يووووووووووه ......زوجته وأم عياله ..صارت أخته!!!!

سلام يا بنات :
البارح امي تحكي عن الرضاعة وتطرقت لواحد من قرايبها وانصدمت لما قالت لي ان أمه وأبوه كانوا أخوان............

لما كانوا صغار جت وحده من البدو ترضع البزارين ورضعته .........

وكل سنة تجي من البر على نفس الموعد عشان ترضع البزران وتاخذ أجرتها وتروح ......

وجت بعد كم سنه ورضعت البنيه .....وطبعا اهل البنت والولد ما يعرفون بعض بقوه لكنهم في ديرتين متقاربات......

المهم تزوج الولد هالبنت وجابت منه علي و محمد وسارة تخيلوا!!!!!!!!

بعد كم سنه من زواجهم راح الرجال يحج وجت ذالحرمة اللي مرضعتهم وقعدت تسأل من تزوج من الشباب اللي في البلد في السنين اللي غابتها وانهبلت يوم قالوا لها نورة خذت سعد!!!!!

قالت تراهم اخوان :eek:

يوم ضاقت الدنيا بنورة ولاعاد تدري وش تسوي:(

طبعا لو وحده من حريم الحين كان راحت لبيت اهلها وقضينا لكنها حفظت بيته لين جاء من الحج .....

تدرون وش سوت يوم جا؟؟؟؟(لحظه بروح اصيح واجي..........ولا اقول لكم هونت خلوا نصيح مع بعض....:icon33:

قامت دهنت وجهها بكركم وسوت نفسها مريضة عشان ما يقرب منها وصارت تونون طول الليل ...

طبعا هو نام لأنه جاي من سفر وتعبان ...بس من راح يصلي الفجر هي هجت لبيت أهلها يوم جا مالقاها لحقها لأهلها وسأل عنها وتطلع له امها وتقعد تهوش عليه وتعلمه بالسالفه :eek:


عاد هو صار يقول فيها قصايد ولا عاد تزوج عقبها لأنه يموت فيها موت :26:


الحسنة الوحيه في الموضوع انهم كلهم حلوين وطالعين عيالهم أقما: :40: !!!!تتوقعون الشبه جاي من حليب البدويه؟؟؟؟

تراني ما اسمح احد يقرا و لا يعلق ..........:22:
يالله تفضلوا........