الله بعينها
ظهور الاسنان متعب وما يتحسن صحة الطفل
الابعد اكتمال ٢٠ سن له وقت ظهور الاسنان تتوقف المناعه
لان الجسم يتعب منها
خلي اختك تدفيهم كويس
من باب رؤيتي الرضاعه الطبيعيه مناعيه
بس كثييييير اطفال يرضعوا طبيعي ومرضهم كثير
راجع لتغذية الام و اهتمامها فيهم
يعني تعطيهم بارد غلط ما يتحملون
فيه لحميه خلاص تقطعين البخور ومثيرات اللحميه
مثل الغبار وغبار الطلع وقت الهوا القوي
والعطور القويه حتى ماتشم عليها
السيراميك جدا سيء للاطفال اسهال والام بطن وبروده
تفرشه موكيت افضل
الشغله يبيلها صبر مع الاطفال الله يعيينا على تربيته

كمان توديها استشاري انف واذن وحنجره
ممكن اللوز تعبانه تحتاج تنشال
او عندها لحميه بانفها
او مويه ورا الطبله بالاذن
وكلهم امور تنحل

أختي أحترم كل نصايح الأخوات لكن أنا مثلك عانيت الموضوع وبدون أسباب كان يصير


لا بنتي تسنن ولا أنا ألبسها قصير ومشلح ولا بيتي سيراميك ولا أقصر في الاهتمام .. بس كانت تسخن وحرارتها وصلت 42 .. ونوموها حوالي 6 مراات في سنة وحدة يعني كل شهرين تنويم .. والقصة بدت من عمرها 6 شهور .. وظلت تتكرر لحد ما صار عمرها سنتين ..
والأسوء ان اختها الثانية جاتها نفس القصة ونامت في المستشفى بعمر 4 شهور ورجعت نامت بعمر 6 شهور ..


وفي الاخر الدكاترة ما يوصلون لحل .. وماله علاقة التطعيم لأن الاولى كنت أطعم على الوقت ..
المهم أنا اللي اتبعته استراتيجية رفع المناعة عند البنات .. طبيعي عمر سنة ما أكلت حلويات ولا ذاقت غير المهروس وعمر 6 شهور على حليبي ..


في البداية اللي كملت سنة قمت أذوب لها عسل في ماي دافي وأعطيها .. ومن كملت الثانية سنة لحقتها واليوم العسل بالماي الدافي على الريق أساسي في بيتنا
الشمس .. صرت أطلعهم حتى لو قدام بابي العصر .. أخليهم يلعبون .. الشمس ترفع المناعة وأنا مشكلة بيتي الحالي ان صالتي ما تدخلها الشمس واعتقد هذا هو سبب مرض البنات
وقفت المطهرات ,. كنت أطهرهم كثير وأبالغ .. بس شفت وحدة في يوتيوب قالت ان المعقمات تضر اكثر مما تنفع .. وقفت محارم الديتول ومطهرات الايد وقننت استعمال مطهرات البيت قاتلات البكتيريا
اوديهم الحديقة .. جنب بيتي في حديقة صغيرة تقريبا يوميا امشي معاهم للحديقة .. وفي الشهر مرة اوديهم للمزرعة .. علشان يتعايشون مع الاشيا الطبيعية
منعت السكر في أكلهم إلا أقل القليل وأعطيهم عسل بداله لو احتجت
ما أعطيهم شاي بحليب .. استبدلته بحليب وكركم وعسل ..