يوم لقيت توأم روحي تسلطو علي

السلام عليكم ورحمة الله وبركاته
انا انسانه طول عمري غير موفقه بالصديقات
من اصادق تجيني غصه وماارتاح للشخص وفعلاً يطلع شخص مو كويس او شخص طبيعته تختلف عني او مو جوي المهم انسحب بهدوء وبالغالب صداقاتي فيها حدود ورسميه جدا
الحد ماقابلت صديقه بلسم
طيبه وعلى نياتها وماعمرها جابت سيرة احد وإنسانه طيبه وبسيطه ومو نقاده كاني امشي مع طفله من برائتها وبنفس الوقت حازمه مع أطفالها وتربيتها سليمه وانا احب اصادق هذا النوع من الامهات الحريصات على اطفالهم لاني اتطمن على اطفالي معاهم
اللي حصل انه إذا يوم بقضي بالسوبر ماركت بيتها في الشارع اللي ورى بيتي اسألها محتاجه حاجه من السوبر ماركت تقولي مريني نروح سوى امرها ونخلص مقاضينا وارجعها بيتها صارت كأنهآ اخت مو صديقه مثلا بقضي من المول اقولها أنا رايحه للمول تقولي تبين اجي معاكي حتى أنا بقضي وامرها ونسولف وننبسط ونتسوق مرات زوجي في دوامه ترسلي أنا طفشانه وزوجي بالدوام وش رايك اصلح عشى ونتعشى سوى بالحوش وتصر الحد ما اجي واننبسط أنا بحكم انه كنت الوحدي وصداقاتي رسميه ماتعود زوجي على كذا
صار ينشب فيني من يعرف انه رحت السوبر ماركت ومريتها بطريقي يبدا الموال شدخلك تمرينها الصداقه مو كذا مو يوميا مثال رحنا المول سوى ينشب فيني زوجي ويضايقني ليش تاخذيها معاك المول مايصير تروح معاك كل مشوار مو دائمآ مثال زوجي بالدوام وعزمتني أتعشى عندها ارسل الزوجي استأذن بروح عندها يقولي لا مافيه روحه قبل امس رايحه معاها مول
طيب يارجال انت مو في البيت بدوامك وش فيها اغير جو ساعتين اروح وارجع وانت لسى مارجعت يعيي لا مافيه
المشكله زوجي مو في البيت وقت خرجاتي معاها يا يكون متسدح في الاستراحة او دوامه ومايبيني إذا من باب الصدفه طلعت بتقضى كم غرض من السوبر ماركت بمرها هي تبي السوبر ماركت طيب يرفض لا اتركيها مالنا دخل فيها
مدري وش مشكلته معاها قاهرني مره
ذاك اليوم بروح اشتري فساتين المناسبه مهمه وقالي روحي الحالك لا تمرينها مالك دخل فيها طيب يا رجال البنت عرضت خداماتها وقالت عادي اساعدك بالاختيار وانا مبسوطه احد معاي يمشي ونتقهوى وننبسط قبل دايما الحالي في المولات وانتِ يارجال تكره الموالات وش المشكله إذا كانت معاي خصوصاً انه أنا اسوق وعندي سياره وهي تسليني بالطريق مادري ليش مستقعد عليها قاهرني
والمشكله هو مايجلس معاي يا دوام يا استراحه طيب اخرج معاي انت وبستغني عنها واذا قلت له كذا قال انتي وذا الصديقه
ويقولي مثل (( عنز طاحت بمريس))
غاثني مرره وقاهرني مادري وش يبي وليش ينكد