أذكر زمان أبوي ودانا للعمرة ومعانا جدتي وفي المسعى أخذنا لها عربية وطبعا اخواني صغار في الابتدائي ويتخاصمون من اللي يدفهاوكانوا فوق على الصفا وبعدين فلتوا العربية ودحدرت جدتي وفزع لها واحد مصري الله يجزاه خير ومسكها وابوي يوم شاف الموقف راح كفخ أخواني ودفها أبوي لين خلصنا الله يقبل ذيك العمرة اللي كلها ضحك وهواش

هههههههههههههههههه أتخيل جدتك والعربيه تسوقها الحمد لله اللي أنقذها المصري ولا صدمت ,,, يسلمووووو

بنت عمي راحت عمره بعد غزو الكويت بفتره وكان ولدها عمره خمس لما راحوا يطوفون يسمع الناس تكلم صار ينشد صدام لاتحسبن الحرب تجهلنا بكل ماؤتي من صوت متحمس الكل فطس عليه من الضحك

تخيلوا وحده اعرفها مره راحت الحرم واخطبتها وحده لولدها وزواجها ان شاء الله بعد شهر

وطلع هالحرمه كل ماجات بتخطب لعيالها راحت الحرم وكل وحده منهم من قبيله هههههههه


........................................

افتكر موقف لي وانا صغيرة 6سنين عند الطواف كانوا في نيجيريات رجال وحريم يحبون على يدينهم ورجلينهم المهم وتجيك امي بتطوف وتمسك يدي بقوة وداعسه مع ابويه في الطواف يوم طالعت فيه والا انا منسدحه فوق ظهر النيجيري وهويطوف

الموقف الثاني بعد الزواج بعد ماطفنا وسعينا قال زوجي اجلسي في المسعى وخلي الولد معاك كان ولدي عمره 2 المهم جلست وجلست ولدي في طرفي وفتحت الشنطه بعطيه حلوى والا وذيك الحرمه من جنسيه عربيه جايه جري عليه وترمي في حضني فلوس وانا ارجعها لها وهي مصره الا اخذها وتجي الثانيه وراها نفس الحركه والله جلست ابكي واخذت الفلوس ورميتها جنبي يوم جاء زوجي قال يالله مشينا واقوم والا هو يقول يالخبله فلوسك طاحت من الشنطه والا وانا صياح انفجع وعلمته بالسالفه وجلس يضحك واخذالفلوس وتصدق فيها بنية الحرمتين