفرص حتى يزوج جليبيبًا ، فجاءه في يوم من الأيام رجل أنصاري قد توفي زوج ابنته ، فجاء إلى النبي عليه الصلاة والسلام ـ دققوا الآن ـ يعرضها عليه ، وكانت فائقة الجمال ، يعرضها على النبي عليه الصلاة والسلام ، فقال له النبي : نعم ، ولكن لا أتزوجها أنا ، فردّ عليه الأب : من تُزوجها إذاً يا رسول الله ؟ فقال : جليبيبًا ، فقال ذاك الرجل : يا رسول الله ، تزوجها لجليبيب ، وأنا أعرضها عليك ؟ انتظر حتى أستأمر أمها ، شيء شبه مستحيل ، ثم مضى إلى أمها ، وقال لها : إن النبي عليه الصلاة والسلام يخطب إليك ابنتك ، قالت : نعم ، ونعم رسول الله ، فقال لها : إنه ليس يريدها لنفسه ، قالت : لمن ؟ قال : يريدها لجليبيب ، قالت : لجليبيب ؟ لا والله لا أزوج جليبيبًا ، وقد منعناها فلاناً وفلاناً وفلاناً ؟ فاغتم أبوها لذلك ، ثم قام ليأتي النبي عليه الصلاة والسلام فصاحت الفتاة من خدرها ، وقالت لأبويها : من خطبني إليكما ؟ قال : خطبك رسول الله صلى الله عليه وسلم ، قالت : أفتردّان على النبي عليه الصلاة والسلام خطبته ؟ ادفعاني إلى رسول الله ، فإنه لن يضيعني ، قال أبوها : نعم ، ثم ذهب إلى النبي عليه الصلاة والسلام ، والقصة وردت في روايات عديدة ، بعض هذه الروايات أنه لا يجد شيئاً يملكه ليكون مهراً أو بيتاً أو أثاثاً أو طعاماً ، جمع له الصحابة بعض المال ، وفي يوم عرسه دعا داعي الجهاد ، لكن النبي عليه الصلاة والسلام حينما علم أنها قبلت به دعا لها ، وقال : اللهم صب عليها الخير صباً ، ولا تجعل عيشهما كداً كدا ، فلما نودي بنادي الجهاد ، ودخل المعركة استشهد وقتها في يوم عرسه ، فقال عليه الصلاة والسلام : مَن تفقدون ؟ قالوا : هؤلاء الذين فقدناهم ، فلان ، وفلان ، وفلان ، قال : ولكنني أفقد جليبيبًا ، فقوموا نلتمس خبره ، ثم قاموا يبحثون عنه في ساحة القتال ، وطلبوه مع القتلى ، ثم مشوا فوجدوه في مكان قريب قد استشهد ، فوقف النبي عليه الصلاة والسلام على جسده المقطع ، ثم قال : أنت مني ، وأنا منك ، ثم تربع عليه الصلاة والسلام جالساً بجانب هذا الجسد ، ثم حمل هذا الجسد ، ووضعه على ساعديه ، وأمرهم أن يحفروا له قبراً ، قال أنس : فمكثنا والله نحفر القبر ، وجليبيب ما له فراش غير ساعدي النبي عليه الصلاة والسلام .

الله يكون في عون المسكين