يوم سحرت زوجي عن السفر!!

السلام عليكم..

اسعد الله اوقاتكم بكل خير مسائكم وصباحكم وظهيرتكم الحارقه
طبعاً احنا بالصيف وكني اشوف هالرجال جالسين يستعدون :3_2_21v: للسفره والمره المسكينه حايسه :3_2_8v: تنظيف وغسيل

ويجي يعطيها الخبر الصاعقه وتجلس تحاول فيها ياابو فلان ياابونا مايصير طب خذنا معاك طب طب طب ومافي امل :icon33: بيقول لا هذي سفرة مع الاصحاب وانتم المره الجايه اخذكم معي :3_10_6:


المهــــــــــــــــــــــــــــــــــــــــــــــــم ادخل في المفيد..

انا زوجي ماعنده اخوان ولد على بنات يعني مبدأ احرمه من اصحاب ممنوع
آمنت بالله بعد الشكوى لله
من قبل مااتزوجه وانا اعرف ان هالولد ثقيييييييييييييل يعني بعد الزواج لو ماني مرته كان ماعطاني وجه بس الحق هذي حسنه تنحسب له :icon18:

المهم ياحلوات صاحب زوجي يدرس في سويسرا وزجي عود صاحبه الصيف يروح له بس الحين الوضع يختلف لأننا تزوجنا يازيني وهو ماخذني وهو رايح لصاحبه!! ومايخفى عليكم خافي ان زوجي سواها!!

جاني في ذيك اللليله الغبره وقالي شوفي انا بحجز على جنيف قلت ياابن الناس مااحبها :icon33: قال لا معي غير انتي ماجربتيها.. يابني ادم غير بدل وهو لالالالالا .. امنت بالله وقلت اوكي على راحتك انت تخيط وانا البس

وجا اليوم الموعود ورحنا اوكي اول يوم عدى على خير ثاني يوم بدت الاتصالات واشوف وجهه يتقلب يرضي مين ولا مين !!

صار يطلع معي نص اليوم ونص اليوم مع صاحبه شفت الولد يتعب من الفرفره وانكسر خاطري عليه قلت يابنت انتي بوجهه 24 ساعه بعدين بيمل منك لاتخلينه يوصل لمرحلة يطالع الساعه متى يفتك من وجهك خذيها من قاصرها وانسحبي من الساحه ..
المهم لما قمنا الصباح قال لي وين ودك نطلع اليوم قلت شوف انا ادل بهالبلد روح لصاحبك وانا بنزل لحالي في البدايه قال لي لالا مايصير وووو قلت معليه هذا صاحبك وانا ابيك تنبسط معاه عادي والله ماازعل وجلست اترجاه صار الرجال يطالعني كذا :blink: احسه يقول صاحيه ذي ولا انهبلت المهم وافق وصرت انا كل يوم افرفر بالاسواق بس خلاص زهقت لين جا وقت القرار الصعــــــــــــــــــــــب
يوم جا باللليل استجمعت قوتي وبلعت الصيحه وقلت له حياتي انا عشانك جيت وانا مااحب هالديره انامااقدر اجلس هنا اكثر ابي انزل لندن عند خواتك قال لي طفشتي مني قلت لا والله بس هالديره تخنقني قال اذا هذا يبسطك بنزلك ونزلت عند خواته لندن بصراحه اول ليله دموع في دموع :icon33: >>>من جد مساكين حنا يالحريم نصيح على اي شي !!

المهم عدى اسبوع ونص ونزل لي لندن ورجعنا ديرتنا :icon28:

جا الصيف الثاني عادلي نفس الاسطوانه قلت لالالالالا حبيبي روح لحالك ادري كلكم كذا صرتم :blink: زعل وسوى فيها بس قلت معليه ..

وجا يوم سفرته جهزت له اغراضه وحطيتهم بالمدخل وسويت نفسي قويه ولادمعه ولاشي وانا من داخلي اغلي جا قال لي انتي مو زعلانه قلت لا ليه ازعل انا انبسط لبسطتك أنا أأأأأأأأأأأأأأ وجلست اتمتم وو :icon33: قام هو يمسح دموعي ويضحك قال هذا اللي مو زعلانه :icon30: قلت والله مو زعلانه بس بتوحشني وخليته وقمت صليت ركعتين واستغفرت لأن ماودي اخليه بس مااقدر اضغط نفسي لأني جربت مثل هالسفره لا انا انبسط ولا هو ينبسط ,,
طلعت من غرفتي لقيت الرجال على نفس ماتركته نفس الجلسه ماتحرك اثرت فيه الكلمه :biggthump المهم خلاص وهو رايح سلمت عليه وقلت له ((استودعك الله الذي لاتضيع ودائعه)) مابوصيك اول ماتوصل طمني قال لي طيب..
واتصل علي لما وصل الفجر وطمني قال سهرانه ولاصحيتك ؟؟ قلت لا سهرانه وين يجيني نوم وانت 7 ساعات فوق المحيط :icon33:

بعد يومين كلمني يسأل عن اخباري وووو قال لي وينك قلت له عند صاحبتي قال لي طيب متى بترجعين لاني ابي رقم في البيت حق بطاقتي قلت خلاص اصلاً شوي وبرجع اول مااررجع اكلمك ,, وانا في السياره كلمته قلت وين حاطها قال في الغرفه دخلت بيتي واشوف الحبيب بالغرفه :arb: طبعاً وقتها جاتني كل المشاعر فرحه صدمه دموع ضحك كل انواع الهبال والصراخ :icon33: :icon28: :icon30:

قال لي : اول ليله عدت علي كأنها سنه وفي الليله الثانيه رفعت السماعه وكلمت الخطوط وغيرت الحجز انتي عطيتيني الثقه والحنان وانا مستحيل انبسط واخليك لحالك سلمت على صاحبي وجلست معه وبعدها قلت لها اهلي لهم علي حق ولجل الصحبه اللي بينا جيتك والحين لازم ارجع,,
***********************************************

الى هنا انتهت القصه الطووووووووووووووووويله
واللي ابي اقوله امنحي زوجك الثقه يمنحك الأمان
ملازمتك لزوجك ماتعني انك مسيطره على الوضع تمام :icon30:
عوديه على قول الصدق دائماً وابداً مهما كان مؤلم عشان ماتنصدمين بأي حقيقه تسمعينها عنه من اي غريب..
اتمنى لكم حياة سعيده وكل وحده زوجها ياخذها معاه هالصيف بالسفر :39: