السلام عليكم ورحمة الله وبركاته

هذي مجموعه من الادعيه

للمقبلين على الزواج والمتزوجين ايضاً

**اللهم يا مالك الملك ملكني قلب من أحوجتني إليه فأنت تقدر ولا أقدر وتعلم ولا أعلم وأنت علام

الغيوب، وأشلل خيمة قلبه وأصلحه لي وأجعله لا يرى أحدا غيري ، اللهم أصلح بيننا ولا تجعل بأسنا

فيما بيننا وأجعل بأسك على عدوك وعدونا اللهم أفتح لي قلوبا غلفا وأعينا عميا وآذانا صما...


**اللهم أستر عنه عيوبي وأستر عني عيوبه وأظهر له محاسني وأظهر لي محاسنه ورضني بما

رزقتني وبارك لي فيه ...


**اللهم ألجم فاه بكلمة لا أله إلا الله وأسكن غضبه بلا حول ولا قوة إلا بالله ..


**اللهم أرزقني حنان الزوج والولد ومالا حلالا بلا عدد وقراءة القرآن إلى الأبد ..


**اللهم لك الحمد ولك الشكر كما انت اهل له وكما ينبغي لكريم وجهك عزوجل

إذ يسرت لي هذا الزواج..

**اللهم اجعله لي قرة عين وعوناً على طاعتك اللهم اجعلني له سكناً وعلية ناصية مباركة..


**اللهم حببني اليه وحببه إلي وارزقنا الذرية الصالحه التي بصلاحها صلاح ديننا ودنيانا..

**اللهم ابعد عنه النساء الضالات المضلات صويحبات يوسف.

**اللهم ألف بين قلبي وقلوب أهله برحمتك يا أرحم الراحمين..

**اللهم سخر لي زوجي تسخير العبد لسيده..

**اللهم يسر اموري معه واصرف عني شرة وأقنعني به وأقنعه بي..

**اللهم اجعلني في عينه كبيرة وفي عيني صغيرة ..


**اللهم افتح بيني وبين زوجي واهلي وانت خير الفاتحين..


**اللهم ياجامع الناس ليوم لاريب فيه اجمع بيني وبين زوجي على خير..


**اللهم اجعلني له كما يحب واجعله لي كما احب واجعلنا لك يارب كما تحب..

**اللهم اجعل قلب زوجي معلق بحبك وبحب نبيك ثم بحبي..


**اللهم ياولي نعمتي وياملاذي في كربتي اجعل نقمته علي برداً وسلاماً كما جعلت النار برداً وسلاماً على ابراهيم..


**قــــــراءة ســــورة الــزلزلــة..

قبل ليلة الزواج اكثري من قول

**(اللهم أجعل تلك الليلة بردا وسلاما على قلبي وانزل علي السكينة

وتغشاني برحمتك ياارحم الراحمين..)


في نفس ليلة الزواج تقولين نفس الدعاء مع استبدال كلمة (تلك الليلة)

بقول(هذه الليلة)



لكن ماننسى طاعة الزوج في غير معصية الله

مع الاكثار من النوافل وقرائه القرآن

طبعا نحاول اننا مانتخلى عنهم حتى بعد الزواج


مع امنياتي ودعواتي القلبية لكي بالتوفيق والاستقرار في حياتك الجديدة...

لاتنسوني من دعواتكم الطيبة ^_^

السلام عليكم ورحمة الله وبركاته ..

هذا موضوع قرأته في أحد المنتديات واعجبني قلت أنقلة للمقبلات على الزواج ...


الموضوع كما قرأته .....



هلا والله وغلا بالعرايس الحلوات

قبل مابدا في كلامي لكم مني هالزغروطه الحلوه

وللو وش
الف الف مبروك

×××××××××××××××××××××××××××××× ××××

ياغاليه ليه خايفه هذي ليلتك لازم تفرحي فيها وتعيشيها بكل لحظة بحلاوتها

والله راح تندمي علىوال الاستهبال والخوف والهباله وانك ماشفتي شي في عرسك

والدموع اربع اربع..والمكياج خربان.. والحاله حاله

×××××××××××××××××××××××××××××× ×××

راح احكي لك قصتي مع زواجيانا توني عروسه قدلي 3 شهور من زواجي

وأخذت على نفسي عهد اني اخف على كل عروس خوفها من يوم الزواج

السالفه ومافيها.....

أنا ياحلى عروسه من النوع الخجول والخوافه من طاري ليلة الدخله
ولما خطبني زوجي(لاحرمني الرحمن منه) طبعا هو ولد عمي ولما جا عندنا عشان يشوفني في النظرة الشرعية

الله لا يوريكم وش صار فيني!!!!!!!تعبت وسخنت ومرضت ولانمت هذاك اليوم وكل اشوي اكتم عبرتي وحالتي حاله

وكانت امي تقول (الله يعينا عليك يوم زواجك وش بتسوين فينا!!!)

ويوم جا ودخل وشافني النظرة الشرعيه حسيت وانا جالسه بنوع من الراحه والاطمئنان فقلت في نفسي(ياه بس كذا؟؟!!)يعني شي عادي بالعكس حسيت براحه نفسيه

وتم تحديد الزواج 3 يوم في العيد وكل ماقترب الوقت الموعود كلما زاد الخوف اكثر واكثر

وبعدين قلت لنفسي...يابنت الحلال كم مره في حياتك بتزوجين؟؟؟وليه تخربين فرحتك بهلاخوف اللي مال امه داعي بس يعدم بشرتي بالوان الحبوب ويعدم شعري ويصير شكلي ماله داعي يوم الزواج وبعدين من يضمن لي اني باعيش لهذاك اليوم اخرب حياتي في شهور عشان خاطر ليله وحده؟؟؟وحده متفائله

فطريقتي لتجنب الخوف من ذيك الليله قمت بالتالي:

1)تركت التفكير في هالموضوع نهائي..صحيح انه يجيني هالتفكير لكن بسرعه اطرده اروح الهي نفسي اسولف واضحك اشوف اغراضي وش ناقصني

يعني الهي نفسي بنفسي

2)ان جيت افكر في يوم زواجي اخلي تفكيري ايجابي يعني اقول لنفسي يابنت الحلال كم مره بتزوجين؟؟انتي ملكة هذاك اليوم انتي نجمة الحضور الليله ليلتك انتي لوحدك الحمدلله (ماشاء الله لاقوة الا بالله)


3)وهو الاهم والاساس:

كنت محافظه على هالدعوه والله يابنات ان شفت نتيجته بعيني ولله الحمد

(اللهم أجعل تلك الليلة بردا وسلاما على قلبي وانزل علي السكينة وتغشاني برحمتك يارحم الراحمين..)

وحتى يوم الزواج في كل سجود ادعي بهالدعوه والله يابنات ان اهلي متفاجئين فيني ماتوقعوني شجاعه بهالطريقة (ماشاء الله)
يعني اخر ايام رمضان وفي العيد جالسه اضحك واسولف وفعلا راح الخوف نهائي ويسألوني البنات هاه كيفيك خايفه؟؟؟اقول والله ماحس بشي كأني بروح أحضر زواج وبرجع يعني مافيه ذاك الخوف اللي كان فيني قبل مادعي بهالدعوه!!!

حتى يوم الزواج طوال ماني عند الكوفيراعادي وكل ماحسيت بريحة خوف قمت استغفر ونصحتني الكوفيرا جزاها الله كل خير قالت لي خذي نفس عميق واستغفري الله

ولما خرجت من المشغل وانا في الطريق ازغرط لنفسي واستهبل

واول مادخلت القاعه الا وانا اضحك مع اخواتي واسولف واكركر ولله الحمد

واهلي متفاجئين فيني وتيسرت الزفه على احلى مايكون

ولما قالوا يالله لمعت عيني بدمعه صغيره (حلوه لمعت )والسبب اني ماشفت امي طوال هذاك اليوم
وحزت في خاطري اني اطلع وماشوفها وقفت وقلت والله ماطلع لين ماتيجي امي

وشفتها جايه وقمت اسوي فيلم هندي حركات ودموع قالت امي(أقول الله يستر عليك ياليتني في هالليل عروس واروح مع زوجي الفندق اقول روحي بلا خبال قدامك باذن الله ايام حلوه)وسكت وركبت السياره واحس بان نسمات من الحرمه تنزل علي واحس بسكينه ماحسيت فيها بحياتي(ماشاء الله لاقوة الا بالله)

حتى لما دخلنا الفندق احس بالامان

ولساني وقتها مافك الاستغفار وهالدعوه(اللهم أجعل هذه الليلة بردا وسلاما علىقلبي وانزل علي السكينة وتغشاني برحمتك يارحم الراحمين..)
وبكذا انتهى حفل زفافي وانا مستمتعه فيه لحظة بلحظة ولله الحمد
ماشاء الله
×××××××××××××××××××××××××××××× ×××××××××××

نصايح سريعه:

الله الله بالاذكار لا تنسونها

حصنوا انفسكم زين ترى العيون الجيعانه موجهه لكم

ولاتدمرين نفسك هذا اهم شي

**********************

حاولي في زواجك ان مايكون فيه ميوزك خاصة زفتك عشان ماتبدأي حياتك بمعصيه ويبارك لك ربي في هذيك الليله

*****************************

لاتنسين تصلي العشا في وقته لانك اذا ماصليتيه عز الله مابتصلينه الا مع الفجر

****************************** **

راح تنتظرك ايام جميله باذن الله عيشيها لحظة بلحظه

*************************

والله يوفقكم ويسخر ازواجكم لكم ويرزقكم الذرية الطيبة الصالحه

أتمنى اكون افدتكم

ولكم حبي وتقديري

بالنسبه لترتيب الشنط
اتبعي بعض هالنقاط التاليه ..





1)) اشتري الشنط اللي راح ترتبين الملابس فيها بأحجام مختلفه ( شي مخصص لملابس الطلعه وشي للميك اب وشي للجزم ... وهكذا) وخلي شراء الشنط بعد ما تنتهين من كامل التجهيز.
2)) اشتري من الاكياس اللي تنحط فيها الملابس ولها سحاب ( مثل حقت فستان الزفاف او البعض يشترونها عشان يعلقون الملابس الفخمه عندهم بالدولاب بدوزن ما تخرب ) يعني لها علاقه وبتلا قونها في اكيا باسعار حلوه .
3)) خصصي لك يوم كامل لترتيب الشنط وممكن تعزمين صديقتك المفضله او كذا صديقه لك عشان يرتبونها معاك وتتسلو فيها ويفضل قبل الزواج بمده كافيه لسببين عشان ترتاحين من التجهيز وتتأكدين انو خلاص ما بقي على التجهيز شي وتتفرغين لاشياء ثانيه ثانيا عشان تتركينها فتره فما تملين منها وبعد الزواج اذا شفتيها تتذكرين ايام التجهيز صدقيني بتحنين لها الايام.
4)) ممكن قمصان النوم والملابس الداخليه ترتبينهاترتيب خاص مثل تشترين اقمشه اورجنزا او تل بنفس الوان قمصانك وتروحين الخياط وتخيطينهم مثل شنط العبايه يعني مربع مفتوح فقط من جهه واحده وترتبينهم داخلها كل قميص مع اللون اللي يطابقه وتنثرين جواتهم ورد مجفف ولا تنسين تدخلينهم قبل ما تعطرينهم وتكوينهم ,,
5)) اما طقوم الملابس الداخليه ممكن نفس طريقه القمصان او انك تشترين لها علب هدايا(بحجم الكتاب الكبير) بالوان جميله وتعطرينهم وترتبين كل طقم في علبه خاصه .
6))بالنسبه للعطورات اول شي تفكينهم من كراتينهم وبعدين تشترين لك صندوق خشبي وياليت لو يكون ارتفاعه مو عالي مره ومساحته كبيره شوي وتشترين قماش حرير وحطينه بداخل الصندوق بشكل عشوائي وترتبين العطور بالداخل يعني تسدحينهم برضوه بشكل عشوائي وممكن بالنهايه ترمين عليهم فصوص او كرستالات .
7))ممكن الشنط تخلينها بس للملابس الرسميه وما تشترين باقي الطقم وتشترين علب هدايا من الاحجام الكبيره وترتبين فيها اغراضك .


ملاحظه .. اذا بتروحون للفندق جهزي لها شنطه خاصه ( اذا تبون تفصيل ما عندي مانع ) بس اهم شي خلي عندك مبلغ من المال في السفر يمكن تحتناجينه لو صار شي لا سمح الله واذا بتطلعين برى الدوله لا تنسين ارقام السفارات وارقام كل اهلك بنوته خاصه وبالجوال احتياط والله يوفق الجميع
8)) الفكرة في بالي وبسويها وكل وحدة تسويه بطريقتها بقولها لكم دحين :
اهو الله يسلمك صندوق كبير شي او متوسط الحجم يتزين بالورود او باي طريقه يفضلونها وينحط في النص المصحف الشريف وعلى جنب تحط كتب ومطويات من الصغار فيها ادعية واذكار واحاديث وعلى الجنب اشرطة محاظرات دينية واناشيد دينيه واشرطه القران تشتري للقاري اللي تحب صوته وترتبها باسلوبه ويروح مع الشنط لمن اهلها يودونها وتحطه في غرفة الجلسة اللي فيها التلفزيون والمسجل واذا كانت تشتغل تتسمع عليها او تقراها اذا كانت فاضية..
وبعد في ايام شهر العسل تكون في شنطتها بعض المطويات الصغيرة اللي فيها ادعية واذكار لا مو طول الشهر واهي تسولف معاه بتجي لحظات تتقرب فيها من ربها تكون معها احسن..



الاشياء اللي لازم تسوينها قبل زواج بيوم


اول راح اتكلم عن اسبوع قبل الزواج. تكثفين العنايه بجسمك وبشرتك وشعرك من خلال الخلطات والترطيب الدائم للجسم والاكثار من العصائر.
قبل الزواج باسبوع تقصين شعرك وتصبغينه لان اللون يحلو اكثر بعد مرور اسبوع وخاصه الهاي لايت وعشان يمديك ترطبينه بعد الصبغه بالزيوت وحمام الزيت .
قبل الزواج بيومين ( يعني اذا زواجك الاربعاء يكون الاثنين تروحين للمركز وتسوين حواجبك تشقير طبعا وليس نتف +بديكير ومناكير +فتله للوجه او شمع او تشقير + تنظيف بشره + حمام زيت للشعر
وروحي من بدري عشان يجي المغرب وانت خالصه .
بعد ما ترجعين تكونين متفقه مع وحده تجي تشيل لك حلاوه وتنقش يدينك.
اليوم اللي قبل العرس..
الحمد لله انتهيتي من التجهيز ومن نفسك وفعلا راح تحسين انك عروس ونظيفه ونضره

1) حاولي تصحين بدري لعل وعسى تنامين باليل بدري
2) صلي ركعتين واقرأي القران وادعي بكل شي نفسك فيه
3) اليوم يوم راحه المفروض كل اهلك يخدمونك لا تجلسين فاضيه عشان ما تفكرين كثير اعزمي صديقاتك اللي تمونين عليهم عشان يقضون اليوم كله معك.
4) لا تنسين الاسترخاء وبدل ما تشغلين موسيقى شغلي قران
5) ممكن تروحين مطعم رومنسي تتعشين فيه او كوفي شوب المهم ما تفكرين كثير عشان ما يجيك قلق وتوتر .
6) لو اتعبك التفكير تذكري انه ماله داعي الخوف لانه احلى يوم بيمر عليك وتذكري انها ساعات قليله وتمر وتبقى ذكريات حلوه ان شاء الله .
7) لو ما جاك نوم بالليل بدري على طول وضوء + صلاه + دعاء ( بنات كثرو من الدعاء يمكن ربي كاتب انك ما تتوفقين او يصير شي يخرب العرس وبدعائك يتغير القدر لان الدعاء والقدر يتسابقون الى السماء واذا سبق الدعاء القدر يزول القدر )

عرايس مبروك التجمع الجديد وبتوفيق للجميع وعقبال العزابيه

السلام عليكم
مبرووووك التجمع الجديد يا عرايس وانا متابعه لكم دايم
والله يوفقكم في حياتكم

ادعولي يتحدد زواجي وانضم لكم قريب��