بسم الله الرحمن الرحيم
السلام عليكم ورحمه الله وبركاته ....
الرووس المنديه أكله حجازيه مشهورة وخاصه في مدينه الطائف ولها شعبيه كبيرة
وبعض الناس يسميها ( لحمه راس ) لكن بالحجازي هي ( رووس منديه )
وبما إني أحب عالمي حواء صورت لكم خطوات طريقتي في عمل ( الرووس المنديه )
في البدايه ننظف الرووس مضبوط وبعدين نحطها في قصديرة من غير ملح ولا بهار بهذة الطريقه
نلف القصدير مضبوط على الرووس ونحاول إنه يكون اللف غير مفتوح حتى ما يتسرب مرقه الراس
ونحط القصدير في الصينه
ندخل الصينيه في الفرن ونخليها تقريبأ ساعتين
بالنسبه لي أنا حطيتها في فرن الكهربائي ومشغلها عليها من فوق ومن تحت
بعد ما خلصت الساعتين خرجتها من الفرن
وهذة صورة الرووس بعد ما خرجت من الفرن
قمت بتقطيع لحمه الراس واللسان قطع صغيرة
وقسمت الراس قسمين لأستخراج المخ وخليته على جنب حتى ما يذوب في التقليب
وحطيت اللحمه في طاوة وحطيت عليها ملح وفلفل أسود وشويه ملح جاوة
قلبت الرووس على النار لمدة تقريبا سبع دقائق وبعدين حطيت المخ عليها
وشبيت فحمه وحطيتها في فنجان زيت وغطيت عليها حتى تعطي نكهه المندي
بعد ما طفت الجمرة في الزيت قدمت الرووس في الصحن مع الليمون والخبز
وبالهناء والعافيه
اتمنى تعجبكم طبختي