يوم لك و يوم عليك

مرحبا بنات

شخباركم ؟ و شخبار الارادة و الرجيمات؟


أنا صار لي فترة طويلة مو قادرة التزم برجيم

قلت بسوي رجيم النقاط ، سويته يومين و زهقت

قلت بسوي ريجيم الكربوهيدرات لأني أعرف كم بنت نازلين عليه كثيييير ، و بديت فيه يومين و ما كملت

صايرة ارادتي صفر و مو قادرة التزم برجيم


و أنا قاعدة أدور و أحوس هنا في المنتدى شفت رجيم اسمه " يوم لك و يوم عليك"
و في عضوة كاتبة تجربتها انها نزلت 17 كيلو في 40 يوم
و عضوة ثانية 5 كيلو في 20 يوم

فكرة الرجيم ان يكون يوم مفتوح ، و يوم رجيم قاسي ، و بعدين نعيد يوم مفتوح ، و يوم رجيم قاسي ، و هكذا << أبوك يالشرح :hahaha: أحلى شي (هكذا) :35:

المهم
قلت خليني أجرب مو خسرانة شي ، أنا اساسا وزني ينزل كيلو و يطلع كيلو ، و مو قادرة أسوي أي ريجيم
فقلت أجرب و أشوف



أنا قريت عن الرجيم يوم الأربعاء الماضي ، و كنت شادة حيلي بالاكل هذاك اليوم :f226:
فيوم الخميس كان يوم الرجيم القاسي

أنا في أيام الرجيم كنت أتغدى و أتعشى صحن سلطة كبيييير
و أشرب كوبين كوفي تقريبا في اليوم مع سكر رجيم

و في الأيام المفتوحة آكل اللي نفسي فيه بس ما أمصخها ، يعني آكل عادي بس بعقل شوي


و النتيجة :

وزني يوم الأربعاء لما فكرت أسوي هذا النظام : 100.33 كيلو :35:

وزني يوم الخميس بعد أسبوع من النظام: 98.88 كيلو :icon18:


صرت تحت المية :biggrin:


معدل النزول مو كثير ، بس حلو

و أنا كذا ولا كذا مو حابة أسوي رجيم ، أو بالأحرى مو قادرة التزم برجيم معين
و هذا النظام ناسبني جدا و حبيت اني اشارككم هالتجربة


أنا قريت هنا في المنتدى ان بعض البنات جربو هالنظام و ما نزلو و لا نص كيلو ، أتوقع لانهم كانو يخربونها في الأيام المفتوحة ، أو يمكن على حسب اختلاف الأجسام ، ما ادري بس هذا توقعي

فاللي حابة تجرب هالرجيم ، تاكل عادي في الأيام المفتوحه بس لا تكثر مقالي أهم شي ، أو اذا كثرت أكل تشرب شاي أخضر في الليل قبل ما تنام


اذا ما وصلتكم فكرة الرجيم ، أنا كاتبة قائمة بالأشياء اللي كنت آكلها كل يوم
اذا حابيين اكتب لكم اياها قولي لي


و اللي عندها اي سؤال أنا حاظرة


و عقبال ما نصير كلنا رشيقات ياااااارب قولو آمين