يوم جميل

السلام عليكم طبعاً بقلكم قصة حصلت لي وكان اجمل حدث بصراحة كنا راح نطلع انا وخواتي لسينما وكان الفيلم عبارة عن (فايف نايتس آت فريديز) وكان يوم السبت بتاريخ25/11/2023 وهاذه اليوم كان احلى يوم المهم كنت انا جالسه في مقعدي وبعدي مقعد فارغ وبعد هاذه المقعد في بنت جالسه المهم هي اكبر مني تقريباً بواجد المهم جلسنا انا وخواتي نضحك على اخواني الصغار لانهم خايفين شافتنا البنت وضحكت ومره ثانيه عدنا نفس الحركه بعدها البنت ضحكت وقالت في شي قلنا لها انه نحن نضحك على اخوانا الصغار لانهم خايفين فا ضحكت معانا المهم كملنا الفيلم وطولنا وبعدها البنت كحت قلت لها صحة قالت على قلبك هنا حسيت انه اسلوبها جميل جداً المهم خلصنا الفيلم وكل شي دخلنا الحمام انا واختي الكبيرة واختي الي اصغر مني بسنة دخلت اختي الكبيرة علشان تستخدم الحمام واختي الثانية قعدت تتصور اما انا جلست امدح فالبنت الي قالت لي على قلبك بديت اقول لاخواتي شفتوا البنت الي كحت وقلت لها صحة وهي ردت علي على قلبك قالوا لي ايوا قلت لهم حبيتها حسيت قلبها ابيض حسيت انه خلاص الدنيا حلوه قلبها فضة قلبها ذهب احسها تقطر ذهب حسيتها صديقتي من سنوات لان يا ناس اسلوبها كان مره جميل معي المهم قلت احس ودي ابوسها على راسها ما اقدر على لطافتها المهم لفيت وجهي على المرايه لان بلف حجابي طلعت البنت من الحمام وانا كنت في حالة صدمة خجلت يا ناس وجهي صار احمر كنت حدخل فالمرايه اول مره كذا يصير المهم ومشاءالله ابتسامة البنت كانت جميلة مره المهم قالت لي ما اعرف ايش اقول انا كذا مصدومة قالت لي تعالي وعطتني حضن لطيف ياناس ما اكذب عليكم حبيتها كأخت كا صديقه وما اكذب عليكم لحد الان احلم فيها مو راضيه تروح عن بالي اتمنى من كل قلبي اني اقابلها مره ثانيه انشاءالله وبأذن الله لنا لقاء ثاني كان ودي اعرف اسمها على الاقل لاكن بأذن الله راح اعرف اسمها وراح اقابلها...دعواتكم لاقابلها مره ثانيه .