الله يعطيك العافية على المشاركة يا( عنقود الغلا)..
أنا أدري إنه لكل وحده منا تجربة في هالمجال ماهي راضية عنها...علشان كذا كتبت هالموضوع.. ودي إنه نستفيد من تجارب بعضنا.. واللي تعلمت حاجة مفيدة من الموقف اللي صار معها تنور غيرها علشان ما نطيح كلنا بنفس الخطأ...وموضوع نصح الغير موضوع مهم جدا.. البعض يحس إنه ما لازم ينصح إلا اللي مستقيم.. وتقي !!وياسلام لو يكون شيخ!! أو على أقل تقدير متخرج من قسم شرعي !!علشان ينصح غيره وهذا أكيد غلط لأنه كذا راح نستنى كثيييييييير ويمكن ما نلقى احد ينصحنا ونندم..
فلازم إنه نفكر بجد في هالموضوع .. ونحاول نتعلم شي يفيدنا بهالمجال لانه راح يعود علينا بالأجر دنيا وأخرى..
وراح نسأل عن الخطأ اللي شفناه وما غيرناه.... يعني المسألة ماهي هينه أبد.....
ياليت ألقى تفاعل في هالموضوع من باقي خواتنا الغاليات....... :26:
وفيه حاجة مهمة الله يجزاك خير نبهتينا عليها...وهي موضوع القدوة ..كثير منا مايعطي موضوع القدوة اهتمام لأن القدوة يبي لها صبر نتيجتها ما تبين بسرعة ...
يعني لازم الواحد المخطيء يشوف قدامه النموذج الصح لفترة معينة قد تطول وقد تقصر (على حسب شخصية وطبيعة كل فرد ) وبعدين يتأثر وتطلع نتايج القدوة عليه......
وعلى فكرة تلرى مش كلنا مثل بعضنا.. وهذا الشي اللي كنت أبي أاوضحه من ورا هذا الموضوع..يعني ممكن أنت يا ( عنقود الغلا) تنجحين في مجال القدوة وتطلع لك من ورى النصيحة بهالأسلوب فايدة أكبر بكثييير من لو إنك اتبعت أسلوب ثان..
وكل وحده لما تجرب مرة واثنين وتغلط وتعرف إيش هو الصح راح تنجح حسب مقدرتها وعلى حسب الأسلوب اللي ينفع هي تسويه ..وبعد يخرج نتايج مشجعة مع المنصوحات...
والله علشان كذا أنا كتبت الموضوع من البداية ..أبي نعرف أساليب وطرق سووها بعضنا وما نفعت معهم واكتشفوا خطأهم .. ونورونا ..ونكون عرفنا أساليب جديدة.. ماكانت في البال ..ويمكن تنجح معنا ( بحكم بيئتنا ..ومستوى التعليم فينا وفي من حولنا ونبي ننصحهم,و..و..) .. يعني اللي مانفع مع فلانه يمكن ينفع معي ..واللي ما نفع معي في نصح من هم حولي ممكن أخت ثانية ينجح معها....
يالله يا بنات ... نبي تفاعل ..علشان يحقق الموضوع الغرض منه في نفعنا ونفع غيرنا وناخذ أجر تعليم غيرنا الخير..............

السلام عليكم

اختي الباب المفتوح فعلا موضوع مهم جدا و صعب يعنيفكرتك حلوة نستفيدمن بعض انا حاسة نفسي بفكر ان شاء الله

لكن مشكلة يااااا اخواتي هالايام كللللللل البنات من ناحية الميك اب ملونات وجوهن و لابسات حجاب ما تنزل من العنق بعضهن اضنينهن ما مغطية و البعض لابست بناطلين يخجل و دة كل و هي (محترمة متحجبة) اتخيلوا اللي ما متحجبات


و لالاشياء دي عااادية عندهملو قلتي لا غلط حتي لوبطريقة حلوة يضحكو فيكي يعني مثلا داائما بسالوني ليه ما بتمكيج ولمن اقول انه حرام و احاول ادكرهن بحديث لا لا لا انا الغلطانة وىانا اللي ما فاهمة و انا متشدد و الله يعني صراحة حالة صعبة


بس هشجع اكتر بعد كدا

و منتظرة ردودكم

كلامك يا راضية صحيح....
لكن ماراح أي شيء له قيمة يجي بالساهل!!!!
أكيد راح نلاقي صد مرات ..ومرات سخرية........ومرات ماحد يعبرنا...لكن ممكن بعد إنا نلاقي تقبل ولو مرة!!...ولابد إنه ننصح لأنه علينا فقط الدعوة وتبيان الحق وياليت لو كنا نحفظ الحكم بعد يكون خير على خير ...والباقي نتركه لله سبحانه...
( إنك لا تهدي من أحببت ولكن الله يهدي من يشاء)....
ولا أقل من إنكارنا بالقلب والتنبه لذلك.. حتى نكون على الأقل حققنا أضعف الإيمان.....

اما انا عندي قصة كل مااذكرها اتسردح ضحك............
هذي اثنين من صديقاتي....طفشوا من كثر ما يشوفون النمص!!!!!!!
اتفقوا انهم ينصحون كل وحدة يشوفونها نامصه؟؟؟؟؟؟؟؟؟
اول وحدة شافوها.......تجرأت الجريئه منهن بعد تردد........
واللي تجرأت هذي وحده بايعتهااااااااااااااااااا..........مرة مرة مرة........
يعني وحده طفوق وطيبه ولعَابه.......
فجت ونطت على البنت نط!!!!!!!!!!!
وطلعت بس راسها؟؟!! وبدون مقدمات
قالت :
انتي تحبين الله؟؟؟؟؟؟؟؟
البنت ما اوصف لكم شكلها!!!!!!!!
مرة تستهزئ,,,,,,, ومرة تضحك,,,,,,,, ومرة تقول هذي وشي,,,,,,,, ومرة ومرة ...........البنت انهبلت.....
سألت من جديد؟
انتي تحبين الله؟؟؟؟؟؟؟
ضحكت البنت وقالت ايه اكيد احب الله....!!!!!!!!!!!!!
قالت طيب ليه نامصه والله يقول لاتنمصين.؟؟؟؟؟؟؟؟؟؟!!!!
البنت مااااااااااااااتت من الضحك......!!!
قامت المحروسه خويتنا تنصحها وتقولها ترى الدنيا موليه ودايم اللي ينمصون يبون الزين وما يطلعن زينات,,,, ومن هالكلام ماكلفت نفساجابت باسلوبهاالعععععععععامي...!!
تصدقون عاد ان البنت تأثرت وقالت خلاص ابتركهن؟؟؟؟؟؟؟؟؟؟؟؟؟؟
واسلوبك اعجبني !!!!
سبحان الله والله القلوب مفاتيحها بيد الله.......
بس البنت اللي جت تنصح قلبها مثل اللمبه........حيييييييييييييل طيبه.....
ونيتها زينه دايما المهم ان البنت اخذت منها ,........
يقولن زميلاتي...... صارت كل ماتشوفنا البنت تضحك وتتغطى عنا من الاحراج.......
فيه ناس كثير يسوون الغلط بس لان الناس سووه......
الموضوع اعجبني مره وكملو انا عندي مواقف اجيبها بكرة ان شاء الله..........

الله يجزاك خير ....يالفجر الواعد....
بالنسبة لقصتك...!!! ما أدري وش أقول عليها..!!!
فعلا من سردك للقصة حسيت بجد إن الناصحة قلبها طيييييييييييييييب ..الله يجزيها على قد نيتها الطيبة هذي....
ويالله قاعدين نستنى المواقف اللي عندك علشان نستفيد.....:time: