يوووووووووووووووووووووووووووووووه منكم يا بنات حواء كل هذا بخل ولا في :::::::::::::::

أفا يا قمر 14 لا تزعلين أنا بساعدتج، لأن عندي خبرة في تجهيز شنطة مكياج خالتي مالت العرس.

المهم نصيحة قبل كل شي لا تبالغين لأنج بتملين كل المكياج اللي اشتريتيه بسرعة، وبتنزل ألوان ثانية ... على العموم المكياج ما يستاهل أكثر من 1000-1500 درهم بس وبالكثير..

1. الفرشايات: Make up forever أفضل شي وبتظل عندج طول العمر تنغسل وتتسشور. فرشاية البودرة الحرة، وفرشاية أحمر الخدود، وظلال العيون متوسطة ووحدة رفيعة وايد حق تحديد العين بعد استعمال القلم.

2. الشنطة: من Make up forever على كيف كيفج ، أو أحسن تحصلين شنطة مكياج حلوة مع عرض من العروض. يفضل تكون متوسطة علشان تشيلينها معاج لما تسافرين.

3. كريم الأساس والبودة الحرة والظلال وأحمر الخدود من mac لانه يثبت أكثر من غيره من الماركات.. على فكرة خذي 6 ألون ظلال مثل (الأسود أو البني الغامق، بيج، برتقالي على بني فاتح، والباقي ألوان أنت تحبينها )


4.أقلام الكحل من لانكوم أو اليزابيث آردن (أسود وبني أفضل ) مافي داعي للآيلاينر لأن تحديد العين بالقلم وتعديله بالفرشاه الرفيعة كافي ويعطي شكل أحلى بوايد من الأيلاينر. وممكن تحديد العين بالظلال باستعمال الفرشاه الرفيعة والماي (طريقتي المفظلة).

5. كونسيلر أو خافي العيوب أفضل شي من make up forever العلبة اللي فيها ألوان (بني وبيج وأخضر وتدرجات البيج ) طبعا تعرفين إن البني لتحديد ملامح الوجه مثل الأنف والأخضر علشان يخبي الحبوب الحمرة والبيج على البرتقالي للهالات.

6. ظلال تحت الحاجب، من make up forever وخاصة اللامع الأبيض (واحد يكفي).

7. الماسكارا من جيرلان يفضل سوداء أو بنية.

8. عاقصة الرموش بعد من make up forever.

والحين دور المنظفات..
حسب نوع بشرتج والمكياج اللي أخذتيه ، بس أهم شي، الملك والتونك للإستعمال اليومي، مرطب نهار مع واقي شمس ومرطب ليل مغذي، ماسك مرطب وثاني منظف ومقشر خفيف، ومنظف عيون مع مسكارا وكريم عيون. وبودي لوشن.

العطور، ما بقدر أفيدج ، لأني بس أروح محل عطورات فرنسية وأشتري بعد ما أشم وعطورات عربية أكثر شي.
وأحلى شي ممكن تسوينه أنج تروحين محل عطورات خليجية وتاخدين صينية عطور حلوة ذهبية مثلاً مع علبة ذهبية حق الدخون والعود وعطورات ودهن عود عربي في غراش حلوة ذهبية كرستالية ، وحطي معاهم في نفس الصينية عطوراتج الفرنسية بتطلع روعة.......... طبعاً التنسيق مهم ..
ولما تاخذين العطور الفرنسية خذي معاهم كريم الجسم المعطر وجل الاستحمام والصابون لأنهم يخلون الجسم ريحته روعة والحمام بعد ريحته روعة...........
ولا تنسين تاخذين كم شمعة معطرة للحمام وغرفة النوم (حركات وايد حلوة).
وبعد لا تنسين تاخذين شنطة أدوات الأظافر الصغيرة موجودة في الصيدليات وراعي أنج رح تستعملينها حتى حق ريلج.. أوكي..

وبقولج نصيحة ، في مجموعة شنط تنباع مجموعة(طقم) شنطة مكياج وشنطة مربعة واقفة للكريمات والمستحضرات والمنظفات) تحصلينها عن نعومي للملابس الداخلية.

أدري إني طولت عليج .... بس هاذا العرس وبلاويه........ وايد أشيتء لازم نشتريها........
أتمنى أكون أفدتج.. وأي سؤال أنا في الخدمة...

شكرا لك اختي yes





وين باقي الاخوات؟؟؟؟؟؟؟؟؟؟؟!!!!!!!!!!!!!!!!!!!!!1