مرحباااا بنات
حبيت أسمع نصايحكم في خطواتي اللي قررت أمشي عليها في المستقبل القريب
طبعاً أنا تزوجت وأنا مالي خاطر بالزواج لاهية بدراستي لآخر حد
ومن الصباحية قعدت أهدد زوجي (أطفااااال ما أبي إلا بعد 3 سنين)
أكتب لكم وأنا أتذكر خشة زوجي طايرة وكأنه يقول يالله صباح خير
المهم تركت المانع بعد شهرين من الزواج طفشت من بلع الحبوب
بعدين مر شهر وراء شهر وأمي تسألني دورتك جت دورتك فاتت
بعد قلبي تبيني أحمل ..
المهم وبدأ مخي يهوجس بالحمل من سادس شهر زواج
جلست بجنب زوجي وقلت وراي ما حملت ؟ وش السالفة
أكيد فيك بلاء .. بسم الله علي أنا ما أبي شيء ضمنت روحي :surprised
جتني الدورة نص يوم وانقطعت وصارت علامة حمل
يعني أمس أتهمته فيه بلاء ومن بكرة حملت<< تراي كنت ناويه أحمل بعد ثلاث سنين ههههه
المم وجبت بنوته قمررررررر أخذت تلابيب قلبي والحين عمرها سنتين
لحظة ما انتهت حكايتي
أنا الله يسلمكم دخلت على دكتورة قدام بيتي بمستوصف
وأنا قلبي على ايدي أسمعه يرقع رقع
قلت ممكن توأم :o
بعدين انتبهت وقلت بعد إرادة الله طبعاً
قالت تفضلي خل نسوي اشعة وشفطت مني دم بتسوي تحليل هرمونات
الشهر القادم إن شاء الله أباخذ منشطات أتخذ الأسباب عشان ربي يرزقني توأم
المهم أبجهز غرفة قبل يجون النونوات من أثاث وكميرات واسفنج وأالعاب حضانة هههه
لمحت لأهلي لفكرة التوائم بس ما يدرون إني راجعت وتهورت
وش رايكم أسكت لين ربي يتمم ويحقق لي ما أتمنى ويعرفون وقت الولادة سواء توأم أو واحد
ووش تنصحوني لو فعلاً حملت توائم من تجهيزات واستعدادات
سواء للنونوات أو لي أو للناس
وأي وحده لها تجربة مماثلة تفيدني :heart::heart:
والله يرزق كل وحدة ما تتمنى يا رب
شبح المشاعر @shbh_almshaaar
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
ويرزقج برهم