السلام عليكم ورحمة الله وبركاته
كيفكم ؟
بنات أنا قررت أسافر لتركيا في شهر 6 هجري بحول الله وقوته
متى أحجز ؟ أبي وقت حلو وبدري حتى مايروح علي الوقت
فيه ناس نصحوني بطرابزون أكثر من إسطنبول .. هل أقدر أزور المدينتين مع بعض بدون طيران ؟
وكم المسافه بين طرابزون وإسطنبول ؟
وهل يكفي مبلغ 15 ألف ريال لمدة إسبوع لثلاثة أشخاص ؟
وهل أروح مع قروب سياحي ولا لحالنا أفضل ؟ مو عآرفه كيف أتفاهم مع لغتهم
بإنتظاركم :)
السلام عليكم ورحمة الله وبركاته
كيفكم ؟
بنات أنا قررت أسافر لتركيا في شهر 6 هجري بحول الله...
احجزي من الحين طبعا لا الاسعار بتكون ارخص ولو كان حجزك غير مسترد بيكون سعره مرره حلو بس اهم شي يكون سفركم اكيد
وبالنسبه لطربوزون فإذا فوتيها على نفسك يصير ما كأنك رحتي تركيا
لانك منها راح تروحي لايدر و ريزا و اوزنجول و هذي الاماكن جنة الله بالدنيا
وتروحين لطربوزون عن طريق الطيران لانها بعيده مره عن اسطنبول و المسافه بينها و بين اسطنبول بالسياره 18 ساعه و لو حجزتي من الحين طيران داخلي ماراح تكلفك التذكره رايح جاي 300 ريال تقريبا
اما المبلغ ان شاء الله يكفيكم اذا اقتصدتو شويه بالسفره و.بالمناسبه ترا شمال تركيا ارخص مرره من اسطنبول بس انكم تقسمو اسبوع بينهم مرره ماراح تكفي يعني خلو سفرتكم اسبوعين و اذا ما تقدرو خلاص خلوكم باسطنبول و منها روحو لبورصه و ابانت و معشوقيه
لا تروحون مع قروب لانك بتتقيدي فيهم بكل شي وماتاخذين راحتك.
الله يتمم لك سفرتكم على خير و تروحون و ترجعون بالسلامه