الحمدلله على قضاءه وقدره توفا شقيقي في حادث سياره ,,وله ولد وخمس ينات ,,ماني مستوعبه اللي حصل ,,كان الحمدلله من الأخيار ,وكان ملتزم ,لكن ماني قادره اتعايش مع الوضع الجديد ..كل زاويه في البيت له ذكريات فيها ,اتخيل صوته وخفة دمه اتخيل شكله في كل مكان ,,كان أكثر اخواني قربا مني ,,طلع الفجر مشوار بسيط وتأخر ونتصل عليه ثلاث ساعات مايرد آخر شي جا اخوي الثاني وقال لنا انه صار له حادث سياره وحالته حرجه ,,بس لاحظنا الحريم بدو يجون وأمي كانت تقول لاخوي ودني له بالمستشفى ودي اشوفه وكان اخوي يصرفها يقول ان شاء الله ويطلع ويدخل ,,فلما دخلوا علينا الحريم وقالوا عظم الله اجركم أمي انهارت وصارت تبكي بكا يقطع القلب وكلنا انا وزجته استغفر الله العظيم طلع ماكان فيه اي شي ,,وبعد ساعه ساعتين قالوا مات ,,لكن الحمدلله وظيفته كانت تخدم الدين ,,واسلم على ايديه عدة اشخاص ,,وكان سبب في هداية بعض ازملائه ,,
أذا جاء الليل تسلط علي الشيطان وصرت أبكيه أنا وبنتي بالمتوسط مره متأثره ,,أحس انه قلبي متقطع عليه ,كان شايلني فوق راسه ,,حسيت بالخنساء يوم فقدت اخيها صخر ,,ومادام الناس عندنا ويجون الحمدلله بس اذا فظى البيت يصير البيت موحش أتخيل شكله بكل زاويه ,أتخيل خفة دمه وصوته في كل مكان ,,ولما اشوف اولاده يتقطع قلبي عليهم,وامي اللي أحس لما اشوفها اتقطع من الألم
والحمدلله على كل حال
دعواتكم له بالرحمه والمغفره ,تكفون ادعوا له لان بكره اكيد راح تحتاجون من يدعي لكم
وجزاكم الله خير
ضي الحزن @dy_alhzn_1
عضوة
يلزم عليك تسجيل الدخول أولًا لكتابة تعليق.
ريـمـيـه
•
الله يرحمه ويحسن خاتمتنا اذا صرنا الى ماصار اليه
الحمد لله على كل حال
والله يعظم اجركم ويصبركم
والحمدلله انه توفى وهو خادم لدينه وادعي له دايم بالرحمه
ولاتفرحين الشيطان
الشيطان هو اللي يحب يشوف المؤمن دايم حزين
وحاولي تتماسكين وتصبرين امك
واللي كان يسويه أخوك من دعوة إلى الله ومن قراءة للقرآن
حاولي تستمرين في عمله وتكملينه بعد اخوك
واشغلي نفسك التحقي بحلقات التحفيظ وخلي امك تلتحق فيها
واجتهدي لاخرتك هذي دنيا فانيه وكلنا بنغادرها في يوم ما
أسأل الله العظيم ان يرحمه ويرحم موتانا وموتى جميع المسلمين
ويجمعنا جميعاً في جناته جنات النعيم إنه على ذلك قدير ويكفينا
فتن الدنيا ماظهر منها ومابطن
والله يعظم اجركم ويصبركم
والحمدلله انه توفى وهو خادم لدينه وادعي له دايم بالرحمه
ولاتفرحين الشيطان
الشيطان هو اللي يحب يشوف المؤمن دايم حزين
وحاولي تتماسكين وتصبرين امك
واللي كان يسويه أخوك من دعوة إلى الله ومن قراءة للقرآن
حاولي تستمرين في عمله وتكملينه بعد اخوك
واشغلي نفسك التحقي بحلقات التحفيظ وخلي امك تلتحق فيها
واجتهدي لاخرتك هذي دنيا فانيه وكلنا بنغادرها في يوم ما
أسأل الله العظيم ان يرحمه ويرحم موتانا وموتى جميع المسلمين
ويجمعنا جميعاً في جناته جنات النعيم إنه على ذلك قدير ويكفينا
فتن الدنيا ماظهر منها ومابطن
الصفحة الأخيرة