صح ايام حلوه لاكن انا لعبت لعب في المهر واحس اني ما استفدت منه

السلام عليكم و رحمة الله و بركاته ..

هلا أختي عفوك ربي ..

أنا لازلت حايسة في موضوع التجهيز :) ..
فراح أعطيكي معلومات Fresh ..
بس بشرط !!
أبغاكي تـــدعـــيـــلـــــــــي ..

و بالنسبة للخروج للسوق ..
ترى ماهو ممتع زي ما تتخيلي !!
لأنه مافيه أي تسلية ..
بالعكس توتر و أعصاب مشدودة و عيون زايغة ..
مو زي لمن تروحي عشان تشتري شي معين و خلاص !!

و للأسف أنا من النوع الأول :( ..
للأسف يعني .. ضيعت فلوس مهري و مصروفي ..
و كل إللي عندي .. و إللي كنت مخليته لوقت زنقة ..

لأني يا طويلة العمر .. سار لي مملوكة فترة ..
و الوالد الله يطول في عمره و يعطيه الصحة و العافية ..
كان عامل لي نظام صارم شوية ..
مو مخليني أشتري ولا شي ألين يتحدد موعد الفرح ..
و دحين لمن أتحدد موعد الفرح ..
أعطاني الإشارة الخضراء بالشراء ..

طبعا الفرح بعد ( شـــهــــــر ) !!
إن شاء الله .. الله يتمم لي بالخير ..
>>>> مو لاقية أحد يدعي لها :06: ..

أول شي .. مافي أحد يروح معايا ..
مع إنه عندي أهل ..
لكن بأروح لوحدي زي اليتيمة ..
:(

ما قسمت المهر مزبوط ..

ما بقيت شي منه للمستقبل ..
الله لا يحوجني له و لا يحطني في زنقة ..
آمين يارب العالمين ..

الصدقة بيني و بين ربي :) ..
بس لازم كل وحدة تاخد مهرها تتصدق بجزء منه ..
أو تدبح خروف و توزعه على المساكين ..
عشان ربي يبارك لها .. و يبعد عنها الشر ..
إن شاء الله ..

و طبعا مافي وقت يكفي إني أشتري ..
و غالبا بأطلع كل يوم .. أو يوم بعد يوم ..
بس فيه أيام أكون تعبانة و مكتئبة ..
فما أخرج و أجلس في البيت و الوساوس تشتغل !!
>> سويت .. ما سويت .. أشتريت .. ما أشتريت .. بكم ..
كيف .. متى .. فين .......... إلخ إلخ إلخ !!

و مافي أحد معايا عالأقل من باب المشاركة الوجدانية !!

فسرت زي المجنونة ..
كل ما أشوف شي أشتريه ..
و أقول يلزمني .. و ينفعني ..
و يطلع شي ما يلزمني ولا ينفعني !!

و سرت مضيعة خميسي على قولتهم !!
ماني عارفة أيش أسوي ؟؟
و أيش أشتري ؟؟
و أيش ما أشتري ؟؟
و أيش لازم ؟؟
و أيش مو لازم ؟؟
و لالالالالالالالالالالالالالالالا شي !!

أمي و أبويا ما أهديتهم شي من مهري !!
بس أشتريت لهم هدايا و حاجات من مصروفي ..
حتى لو حلويات أو وردة أو عزومة عشاء ..
يعني عادتي من زمان كل فترة و فترة ..
حسب الظروف الجيبية :) ..

الأغلاط إللي غلطتها و ندمانة عليها :

1- أتأخرت في دبشي .. لكن ما هو بيدي !!

2- ما سويت زي باقي البنات و قسمت الفلوس
و خليت لكل شي مبلغ معين .. لأني أعتقدت إني
حأقدر أعمل كنترول على صرف الفلوس !!

3- بعض الأشياء أتسرعت و أشتريتها ..
و أكتشفت إنه في حاجات أحسن منها و أفخم منها
و أرخص منها !!

4- بعض الأشياء أستخسرت أشتريها ..
و أكتشفت إنها مهمة و لازم أشتريها و راحت عليا ..
و للآن ماني لاقية زيها ولا بدائل لها ..

5- ما أستغليت موسم التخفيضات في المحلات الكبيرة ..

6- أشتريت أشياء ما تلزمني !!

7- أشتريت أشياء موديلاتها مكررة !!

8- أشتريت أشياء ألوانها مكررة !!

9- أشتريت أشياء كتيرة .. و رجعت البيت و أكتشفت
إنها ما تليق مع الأشياء التانية :23: !!

10- ضيعت أغلب الفلوس في حاجات تافهة و ماهي ضرورية ..

11- بأشتري بدون ترتيب للأولويات لأنه بالي مشغول
بمية شغلة و شغلة .. فما بألحق أرتب أفكاري ..
و الربشة عاميتني :06: ..

12- على قد ما بأكتب ملاحظات و أوراق بأنزل السوق
و عيني تزوغ يمين و يسار و أرجع و أشتري إللي ما يلزمني !!

13- أشياء كتيرة ما أعرفها .. و مافي أحد بيوجهني فيها ..
و مافي أحد يقول لي أشتري ولا تشتري ..

يعني تقريبا هادي 90% من الأغلاط إللي المفروض
إني كنت أتفاداها و ما كانت تحصل ..
و فيه أشياء تانية بس تعتبر ثانوية ..
بس يلا الحمدلله على كل حال .. الحمدلله ..

المهم خلاصة الموضوع ..

الدنيا زاااااااايطة :06: ..

فإذا فيه وحدة فيكم تبغا تسوي فيا خير و تساعدني ..
تتفضل مشكورة :) ..

و أقل شي .. أدعــــــولــــــــي ..


تحياتي ..
جــــــــداويــــــــــــة

حي الله البنات كلهم
شرفتوني والله
وافدتوني الله يكتبلكم الجنة على هالنصايح والمشاركات:)


جداوية

يابعد عمري انتِ
والله اني جالسة ادعيلك بالتيسير الله يفرج عنك ويبارك بوقتك ومالك
وتطلع مشترياتك توب في عيون زوجك والناس

ومادري كيف اقدر اساعدك لكن لعل الدعاء كافي :)
لكن شوفي منتدى تجهيز العروس هنا فيه بنات يعجبونك
او روحي قسم ساعدوني مرررررر ه فزوعات العضوات بعد


الله يوفقك
على فكرة كلامك الي كتبتيه فتح لي اشياء مانتبهت عليها
فــــ 100000000 شكر لك :)









اللهم اوزعني أن اشكر نعمتك

من الي جهز معك ؟؟كم مدة تجهيزك؟؟
بروحي لان الفتره اللي بين الملجة والعرس وايد قصيره كانت حوالي 3 اسابيع ووقت امتحانات فاينل وامتحانات الاشهر الثانيه

كيف قسمتِ المهر ....بقيتِ للمستقبل شي ، او كله صرفتيه؟؟
الصراحه صرفت الثلاث ارباع على الاولويات مثل بدلة عرسي وقمصان النوم ماكثرت لاني رفيجتي نصحتني ابهالشي وقالت معظم هدايا زواجج من الناس راح تكون قمصان نوم ... ومكياج وعطور ولبس للسفر لان بعد عرسي ابيومين كنت بسافر فنصحوني اخلي باجر المهر للسفر عشان اجهز الباجي من براااا وتكون اشياء غريبه ومو موجوده بالسوق
كم مرة تطلعين بالأسبوع؟؟
تقريبا كل يوم وكل ما اذكر شي بليل اطلع الصبح اييبه عشان ما انسى
ملابس البيت كم صرفتِ عليها؟؟
شي بسيييييييييييييط
اش اهديتِ أمك وأبوك؟
شريت لهم سوغات من برا

تصدقتِ؟؟
الحمدالله تصدقت

الله يفرج همك يااااجــــــــــداااااوووووويــــــــة ويعينك ويساااعدك
حتى اللي عندها اهل مو مرتااحة في التجهييز لان اللي يعجبها مايعجبهم والعكس


اما انا فالله ريحني خالات وامــي الله يعطيهم العاافية ريحوون بس بصرااحــــــة::::

مو كل شي شرووه عاااجبني بس الحمد الله الله يسرهاا ورتحت