يوم زوجي دري اني حامل

السلام عليكممم ورحمة الله وبركاته

انا مالي الا الله ثم انتم بنات حواء لمين اشتكي :44:

اليوم رحت اسوي تحليل حمل وطبعا هذا اول حمل لي بعد سته شهور المهم حللت وقالو لي حامل:44: طلعت فرحاننه احس الدنيا ضحكتلي واركب مع زوجي ابشره احش انه مافرحلي :icon36:

قلت يمكن عشان عندهةاطفال من زوجته الاولانيهةمارح يفرح قد فرحتي

سكت عنةالموضوع وقلت له يجيب غدا من زمان ماطلبنا غدا من برا المهم راح جاب الغداء وهو مكشر وانا مبسوطه ويالله يادوب حطيت يدي باخذ اول لقمه الايصدمني بكلامه ايوه انتي تبين تحملين :09:وتكثرين من العيال عشان الميراث :09:

واي ياهالكلمه جات زي الصاعقه على قلبي :44:

انصدمت منه بصراحه ماتوقعتها ابد هالكلمه ماعمري نطقتها من تزوجنا ولاعمري لمحت لها الميراث اخر هممممي ولو انه همي ماكان اقوله ودي يكون اللي فبطني بنت حلوات البنات شفتو البراءه كيف:08:

انا عاد انسدت نفسي من الاكل وقلت له انت تعرف اني احب الاطفال كثير وشفت بعينك مأشوف طفله تمشي قدامي الا ركضت لها ركض وبستها وبعدين العيال ربي بيرز قهم حتى اليتيم والفقير ربي رازقه المهم نفضت يدي من على الصحن ماطب بطني لقمه ورحت الغرفه وتغطيت بالبطانيه وانا فيني بكاءء بس مأبي ابين له اني ضعيفه:44::44: دقايق وبعد ماعبى بطنه الاهو جاي الغرفه ويحط راسه وينام من دون اعتتذار لا وطلع من الثلاجه دحاج يبي يطلع فيها مع زملائه يشوون ولأفتكرني

انا طلعت من الغرفه بعد مادخل وجيت هنا الصاله اكتب لكم مشكلتي عسى القى منكم الانسانه الواعيه الناصحه :44: