ههههههه ،، ياحلوها
ما فيها الا العافيه

كل اللي قلتيه اشياء طبيعيه
وانا بنتي اصغر منها ومأذيتني وبس تبي تحوس وتخرب
لكن اقول الحمد لله انها طيبه

كل الصغار يحبون ياخذون اشياء الغير ، بالعكس انا اعتبرها نقطة ايجابيه لان فيها قوة لما تكبر ماترحمينها تحسينها ماتقدر تاخذ حقها بنفسها
لكن انتي بهدوء علميها ان هذا الشيء مو لها واطلبي منها انها هي ترجعه لصاحبه
ومرة مع مرة تفهم انه مو لها وماتصير تصيح


رووووقي وادعي الله يعينك عليها

اما عن كرسي السيارة اكيد بتمل منه تخيلي نفسك مربطة طول المشوار وهي كبرت فصارت تفهم ان هذا الشيء ممل





تقدرين تخففين من شقاوتها انك تشغلينها
لاحظي وش الالعاب اللي تشدها
حتى لو خصصتي اي غرفه بالبيت تخلينها تلعب فيها بالمساند او تحطين لها علب بلاستيك من المطبخ
لاني لاحظت ان بنتي تحب هذي الاشياء اكثر من العابها

الشيء الأهم مايصير تطالبينها بشيء ماتقدر عليه
خلاص هذي طبيعتها ، ليه غصب بتغيرينها
زي لو انتي تحبين المطاعم او السوق وجاء زوجك قال لازم تتغيرين!!!!
تحمليها واستعيني بالله

ماشاء الله الله يحفظها لك
حبيبتي توقعتك بكريه هههههههه دايم تحسون إنه هالحالات غريبه
بالعكس مره ماشوف شي غريب وغير طبيعي أغلبية الأطفال مثل بنتك ماشاء الله
شي طبيعي كل مايكبرون يتعفرتون ويبدأ فررررض الشخصيه ع الأهل
بس إنتبهي لهذي النقطه عوديها ع النظااااام بالغصب حتى لو بكت وصرخت
لاتلينين لها مثلا بالسياره خليها تجلس بالمقعد الخاص فيها تبي تعترض
وتصارخ وتسوي المستحيل وإذا شافتكم مطنشينها تبي تبطل هالعاده مع الوقت !!
وبرضو بالعربه نفس الشي ممكن تنزلينها شوي تغير جو وتتحرك وتفرغ طاقتها
بس بعد كذا رجعيها وخليها تبكي ياما سمعنا بكاء للأطفال بالأماكن العامه
يفقعون روسنا بس ماعليه يتعلمون ع النظام ومع الوقت إذا شافت
إنكم حااااازمين خلاااااااص بترضخ للأمر الواقع ....
من تجربه أقول هالكلام وخبره بحركات الصغار الله يصلحهم
بس حبيبتي بنبهك لشغله إذا كنتي بالبيت مشغوله إصحك تخلينها تسرح وتمرح
وتاخذ رااااحتها بعدم مراقبتك لاتنسين إنه بهالعمر يصير عندهم فضوووووووول
لكل شي إشتري لها محبس وإذا آنشغلتي عنها حطيها فيه
ولدي لما كان بعمرها بعيد الشر عنها غبت عنه دقااااايق وأنصدم إنه حارش التلفزيون
وطاااح عليه وبغى يروح فيها لولا لطف الله !!!!!!!!!!
ومن بعد هالحادث الله لايعيده على أحد طواااالي شريت له محبس وهالنقطه جدااااا
مهمه لاتتهاونين فيها ودايم إستودعيها الله والله خير حافظ
والتربيه تحتاج لصبر وطولت بال ياعمري الله يحفظها لك ويرزقك برها

بتكبر ان شاء الله وبتخف شقاوتها كثير خصوصا انها بنوته وانتى وشطارتك لهيها بشي تحبه

ههههههه لما قلتي تفضفضي حسبتك ان فيك مصيبه لاسمح الله


وضعك فوق العادي يعني بنتك ماشاء الله طبيعيه جدا احمدي ربك ياقلبي لاتتشكي كثرة الشكاوي تجيب الهم

وتقصر بالعمر احمدي الله في بعض الامهات متعزرات بالمستشفيات واولادهم مو بالدنياء

العبي معاها كثير لاتصيري صارمه حرام البنت صغيره وعادي بناتي اشقى منها دبلات وراضيه ومبسوطه دام بعافيه

ربي يخليها لك

الله يجزاكم خير يارب

وفعلا الامومه شي متعب جدا جعل امهاتنا ب الجنه يارب