كوبونات الراقية تسجيل الدخول

في مكاني هدوء

يَ بنات حواء جيتكم و كلي قناعه بحلولكم .. ممكن طلتكم شوي !

الطالبات •

السلام عليكم و رحمة الله و بركاته ..

شحالكم يَ عرب .. ان شاء الله تمام

توني قارية كم موضوع عن حب الطالبة لمعلمتها و كانت بعضها حب في الله و البعض اعوذ بالله ...لا اله الا الله ..!

بس انا ما لقيت الحالة اللي عندي خخخخ

بقولكم القصة ..

الله يسلمكم طبعا قصتي من قصص المراهقة الجميلهه ..

انا من بنات الثانوية ، احب معلمة الرياضيات و اموت فـ أسلوبها و شرحها و الروح المرحة اللي تملكها ، و كنت ارتب كراستي و ابذل كل طاقتي مع مراعاة تفوقي في جميع المواد و الحمد لله النسبة امتياز ..^^

و كنت من كثر اهتمامي ف كل مادة كنت اتعب و اسير و اسأل و كنت احب جميع معلماتي ، لدرجة كنت ف نظرهم قمة الاخلاق و الذوق و اللباقة ..فديتني والله

و في مرة من المرات و انا ف غرفة الرياضيات عشان استفسر من الابلة ، كانت في ابلة دوم تشاركني الحديث مع معلمتي ، و كنت استانس بردودها ، لأني اصلا احب الناس المرحه مثلي خخخ

و مرت الايام ، و كنت ارسل لها كلمات أنيقة جدا مثل أكتب روف اسمها و اترجم كل حرف بجملة حلوة ، و عرفتني و صارت بيننا ميانة و هيك سوالف ، بس انا كنت اتواصل وياها بشكل يومي بس بالمدرسة ابد ماقدر اجوفها و المعلمة ما تدرسني ، بس و ربي عسسل اسلوبها ، و قلت لنفسي يا بنت شكلج حبيتيها بالله من كثر ما تطري ع البال ، و كنت ادعي لها و ربي ..

بس في مرة صار موقف اني عصبت من طالبة هالمعلمة تدرسها ، و حسيت انها مهتمة فيها زوود و انا ممجرد شي تتسلى فيني .. يعني ما اخبي عليكم انه المعلمة هذي تحب تسولف وياي و تتغشمر و ميانة يعني ، حسيت بمكانتي من اسلوبها وياي .. و هالشي خلاني اعصب و قالت لي " انا ما اميز بينج و بين هالطالبة" انحرجت من الخاطر ..

ادري اني طولت وياكم ، و اتمنى قريتو كل كلامي بتمعن ، و خبروني وين محل غلطي في سالفة حبي في الله لها .. صدقوني مع اني دوم افكر فيها ، ابد ما صرت اهمل دراستي .. بالعكس انا اهتم و هي تهتم لي و لدراستي و تسأل عن دراستي .. بس شكييت .. مع انه حتى الكلام اللي اطرشه لها و اللي هو عبارة عن ادعية و احاسيس حب تجاهها ، ما اشعر بالذنب .. لأنه نيتي صافية و هي اني احبها مب عشان جمالها مع انها عسسل و لا عشان اسلوبها و اسلوبها مثل ما قلت لكم روعة و لا عشان اهتمامها فيني ..

الحب من الله .. و صارت المصادفة و حبيتها .. مع انه لا تدرسني و لا هم يحزنون ..

الحينه شو رايكم .. و اتمنى تاخذون كل شي بعين الاعتبار ..:2thmup:


اتريا نقدكم و ردكم ع الموضوع
1
893

يلزم عليك تسجيل الدخول أولًا لكتابة تعليق.

تسجيل دخول

في مكاني هدوء
في مكاني هدوء •
حابة اقولكم شي ..انا استحي اجوفها ، يعني من امر من جانبها صدفة ما اطالعها ، و احيانا تجوفينها تضربني بالمزح يعني ، و تتنقد مثل : اسفرت و انورت .. هيك يعني كلمات ..

الصراحة احس انها روعة المعلمة و اححبها ، و مافيها شي .. ليش سالفة الحب بين الطالبة و المعلمة خطيرة لهالدرجة !