بسم الله الرحمن الرحيم
السلام عليكم ورحمة الله وبركاته ... بصراحة هاد اول موضوع الي بالمنتدى بس كله مشاركات وان شاء الله موضوعي يكون خفيف عليكم ومفيد بنفس الوقت ويعطيكم الف عافيه يا حوائيات بجد قسم اكتر من رائع و استفدت منكم ومن المنتدى و انا بصراحه كنت حابه انزل موضوع عن يوم حافل في بيتي وصورت صور كتير وتعبت وانا بصور (اصعب شي تصوري وانتي بتشتغلي بالماي والصابون بس بعد ما خلصت وتعبت وانهلكت فتحت الصور وحذفت صور المطبخ وهو وسخ خخخخخخخ بصراحه ما حبيت اوريكم مطبخي وسخ استحيت :35: قلت بس بحط بعد التنظيف وشو عملت بهداك اليوم الحافل المتعب بس بصراحه نتيجه مرضيه وحلوه اكيد بعد كل هالتعب لازم تكون مرضيه
راح احط صور مطبخي بعد التنظيف بس امانه رايكم بصراحه بتنظيفي وترتيبي واقتراحاتكم لتنظيم مطبخي او اكسسوارات وهيك شي عشان حاسه المطبخ فاضي وناقصه شي بس والله عجزت وانا ادور شو احط كمان اضافات و رايكم بصراحه يهمني وانتقاداتكم اكثر
بهداك اليوم الحافل كان مطلوب مني اعمل وسيلة للمعرض في مدرسة بنتي طبعا مش مطلوب بس بنتي اصرت علي لانو كل صديقاتها عملوا للمعرض وهي لا وكان تاني يوم الخميس اخر يوم لتسليم الوسائل وبنفس اليوم صادفت انو المدرسه عامله فطور جماعي بس كل صف مع معلمته طبعا بنتي طلبت اعمللها اي شي عشان تشارك كالعاده لانو اتعودت ع اي مناسبه تاخد واستحت تروح فاضيه المهمز خطر في بالي اعمللها كب كيك واحشي ساندويشات مرتديلا وزعتر وجبن هدول مقدور عليهم بس الكب كيك قلت بشتريه جاهز وانا بزينه ولا المسا راح زوجي يجيب من المخبز (عاد مجرب ولذيذ بيعملوه) للاسف ما لاقه عندهم وخلص من عندهم عاد هنا الصاعقه كانت ... انا قررت اعمل الي في بالي قلت لزوجي جيب معك بيييييييييييييييييييض طيب؟؟؟؟
وطبعا لسه قدامي الوسيلة واحنا صرنا المغرب المهم كنت محضره للوسيلة بس لصقت كل شي و عملتها وخلصتها عال10 باليل والحمدلله خف الحمل ... بعدين بلشت اعمل الكب كيك بعد ما نيمت العيال وزوجي وعملت 3 مقدار كيك اتخيلو ضليت لل12 اشتغل لما خلصت بلش شغل الزينه الي هو سبانج بوب وبسيط (الله ياخدهم مش عارفه عشو بيحبوهم خخخخخ بس ارحم من هيلو كيتي )صحيح كنت محضره عجينة السكر وملوناها من كم يوم... المهم عملت الاشكال وحاولت اتقنها لاني اول مره اشتغل بعجينة السكر بس حلوووووووووووووووووووووووو ومسلي جدا واهم شي تحطيها بالتلاجه كل ما تعملي شي عشان ما تسيح وحاولي ما تلمسيها بايدك لانها اكتر شيئ بيخليها تسيح راحة اليد وكتري سكر بودره على السطه الي بتشتغلي عليه والموهم خلصت وجبت عيدان الشواء وصرت الصق سبانج بوب عالعود بالشوكولاته من ورا مش باين بالصور خخخخخخخخخ وخلصت منهم رتبت وجليت شوي من الجلي ونظفت تنظيفات سريعة ورحت نمت عال2 عشان ارجع اصحى عال5 الفجر اعمل الكريمة واكمل الزينه في اخر لحظه قبل ما يطللع زوجي وبنتي وخلصت وصفيتهم بالعلب واخذتهم بنتي وطبعا مع الوسيلة والله رحت نمت للساعه 11 طبعا كنت حابه اضل اكتر بس ابني الله يهديه منيح منو الي خلاني لل11 نايمه وصحيت عزلت المطبخ بعد ما افطرنا ونظفت البيت بس المطبخ كان مرتب والجلي بالمجلى عشان اذا اجى حدا صاديلي و بس جليت ونظفت الغاز والفرن وشطفت المطبخ واكيد رجعت للبيت من جديد ارتب كالعاده وبخليكم مع الصور لانه اكتم التحميل والله بدها زغروته النت ضعيف وجنني بس انا استغليت الوقت وبلشت اكتب وهو بيحمل
سموا بسم الله وصلوا عالنبي واحكوا ماشاء الله ..................
يتبع
الوسيلة فكرتها تعليم عملية الجمع والطرح للطلاب
وهون الكب كيك عملت 4 كراتين 3 لبنتي للمدرسه ووحده النا يمييييييييييي
وهدول الصور كمان لعيونكم
بنات نصيحه و عن تجربه احلى شي الرفوف بالمطبخ بيكون شكله احلى واضافه رائعه بالبيت ككل بنصحكم حطوا رفوف اذا في مجال عندكم هادي الرفوف كانت بمطبخي القديم بس عملت هاد المطبخ رحت دهنت الرفوف من لون مطبخي الجديد ورجعتها وما فرطت فيها واسفه جدا عالاطاله وتقلة الدم وعالله اكون قدمت شيئ مفيد لاخواتي ويااااااااااااااااااااااااريت لو تدعولي الله يبعتلي الوظيفه الي بتمناها واملئ وقت فراغي بشي مفيد
والله يجزاكم كل خير مقدما
والسلام عليكمورحمة الله وبركاته