بسم الله الرحمن الرحيم
السلام عليكم ورحمة الله وبركاته
خواتي عضوات منتدى حواء
كولوا لي منو مثلي....؟؟؟
فد مره من المرات فتحت النت على صور وطلع لي منظر مقارنه بين صورتين لمنظر طبيعي غايه بالجمال والروعه
واني في قمة التأمل والاستغراق بين جمال المنظر وبين استخراج الفروق
اختفت الشاشه وطله وجه بشع والصوره تقرب وتبعد وعيون حمراء مثل الانوار وضجيج وصراخ مرعب ملأ المكان حولي
وصريت اصرخ بهستيريا وظليت ايام بحالة ذهول حتى من احد ينظرلي ويركز بيه اصرخ لا ارادياً
وصريت من يروحون جهالي للمدرسه وزوجي للعمل اطلع من البيت من الخوف مااكعد بالبيت لوحدي شمكان
المشكله اني شخصيتي شجاعه من كلشي ما اخاف لاقصف ولا موت ولا صواريخ وكلشي من هيج ميهمني
ومن يغيب زوجي اظل بالبيت وياجهالي بكل شجاعه وراحه من كلشي ما اخاف وحته لو اسمع حركه بلبيت اشيل عصا وادور
يعني موووووش جبانه ابدددداً
لكن نقطة ضعفي هلصور ال بالنت
مرت شكم مره على فترات علي صور ونفس حالة الهلع الاوليه ترجع لي واصرخ حته لو جنبي جاهل نايم او حتى مريض لازم هالصرخه تطلع
اقرأ القران الكريم وايات السكينه والمعوذات واندعيت لله انه يزيل هل خوف المزري من نفسي
فد مره احجي وياروحي كلت لازم اقضي عله هاي الحاله المرضيه المزريه بانني ادور عله كل الصور المرعبه هاي واشوفها تباعاً
والناس حواليه وشوي شوي واني بوحدي وشوي شوي واني بغرفه ظلمه لكن للاسف جبنت :44:
المهم اليوم طلع لي باليوتيوب طفل ينطق بسم الله الرحمن الرحيم فتحت اباوع عله وجه ذاك الطفل البرئ ويتثاوب بوجهه الجميل واني مركزه اتنطر شلون ينطق هاي الحلو
وفجأة توسع فم الطفل واسوّد واسودت عيونه همينه وطبعاً وياه الصراخ الموحش
ذبيت الحاسبه ورحيت ركض مالقيت اله ابني لزغير كتله واني ابجي عفيه وليدي ضمني ماما كلش خايفه وذبيت روحي عليه
ابني جان راح يتخبل سم الله عليه
ويكول ماما اني شكد كتلج لااطبين هاي الروابط وراح قفلها للحاسبه وظليت لازكه بيه حته اجا ابوه
ومن اجه واني الزق بظهره واحجي وابجي ويالله بلزور حته هديت ونمت
من مثلي ؟ ومن عدهه حل لهاي المشكله
سندريلا بغداد @sndryla_bghdad
عضوة فعالة
يلزم عليك تسجيل الدخول أولًا لكتابة تعليق.
ورررده
•
,
هي كذا الفجعات اللي تجيك فجأة...تسبب اثر نفسي
لكن خليك مع القرآن بصوت عالي ومسموع ..وهللي وكبري وسبحي بصوت مسموع
وبأذن الله بتروح تدريجيآ بس خلي ايمانك بالله كبير ولا تلتفتي للي صار عشان ما يتفاقم الوضع معك
وكل ما شفتي تفكيرك استسلم للها..قولي بصوت مسموع وعالي (( ولذكر الله أكبر ,,ولذكر الله أكبر ..كرريها كثير ))
وانا انصح بما نصحني اياه شيخي شهاب الدين ابو زهو في قناة الرحمة بـ
قول (( بسم الله الذي لا يضر مع اسمه شيء في الارض ولا في السماء وهو السميع العليم...))
من قالها في الصبح 3 مرات وفي العصر 3 مرات " لم تصبه فجأة بلاءٍ حتى يمسي "
ومساكين هاللي يروعون الناس,, كم من وزر وكم من اثقال راح يشيلونها مع اثقالهم على السراط المستقيم
نامت اعينهم والسيئاتهم تجري جري النهر
الله المستعان
:26:
هي كذا الفجعات اللي تجيك فجأة...تسبب اثر نفسي
لكن خليك مع القرآن بصوت عالي ومسموع ..وهللي وكبري وسبحي بصوت مسموع
وبأذن الله بتروح تدريجيآ بس خلي ايمانك بالله كبير ولا تلتفتي للي صار عشان ما يتفاقم الوضع معك
وكل ما شفتي تفكيرك استسلم للها..قولي بصوت مسموع وعالي (( ولذكر الله أكبر ,,ولذكر الله أكبر ..كرريها كثير ))
وانا انصح بما نصحني اياه شيخي شهاب الدين ابو زهو في قناة الرحمة بـ
قول (( بسم الله الذي لا يضر مع اسمه شيء في الارض ولا في السماء وهو السميع العليم...))
من قالها في الصبح 3 مرات وفي العصر 3 مرات " لم تصبه فجأة بلاءٍ حتى يمسي "
ومساكين هاللي يروعون الناس,, كم من وزر وكم من اثقال راح يشيلونها مع اثقالهم على السراط المستقيم
نامت اعينهم والسيئاتهم تجري جري النهر
الله المستعان
:26:
الصفحة الأخيرة
حسبي الله على من حطها
أستغفر الله العظيم الذي لاإله إلا هو الحي القيوم وأتوب إليه
أستغفر الله العظيم الذي لاإله إلا هو الحي القيوم وأتوب إليه
أستغفر الله العظيم الذي لاإله إلا هو الحي القيوم وأتوب إليه