ياحبيبتي الله يعطيك ويعطينا
انا سليمه يااختي وزوجي كانت معه مشكله بسيطه بس سبحان الله الان تعقد الوضع وصار لازم يتعالج وعملت كل شي
من حجامه الى تمرخ الى عمليات بس الله ماكتب
وش أقول انا عمري 32 وش بقى بعد كلها كم سنه..
خوياتي أطفالهم بالمدرسه وحتى اللي تزوجو قبلي وبعدي كلهم الحمد لله معاهم أطفال انا جاتني فتره كل كم يوم اتهاوش مع زوجي وطول الوقت ابكي وكل قهري ارميه عليه لانه السبب مع اني اشفق عليه وأقول لو انا مكانه وانا فيني شي كان هل بيصبر او بيتخلى عني
وبعد فشل اخر عمليه تغيرت تماما نفسي من داخل كل شي فيها تغير مهما يأست وبكيت ارجع أقوم قويه انصحك اول حاجه تسويها تغيري اسمك هنا لا تخلي كل حياتك وسعادتك بطفل تتمنينه ماتدرين هالطفل وش مصيره يكون بار فيك او لا
انا كل مادعيت وتقربت من الله زاد رضاي واقتناعي بأن لكل شي حكمه انا عندي رحله طويله مع الصبر تأخر زواجي والان تأخر حملي بس ما يأست اكيد الله بمن علي بيوم
والناس نفس الحاله كلنا نمر بهالمواقف اخر موقف من أبو زوجي ادري مايقصد والله بس وده يشوف عيال ولده بسرعه احرجني قدام الكل بس عملت نفسي مو سامعه وزوجي رد على ابوه وماسكت وش أقوله أقول انا مافيني شي والسبب ولدك اكيد بسكت انا مافي حد من اللي حولي يعرف بكل العمليات ومن من السبب مستحيل انتقص من مكانه زوجي .
الحمدلله على كل حال ربنا يعطيني ويعطيك وكل محروم قادر على كل شي
الصفحة الأخيرة
اسال الله ان يرزقنا وياكم وكل محروم باللي يفرح قلوبنا به