هلا رفيقاتي .. تدرون ربوع وخميس ورجلي دينه ودين يشوفني على النت عاد سرقت روحي سراقه ..
وهذاني جايتكم بالسالفه000

عاد أنا عمري 13 سنه غطوني أهلي جعلهم يسلمون وأنا فرحانه ذيك الفرحه بالعبايه , وأقعد أترزز قدام أم سعد كود الله يسخرها لي وتخطبني لوليدها عبادي كما كان يحلو لي في نفسي أن أناديه في ذات نفسي الانسانيه من دون ماحد يوحيني ياخزيااااه 0

عاد اللهم لك الحمد والشكر العبايات ذيك الحين مال أمها داعي مدري وشي محطوطه له ولا الستر ستر عنز نلبس الغطوه وكانت ذيك السنه موضتها قوقو يعني لفيها على وجهك ومفتوحه من فوق ثم لفي العبايه كل جهه بيد الين توصل العبايه فوق ( اللهم ياكافي ) مايبقى الا ربع متر مغطي ظهورنا بس تسن العوق من الظهر الله يستر علينا وعلى بنات المسلمين 00

وكنت في متوسطه واللي توصل هالمرحله وخري عن طريقها كانوا ذيك الأيام خريجة متوسطه يعينونها مديره

المهم ذاك اليوم رجعت من المدرسه والمواصلات كانت كعابي يعني على رجولنا في عز القوايل الين نوصل بيوتنا مانقوى نحكي من العطش والبراطم متهدله من التعب .....

ولكن يالحظي السعيد لمحني عبادي داخله بيتنا فأسقط في يده ووقع في حبي 00

عاد أنا رايحه فيها 00

ويقولون والعهده على الراوي أن عبادي جعله يسلم قرر انه يعرس وأقبل على أمه في استحياء يتحكحك يبي يطلع حتسوه ماقدر يوم شاف عيون أمه.. صغار بس ماتنحقر لها قوتها الفولاذيه وقامت كل كلمه تسبق أختها وهد عليها السبحه وبسرعه الأمور جت ورا بعض وتمت الخطبه ياربي لك الحمد والشكر00

وجت الساعه الحاسمه وأعلنت في المدينه زواج بنت الدوقه والأمير وعلقت الزينات ووزعت الرقاع,

عاد احنا ماكنا نعرف فستان أبيض ولا طرحه , لبست ذيك العبايه الجديده يعني من باب الحيا نسقبل المعرس بعبينا كني سبايدر مان بيعرس 0

وعرسي كان في أفخم مدرسه في الرياض خذها أبوي من الحارس بواسطه وياربي لك الحمد ماهي الا دقائق وأقبل المعرس.. ودخل الغرفه .. والتقت عيناي بعيناه و... و ... ( .......... مشفره ........)0

مضت ساعه أو هي ساعه ونص ثم جو الجماعه اللي نصفهم طاقتهم الشفاحه ووصلونا بالسياره الى أن وصلنا بيت مارجريت تاتشر في 10 داوننج ستريت0




وللقصه بقيه ان كانكم فاضيين ردو علي ولا الماريه الغفله

ذبحتيني مع عنوان موضوعك قريته خمسين طعش مرة بس ما فهمته لكن****القصة خطيرة:24:
الزبدة :p
كملييييييي تكفين والماريه هذي الوجيه السفره:07: :07: :07: :07: :07: :07: :07:

ابييييييييييييييييييييييييييييي تكملة القصة الله يخليك مو حلو كذا كل شوي تقطعينها ترى يروح الحماس:27:

الله لايحرمني منكم ولا يوريني فيكم ماأكره ..قولوا آمين


يالبندقيه ... كرري العنوان 5 مرات خخخخخخ أضحك معس

يوم للغنم هيبتها يعني لها وضعها الاجتماعي في الأسره , وكان تقريباً مايخلا البيت منها

و يوم لخالتي كلمتها يعني الخاله تملك حق الفيتو والنقض وما تتسنع المسائل الا بموافقتهاجعلها تسلم

عسل قسما بالله انك عسل............:32:
والله ضحكتيني ضحك...............
ويا بنات الله يرضى عليكم صبروا عليها شوي...........
الدنيا انخلقت بسبع ايام مو بين يوم وليله........................
يا الله ننتظرك بس لا تطولين............;)