سعوديه ذوق النروييج بلد اكثر من رائع انصحك فيها سوي بحث بالعرب المسافرون اتذكر في تقرير لعضو بس ناسيه اسمه


ام يارا اسعفيني بجدولك وهل تكفي الميزانيه

اختي انا مين انا كان جدولي للسفرة الاولى كالتالي :

اول شيء سفري كان بستمبر مو موسم ورحت يومين فيينا ...ويومين كابرون و3 زيلامسي

ويومين بسفيلد و3 بسالزبورغ ويومين فيينا للرجوع للوطن..

بس انصحك ببرنامج احسن من برنامجي كان فيه اخطاء ..دام اول زياره افضل لك تحجزين ع ميونخ

وتقعدين يومين وبين ميونخ وزيلامسي حق ساعه ونص يعني بعد ميونخ روحي يومين زيلامسي

فندق ع البحيرة و3 بكابروون وممكن يومين في سالزبورغ او تزورينها من كابرون قريبه وتختاري

منطقه ثانية مثل انسبورك مثلا او تروحي ع فيلاخ وتقعدي يومين وتقدري منها تزوري فينيسيا

قريبه حدود ساعتين ونص ..

انا الفنادق اخترتها بعناية في المره الاولى وتنقلاتي بالنمسا والمانيا وبعد استاجرنا سيارة وفنادق

زيلامسي وكابرون عطونا بطاقات التخفيض والله ندخل مجانا والاكل طحنا بالمطاعم التركية وبكابرون

عند وحده مدري قالو بوسنية او مكسيكية مدري بس اكلها عجيب وبالمانيا بالنورد سي وكنا منظمين

انفسنا والحمدلله كلفتنا فقط 23 الف او 22 نسيت بس ماوصلت 25 الف شامل كل شيء عدا

تسووق

مشكوره ام يارا دخلتي في مخي فينسيا ينفع ازورها بدون مبيت يعني فنفس اليوم ارجع

وقرية مانفليد الي هي قرية هايدي ايش رايك فيها تستحق الزياره ولا الغيها من الجدول وكم تبعد عن زيملاسي

5 ساعات من زيلامسي رايح و4 جاي بصراحه مشوار لكن ريحي في فيلاخ واستمتعي بيوم كامل في فينيسيا

قرية هايدي رحنا لها كانت بطريقنا من زيلامسي الى كونستانس وكانت تقريبا 4 ساعات وبصراحة مشوار

ودامك مابتروحين سويسرا اش لك والمشوار ..

عندي لك اقتراح طيب ممكن تخلين الوصول ع ميونخ والرجوع ع ميلانو وتخلصين

من النمسا وتروحين فينيسيا ومنها ع ميلانو تقريبا 3 ساعات واقضي يومين 3 حسب

جدولك وتسوقي بميلانوو انا عجبتني بس لو ماجوها الحار كان حلووه ينسكن فيها