ممكن بنتك عندها صعوبة في التعلم ..
الصف الثالث المفروض تكتب الدرس كامل وتعرف تقراه اذا مو كله على الاقل تتهجاه وتفهم ..
اذا هيا كذا معناها شاغلها اللعب .. واذا ماتعرف وحافظة حروف بس وتنسى كثير معناها صعوبة تعلم ..
ركزيلها على غذائها ولازم اوميغا ثري .. وعسل عالريق ..
واقري عليها رقية قبل تنام يوميا ..

وعلى فكرة .. كثير الوقت اللي تراجعين فيه معاها .. يكفي ساعة ساعتين ..
وقوليلها من ساعه ٥ الى ٧ بس حندرس والباقي العبي براحتك وشوفيها كيف ..
ومثل ماقالوا الاخوات خليك حازمة ومعك عصا او شبشب للتهديد .. واذا ماكتبتي الحين وخلصتي بسرعه اضربك .. اكيد مو لدرجة التعنيف بس عشان تخاف وتعرف انك جادة والوضع ماعاد يستحمل دلع ..
ربي يصلحها لك وتتغير ان شاءالله..

اولمر توصل من المدرسة غديها وصلت الظهر ونامت لين العصر تصحيها و تخليها تتروش علشان تصحصح وانتي تكوني نظفتي البيت وكل شي ماعندك شاغل جيبيها جمبك لا حركة يمين ولا حركة شمال وبسم الله ابدائي من اول شي كل يوم بيومة مو تطارديها من مكان لمكان وطول الوق ذاكري ذاكري
لا جمبك من دون تحرك لين تخلص مذاكرة واخر شي تكتب الواجبات
اسسيها تمام علشان ما تتعب
والله المدارس الحكومية مررررة تجنن ما شاء الله تبارك الله بناتي خلصوا صف اول ابتدائي ومنطلقات بالقراءة والكتابة ولا درستهن تمهيدي ولا روضة بس اني متابعة لهن وبالاجازة احفظهن السور الي عليهن بقدر استطاعتي علشان استغل الوقت بالمذاكرة والقراءة لانه يخلص وقت المذاكرة بالحفظ معا بتحصلي فرصة تدرسيها وشجعيها كثيرررر وجبتي لها هدايا واتصلي ع ابوها وقت ما تجاوب ما شاء الله بنتك شاطرة وامك وخواتك امدحيها قدامهم تتحمس كثيررررر

خلاص خليها براحتها لاتضغطين عليها
حرام عليك من ٢لين ١٠ حتى انتي يجيك ضغط ونفسيه من طول الوقت
مصيرها تغلط وتتعلم من اخطائها
اللي عليك سويتيه
والمعلمات اشوفهم السنة ذي يؤفرون بنتك ماحلت بنتك مافهمت خلاص تعاملي معها بالدرجات يااستاذه احس صارو يبغونا ندرس معهم حنا الامهات نلحق ع ايش والاايش بالبيت

ليه كل هالضغط حرام تعقدينها ماعليك منهم درسيها بالمعقول زي منتي شايفه وبس ألزم ماعليك صحة بنتك النفسيه ماهم نافعينك ماهي بنتهم ترى بعض المعلمات يبالغون وهي تكون نفسية أنتي أبخص ببنتك وانتبهي لاتضغطين عليها وعادي خليها تلعب بالمعقول أنتي أمها وأعرف ببنتك نفسيتها أهم من الدنيا ومابها انتبهي لو تغيرين المدرسه

جيبيلها معلمه بالبيت تأسسها بنتك يبيلها متابعه وطولت بال ماعليه اتعبي معاها الحين لأنها بسن تأسيس والمعلمات بالمدرسة ما يأسسون
صاحبتي المسكينة ندمت إنها ما أسست بنتها تخيّلي وصلت سادس ما تعرف تقرأ وخطها مومفهوم ورسبت بمادتين