.
السلام عليكم ورحمة الله وبركاته..
سبحان الله مر رمضان بسررررعة ومابقى منه الا أيام..
تقبل الله منا ومنكم صالح الأعمال..
والله يعوده علينا وعليكم بالخير ان شاءالله..
.
بخبركم عن يومي الرمضاني كيف يكون.. وانتظروا شوي عشان تتحمل ال20 صورة..
طبعا أغلب الأيام نفس الروتين اللهم الاختلاف في الليل وين أروح !!
أنام بعد صلاة الفجر.. وأقوم عالظهر أصلي وأشوف بناتي الصغار وعادة يصحون عالساعة 1 أو 2 على حسب نومهم بالليل..
قبل لايصحون جلست أأقرا ماتيسرلي من القرآن والحمدلله..
بهالوقت الظهر وهو الوحيد اللي أتابع فيه مسلسل.. مع اني مش من محبي المسلسلات لاكن صادف وتابعته.. طبعا أتابع وأكون مشغولة بشي ثاني مثلا أغدي النونو أو الأكبر منها أو جالسة معاهم ألعب أو أكون أسبحهم وأصلا مرات ما شوووووفه..
اليوم بنفس الوقت كنت أغسل النونو وبعدين غديتها..
وغديت الأكبر منها..
وعقب جلست مع الصغيرة هي تلعب وانا أشوف برنامج الطبخ..
وهالصور من أيام لهم.. بس طول الوقت نفس الموال..
بعدين قمت أتابع عيالي الأكبر واللي فاطر أجهزله اللي يبقيه..
ولفيت رولات الجبن ووزعتها بالأكياس وحطيتها بالفريزر..
رجع زوجي الظهر من برع وكان جايبلي طلبية لي من النت عن طريق أراميكس..
يتبببببببع>
.
بالنسبة للفطور طبعا الشغالة هي اللي تطبخ الطبق الرئيسي لانشغالي بالعيال.. وأنا أسوي الحلى..
مانسوي كثير لأنه الصيام أنا وزوجي وولدي بس وأغلب الأيام مايكون ولدي معانا..
هذا فطورنا والحمدلله..
الرز الثاني واللقيمات من بيت جيرانا
والمحشي صورته في بيت أهلي بعدين..
بخرت ثياب زوجي والعيال والبيت وصليت العشاء ..
دخلت شوي المنتدى مرتين اليوم بأوقات متفرقة.. أسلم عالبنات وأشوف واجباتي..
يتبببببببع>
.