يوم ماراح انساه

السلام عليكم كيفكم خواتي انا اليوم مر علي موقف ماراح انساه انا قبل فتره قلت لكن اني ابسلفر للرياض واليوم رحنا لمسجد الراجحي نصلي فيه وبعد الصلاه جلست انا وام زوجي عند الباب ننتظر زوجي وفجأه راح ولدي وعمره خمس سنوات وطلع من المسجد فلما شفته يبي يطلع دعيته بس مارد علي والله يااخوات بس اللي قعدت دقيقه او اقل قلت لخالتي خلينا نطلع برا نتفرج على البيعه وانا قلت اكيد واقف ولدي عند الباب والله بلمحه بصر يوم طلعت مالقيته .....صراحه ماتصورون موقفي والله موقف لا احسد عليه رحت انا وخالتي زي المجانين نركض هنا وهناك وكان فيه حرمه الله يجزاها خير تقولي وشلون ملابسه وانا اصيح عجزت ارد عليها يوم جا زوجي وقلنا له قعد يدور على المسجد اقول الله لا يفجعنا .وماهي عليكن بطويله المهم لعبي الشيطان والحرمه تقول لي استودعيه عند الله وكانت حرمه محتشمه الله يجزاها خير.والله يا خواتي حسيت اني ماراح القاه بس رحمه الله فوق كل شي.فجأه شفته من بعيد يمشي لحاله يدور ابوه فرحت اركض له وخميته وانا ابكي .يوم جبته معي وقلت لخالتي قعدت تصيح ......صراحه اقول لكن يااخواتي مثل ماقالت لي الاخت اذا طلعتن من بيوتكن استودعن الله اولادكن وعوذنهم وعساكن ماتفجعن بغالي