صباح الحب والرضا والود للقلوب الراضيه
صباح :يمتصُ كِل ضيقّ أرواحكُم المُنهكّه
وَ يبثُ فيها روحَ الأمان وَ السكِينه
صباحكُم : رحمَه ، مغفِره ، نوَر
صباحكُم قلوبٌ مطمئنة
بعد ماصبحت عليكم زين بدرررعم بالموضوع وابي نتناقش بهالشي
بنات نسمع ونعرف ناس فيه بعقد نكاحهم شرووط احس مررره مالها داعي مثل سالفه المؤخر..!
يشترطون الاهل عالولد مؤخر اذا طلقت بنتنا ياحبيب امك تدفع مبلغ يقص الظهر
يعني البنات راضيات بهالشي ؟
مايحسون ان ازواجهم ممكن متحملينهم عشان هالمؤخر << ترى شعور اليم وربي :(
طيب من اوول اذا حاس ان هالرجل مو كفو ولا انت واثق فيه انه بيحافظ على بنتك لاتزوجه
مثل اللي ارضى فيها غصب طيب ولا ادفع
ممكن تختلفون معي بالرأي بس كذا حسيتها :(
كماان سالفه تكوون زوجته الوحيده
يعني مايتزوج عليهاا ابد طوول العمر..!
هو امممم شسمه >> زين خخخ
بس اكيد مايجوز وقويه بحق الرجل ومدري صراحه كيف يرضاهاا الشيخ اللي يكتب كتابهم
سؤالي كيف تشوفون هالشرووط وخصوصاً المؤخر ذا اللي مانيب مقتنعه فيه وودي اعرف حكمه بالشرع
انا ابووي ماكان يشترط في بناته ابد
الا انا اصريت انهم يكتبون تكمل دراستها تدرون ليش عشان يحس اني مثقفه خخخخخخخ
ولا انا امحق مانيب يم الدراسه ولا دريت عنها ومن تزوجت تركتها بعد هع
بس مسويه اكشخ بهالشرط مدري وش كنت احس فيه خخخخ
يالله اتحفونا هل كانت لك شرووط على المعزب قبل الزواج ووش الشي اللي ندمتي انك ماشرطتيه عليه
والبنوتات اللي مابعد تزوجوا كمان بسألهم وش ممكن الشي اللي ماتتنازلين عنه وبيكون شرطك لعريس المستقبل إن شاء الله
ممكن عزابي امه داعيتن عليه ويدخل موضوعي ثم ينصدم من هالشرووط ويبطل يتزوج
عاد تصدقون انهم ينرحمون هالرجال :(
كل شي عليهم مهر يهد الحيل وتلقونه متسلفه
ومصاريف الزوواج اللي يرووح عمره كله وهو ماسددها
وهدايا الخطوبه وبعدها بيت واجار وصرفيه عالعيال
واخرتها مايدري هو يتوفق بزوجته ولا لا ترى هم اللي يبيلهم مؤخر موب حنا << بتتصفق خخخ
هيا خلاص بلا كثره حكي وقولولي وش شروطكم انتي وياهااا
الله يسعدك
انا شروطي كثيره
اولا اكمل دراسه
المؤخر كان 30000
مايتزوج علي
مااسكن عند اهله
يسفرني كل صيفيه
لا لا لا
امزح
الشرط الوحيد كان بيت خاص فيني بس
اهلي ماحطو مؤخر