يووه يَ بنات تذكرت ام زوجي الله يرحمها ادخلوا اقرؤوا القصه

يوه يَ بنات قريت قبل شوي موضوع عن امهات الازواج وخطرت على بالي ام زوجي الغالي رحمة الله عليهاتوفت وزوجي بالثانوي ومالحقت اتعرف عليها زين
لكن امي تعرفها كانوا جيران ومن نفس القبيله كنا خمس بيوت جنب بعض بيت عمتي الله يرحمها وبيت امي الله يحفظها وبيوت خوات عمتي ثلاث يعني خالات زوجي
كانوا امي وعمتي الله يرحمها صديقات يحبون بعض يجتمعون ويسولفونعلاقتهم قديمه وقويه من قبل اجي على هالدنيا صاحباتعمتي كانت اول خلفتها 5بنات ورا بعض وحملت بالسادس و ولدت في البيت لحالها كذا كانوا حتى امي ولدت بعض اخواني في البيتهالمره جابت "ولد " تقول أمي رحت ازورها وكانت منسدحه على جنبها وكان ابنها ورا ظهرها وكانت فرحاااانه فيه قد الدنيا باركت لها أمي وفرحت لها أمي قد خلفت اخواني وأخت فقط وماقد جابتنيقالت امي تمزح: العروسه جاهزه تقصد أختي قالت لها عمتي وهي تمزح : بس ولدي ابغاك تجيبين له بنيه مزيونهطبعاً كله مزح بينهم اصلاً اختي جميله فديتهابعد 7 سنوات امي جابتني وفرحت فيني لاني جيت بعد اجهاضات وتعب فديت امي الله يحفظها ويسعدها 
وجلسنا في الديره فتره بسيطه بعدها نقلنا لمدينه بعيده تربيت في المدينه كبرت فيها تقريباً لما كنت بالإبتدائي سمعت امي عن تعب عمتي ام زوجي كان مرضها حصى مراره اسم المرض مو خطير لكن ماكانوا يدرون ان الأطباء مامنهم امان!! لما سووا لعمتي العمليه غلطوا وقطعوا الشرايين وقفلوا بطنها والحرمه راحت بيتها وصابها نزيف داخلي كانت تطرش دم والحمام الله يكرمكم عند قضاء الحاجه ينزل منها دمقضوا على حياتها يَ بنات قتلوها يَ بنات كانت باقي صغيره لكن جاتها المنيه توفت من هذا الخطأ ماأدري وش اقوول الله يرحمها كان ودي اتعرف عليها ان شاء الله نلتقي بالجنه
دارت الأيام تملكت اختي وسوينا حفلة الملكه اليوم الثاني جوا ناس يخطبونيكان الخاطب هو ولد صديقة أمي اللي توفت وافقت وتزوجنا والله يحفظه ليسوينا حفلة الملكه بعد اربع ايام في بيتنا في ديرتنا طبعاً حضروا خالاته وجدته وكانوا يناظروني بطريقه غريبه كانوا طبيعيين معي قبل الملكه بس الحين تغيروا ماحبيت اتعب نفسي بالتفكير بعد فتره زوجي قالي جدتي زعلانه مني عشان ماتزوجت من بنات خالاتي وخانقتني بس ماهموني انتي المهمه من بعدها عرفت ليه تغيروا !الله يسامحهم الله يسامحهم
المهم بعد الزواج امي حكت الحكايه اللي فوق وحكت لي عن مزحها هي وأم زوجي اللي كتبته فوق سبحااااااااان الله ربي جمعني بهذا الأنسان رغم المسافات ورغم المعارضين لزواجنا الله لايفرقنا والله يرحم عمتي انا مقرره ان شاء الله اذا ربي كتب وحملت ورزقني ربي بنت اسمي على اسمها حتى لو انه قديم عشان خاطر زوجي وعشانها الله يرحمهاالله يحفظ لي امي وزوجي وابني ويحفظ لكم احبابكم .. ترا هاذي قصه حقيقه ياحبيباتي وعشاني فاضيه وخطرت عمتي على بالي قلت اكتبها لكم
ادعوا لعمتي يَ بنات
"الغاليه1430"