جزاكن الله خيرا حبايبي على ردودكن الطيبة الله يكفيكن كل حاسد وكل ذي شر الله به عليم...

يالله خبرينااااااااااا نحن في الانتظااااار يا قلبي إذا كان ذكرك لهذا الموضوع ما يضايقك أما إذا كان يضاقك خلاص يا قلبي ما له داعي توضحين اللي صار وربي يفتحها في وجهك وييسر كل أمورك أنتي وكل بنات المسلمين والمسلمات والمؤمنين والمؤمنات....

اما انا افلاااااام صارت
امي يوم عزمت قرايبنا قالت لهم عندنا عشا الله يحيكم وطبعا قالت لاثنين من المقربين مرة لناانها ملكتي ونتفاجأة جونا هالاثنين بلبس بيت ولانقطة مكياج حاطين! ووحدة من الاثنين عندها بنت اكبر مني بسنتين وكاننااخوات ولاجات الملكة زعلت ليه ماعلمتها
حتى زواجي ماحضرته !ولي 3 سنين متزوجة والى يومكم هذا ولاكانها تعرفني يوم نتقابل ف العزايم ياالله ترد عليا لاسولفت معها؟
وبالنسبة لابويا قال لاعمامي نفس الكلام عندنا عشا ويوم حضرو ودرو ان العريس مو من قبيلتنا طبعا عندنا عادات صارمة انو مانتزوج من برا بس ابويا الوحيد اللي زوجنا من برا
فصاروا يرمون كلام ع اهل العريس لا قام ابويا من عندهم بس اهل زوجي سحبو عليهم ولاكانهم يهرجون
طبعا زواجي محد جا لاعماني ولا عماتي
هذا بالنسبة للاهل
نجي للصحبات:
طبعا رحت الدوام واديتهم علب الملكة 2 باركو لي وخرجو من الغرفة ولاعاد شفتهم لانهم العادة وقت الغدا عندنا يجون المكتب
واللي معي بالمكتب جلست تبكي ويومها كلو ساكتة ولاجيت اهرج تعطيني كلمة ورد غطاها واخر شي حطت السماعات يعني ارتاحي لا عاد تسولفي معايا خخخخخخخخخخ
طبعا سويت شبكة وزواج اللي بكت من العمل حضرت ماشاءالله بس الاثنين الثانيات معاد شفتهم ولا حضرو خخخخخخخخخخ
وعندي وحدة من خالاتي كانها صحبتي ف عمري هيا حضرت يوم الملكة لانه ع بالها عشا زي ماعزمتهم امي ويوم سلمت عليا تبكي وتقولي اتزوجتي قبلي وخنتيني ؟وطبعا ماحضرت زواجي وصارت علاقتنا جدا سطحية ونادرا ماتحضر مناسباتنا واذا كانت تخصني زي يوم ولدت ويوم سابع ولدي ويوم عشا ولدي ماتحضر
ووحدة من صحباتي ايام المدرسة جات شبكتي ويقولو اخواتي طول الوقت وهي تمسح دموعها وبعد ماانزفيت والناس كلهم سلمو ودخلو البوفيه جاتني وسلمت عليا وتقولي سويتيها واتزوجتي ايش خلاكي توافقي؟ وراحت وتركتني
ولاشفتها ف غمرة ولا زواج والاوقح من كدا تكلمني بعد كم يوم من الزواج وتقولي كيف دخلتك حكيني؟<<سحبت عليها بعدها بقوة
هذا اشيا قليلة من اللي صار لي بعد ملكتي بس خلاص اعطيتكم الملخص ماودي اكثر حكي اكتر من كدا خخخخخخخ

طبعا الاغلبية انصدمو حتى صحبات امي انو انا عمري 26 وزوجي كان 28 ويسألون امي من وين طحتو عليهم؟؟؟
كان يقولون لي كبيرة وماراح تاخدي الا شايب لانه كل ماجاني خاطب ارفض وكنت اقول ماراح اتزوج الا لاعديت ال25 والحمدالله الله اداني ع قد نيتي

روحي هايمة بذاتي

معقوووووووووله كل هذا يصير لك بسبب ناس حاقده
سبحان الله دنيا ومن يدري
الله يعينك على هيك أشكال من جد أنقهرت وأنا اقرأ
ليش كل هذا

إلى هذا الحد وصلت الوقاحة بالناس لا أقول الحسد فقط وإنما الوقاحة بالمجاهرة .. يعني لو وحدة تألمت أن صديقتها ممكن تلتهي عنها بزواجها أو تفترق عنها يكون هذا في نفسها أما بالمجاهرة وبدون خشى أو استحياء تقول اتزوجتي قبلي!!!
أنا ماحصل معي ان صديقاتي أو أقاربي غاروا من خطبتي بالعكس فرحوا لي لكن اللي حصل إني ضيعت فرص كثيرة من قبل لإني كنت بسمع بمصادر تشكيك للأسف لكن الحمدلله العوض كان خير
انا انصح كل وحدة ماتسمع كلام أي شخص يشكك بالخاطب بالعكس لازم الوحدة تتأكد بنفسها ومو تصدق أي كلام