السلام عليكم ورحمة الله وبركاته هذه اول مشاركة لي في هذا المنتدى الرائع وشدني لها الموضوع والتعليق عليه اسلوب الكاتبه بارك الله فيها وأقول كلامك درر تسطر بماء الذهب انا صحيح لست في الاربعين لكن روعة هذه العبارات لا تقيد بسن معين ووالله انها لتبعث الامل بالحياة بعد الله سبحانه وتعالى وتجدد الثقة بالنفس وأقول لا تحرمي اخواتك القارءات من مثل هذه المواضيع الرائعة والتي تعود عليهن بالنفع واحتسبي الاجر في ذلك واخيرا اقول بارك الله لك في وقتك واصلح الله لك ذريتك ونفع الله بك الامة وجزاك الله خير

جاء دوري ههه أنا من مواليد1390هجري يعني كبركم يقولون المرأة ماتحب

تعلم بعمره المشكلة دخول العقد الجديد صصعب على النفس ابشرك أنا

موقفة عمري احاول اسعد نفسي اللى هدته الهموم والمشاكل فعلن قمت من

السبات وبديت ادلع نفسي بلا عيال بلا هم نسيت اقولل اني مثلك عندي

ثلاث بنات وولدين وشهاالمصادفة وشرايك تعزمينني هههه ياحبيلك

الله يخليلك عيالك ويسخرلك رجلك وأنا آمين

موضوع جميل نفس الاحساس ونفس المشاعر بس مو نفس العمر أنا أكبر منكم شوية :39:زوجي اتوفى


من زمان بس في مشاكل ثانية هدت حيلي واشغلتني ,,,,,,,, حسافة على العمر اللي ضاع ,,,,,,,,,,,,, بس الحمد لله إننا عايشين يعني في فرصة نستغفر ونتوب ونكثر من العمل الصالح ويا ليت يكون فيه تجمع للاربعينيات نعين ونعاون ونذكر بعض ,,,,,,,,,,

اختي أم العلامه احي فيك صراحتك مع نفسك وحسن تفكيرك ماشاء الله
أنا انفس عمرك تقريبا وافكر ننفس التفكير كأني فعلا توني صحيت من النوم أشوف عمري راح وأنا ماسويت شي بحياتي
أحس اني أفتخر فيه و يبقى لي بعد الموت ..
ذبحني التفكير ..والندم على مافات ولا اني عارف شلون اعوض السنين اللي راحت من عمري..
لكن الحياه نعمه من الله علينا ولازم نستشعر هذه النعمه ونحسن استخدامها مادام باقي لنا في الحياه لو يوم واحد لازم نعيشه
بكل جوارحنا..اهم شي نعرف كيف نعيش ....؟؟؟
أمنيتى أحفظ القرآن..وأتعلم اللغه الانجليزيه ..وأطور من نفسي ..خاصة ان عندي وقت فراغ كبير لأني ماني موظفه ودي اسوي لي مشروع اشغل نفسي فيه بس أخاف من المسؤليه :) !!!
وأشياء كثير ودي اسويها بس مابديت الى هالحين ..يارب سهل لي
نسيت أقول اني ابتلاني الله بمرض مزمن اتعبني شوي لكني أحمد الله دائما كل مايكتبه الله خيرلنا ..

اما عن نظرة الزوج انا صادفتني اكبر مشكله بحياتي هو زواج زوجي علي وانا عمري 25سنه لسه في عز شبابي
لكني ربي عطاني قوة وقدرت اتغلب على احزاني وأتكيف مع الجو الجديد اللي فرضه عي زوجي لأني احب زوجي وعيالي ماقدرت اتركهم..واشغلت نفسي بالعلم الين تخرجت..وبعدها طلق زوجي وربي عوضني خير كثير يارب لك الحمد بس زوجي صار يفكر نفس تفكير زوجك بعد مابلغت ا لأربعين لكن ماعطيته فرصه ابدا تعلمت درس من اللي فات وربي قواني وكل ماجاب سيرت الزواج
والحرمه اذا كبرت اوقفه وارد عليه الين اسكته وكل مره يجيني مشحون من المجتمع اللي حوله استعين بالله واناقشه حتى اقنعه
الحمدلله يقتنع بس يغير رايه بسرعه لما يشوف زملائه واقاربه متزوجين ثنتين وثلاث ينقهر على نفسه ..بس انا سلاحي الدعاء اولا بعدين الحوار ..والى الآن ماني متطمنه انه ماراح يتزوج ..لكن مع الدعاء مافيه شي مستحيل..

فديتكم ع هالردود الحلوة

ع فكرة نسيت أقولكم إني موظفة وجانب كبير من حياتي قرضته الهموم بسبب مشاكل بعض المديرات وظروف العمل بس أنا هنا ماني حابه نمضي الموضوع في الهموم اللي أتعبتنا لا ... ؟
حابة إنو نقوي بعض ونشد من أزر بعض فالمرء ضعيف بنفسه قوي باخوانه

ودي أرد ع كل وحدة باسمها خاصة بعض المداخلات بس سامحوني ما أقدر ع الجميع
عموماً أنا سعيدة جداً فيكم وبرجع لكم بإذن الله