يوم جوعان يوم شبعان ...... ...................( اللي تعيسة مع زوجها تدخل ) ......

في شهر رمضان الماضي - الله يعيده علينا وعليكم ويتقبل منا ومنكم - أحتجت شغالة حبشية وما حصلتها الا بشق الأنفس - كما يقولون -

المهم : كانت تبدو عليها ملامح الحزن والإكتئاب .. فكنت أسولف معاها أحاول أن أخفف عنها ..

طبعا حكت لي عن أحوالهم وظروفهم البائسة لما سألتها والا فما كانت تشتكي ...


سبحان الله ... هذه الخادمة التي كنت أرى نفسي أحسن علما وفهما منها ... لما رأتني تألمت لحالها ، قالت لي حكمة .. حكمة عظيمة .. جعلتني أقول لنفسي : كل الناس أفهم منك يا أم يحيى ...



أتدرون ماذا قالت أخواتي الحبيبات ؟

قالت :

(( يوم جوعان ويوم شبعان .... كُــلـُُّــه ... الحمد لله .))



فأنا أقول لكم أخواتي في قسم الحياة الزوجية :

اليوم أنت سعيدة لأنك وجدت ما يسرك من زوجك ....
ويوم أنت زعلانة وغير راضية عن زوجك ....


تذكري اللي مالاقين شيء ياكلونه
تذكري اللي يفتشون عن الأكل في براميل القمامه
تذكري المرضى في الحروب اللي ما يلقون دواء حتى يسـكـِّن آلامهم
تذكري اللي يدورون ملابس تسترهم
تذكري اللي بيوتهم تهدمت ولا يلقون مكان يسترهم ويستر عيالهم
تذكري الرضع اللي يبكون لأن صدور أمهاتهم مافيها حليب ولا عندها فلوس تشتري لهم
تذكري اللي تركوا عيالهم وسافروا يشتغلون خدم وينظفون الحمامات حتى يلقون اللقمة ...
تذكري وتذكري وتذكري .....






وكـُـلـُّــــه قولي : الحمد لله








وأكيد أنكم خواتي راح تستنتجون فوايد أكثر من اللي ذكرتها لكم من هذا الموضوع .