٧٢ ساعة رعب متواصل بسبب سلفتي

سلفتي سورية
ماشافت اهلها من يوم ماصارت الثورة ببلدهم من ٨ سنين مع انها كانت متعودة تنزل مع زوجها بالاجازات يقضونها هناك
قدمت زيارة ل امها وابوها كثير ولا وافقو ابدا
هذي السنة اعتقلو اخوانها ٢ شباب وماتو بالسجن تحت التعذيب وجن جنونها صارت تبغى تنزل وزوجها رافض وبعد هوشات وتطمين ان الوضع مستقر قرر ينزلها اسبوع بس تشوف امها وترجع بدون عيالها لانهم حاملين للجنسية السعودية
توكلت على الله ونزلت للاردن ومن الاردن خذها اخوها على الحدود ودخلو ومن بعدها انقطع الاتصال فيها مع انها من قبل كانت تتواصل معاه كل ساعتين
يومين كاملين وماندري وين اراضيها وكل مايتصل زوجها الجوال مقفول
حتى اتصل على اهلها قالو له ماوصلت لا هي ولا احوها ولا ندري عنهم بشي
وكلنا قعدنا بهم وتوتر واكثرنا زوجها وعيالها اكبرهم عمره ١٤ سنة
اليوم الحمدلله لا رجع الاتصال فيها وطلعت موقوفة مع اخوها تحقيق عند المخابرات
واتصلت على زوجها الصباح تبكي اول ماوصلت هي تركوها واخوها خلوه عندهم ولا تدري وين اخذوه اخوها اختفى هو الثاني 😭😭😭