كوبونات الراقية تسجيل الدخول

! بنت دبي !
! بنت دبي ! •
نوره الرايقه نوره الرايقه :
السلام عليكم انا ناوية اروح دبي الاسبوع الجاي وودي اروح سكي دبي ودبي مول والقرية العالمية والاوت لت وميراكل جاردن ايش الاماكن اللي قريبه من بعضها اخليها في يوم واحد
السلام عليكم انا ناوية اروح دبي الاسبوع الجاي وودي اروح سكي دبي ودبي مول والقرية العالمية والاوت...
وعليكم السلام ورحمة الله وبركاته

والله مب قريبين على بعض الا الامارات مول وميراكل قاردن والقريه العالميه يعني إذا بتسيرين تبتدين بالامارات مول بعدين ميراكل قاردن بعدين القريه العالميه

او انج تخلين الامارات مول ودبي مول مع بعض بس دبي مول يحتاج لوقت عادي يوم كامل
! بنت دبي !
! بنت دبي ! •
اخت واختها اخت واختها :
بنات الله يعافيكم وش فية محلات بدبي موجودة عندنا السعودية محلات لكل شي فساتين سهرات وتيورات وملابس وعبايات واي شي مميز وتنصحون اشترية منهم حتى المطاعم والاكل قد اكلت عند وحدة اكل يجنن وكانت شارية بهارات من عندهم بس ناسية اسمها ووين تنباع واستحي اسألها بصراحة ياليت اللي تعرف تفيدني تو انتبة للتجمع هنا ياليت المشرفات يعذروني ويحذفون الموضوع الي نزلتة بالقسم
بنات الله يعافيكم وش فية محلات بدبي موجودة عندنا السعودية محلات لكل شي فساتين سهرات وتيورات...
دبي مول فيه كل شي واغلب الماركات موجوده فيه

البهارات تقدرين تاخذينها من القريه العالميه مفتوحه حالياً وبهاراتهم نظيفه شي في الجناح الاماراتي والجناح اليمني واتوقع الجناح البحريني

العبايات انصحج تسيرين مركز ابوهيل كله عبايات فساتين السهره في مركز البستان ومركز الهناء
! بنت دبي !
! بنت دبي ! •
عسولة الجنوب2009 عسولة الجنوب2009 :
مرحبا بسالكم عن العاب مائيه للاطفال ولدي 4 سنوات يموت بشي اسمه مويه 😭
مرحبا بسالكم عن العاب مائيه للاطفال ولدي 4 سنوات يموت بشي اسمه مويه 😭
الوايلد وادي واتلانتس فيهم العاب مائيه لكن مختلطه حريم ورياييل واطفال والحريم بالمايوهات :icon8:
! بنت دبي !
! بنت دبي ! •
رنيم الفجر رنيم الفجر :
شهر 3هجري يساوي شهر1 ميلادي يعني كم درجة الحرارة تكون سمعت ان دبي مو برد مره مثل السعوديه
شهر 3هجري يساوي شهر1 ميلادي يعني كم درجة الحرارة تكون سمعت ان دبي مو برد مره مثل السعوديه
في بدايه العشرينات والمساء تكون 18 بس الجو متقلب وانا اشوفه برد أحيانا

يعني للمساء يحتاج جاكيت خفيف او ملابس قطنيه بكم طويل إذا بتكونون برع في الهواء الطلق
سكايب عطر..
سكايب عطر.. •
شكراً لكل اللي فادوني
الحمدلله رحت وانبسطت ودبي تهببببل
رحت دبي مول وماشاء ضعنا من كبره
عندهم مطعم الحلاب له جلسات خارجية عالنوافير مرة حلوة
والحمص بالشاورما عندهم حاقة ماحصلتش
الجلسة راااايقة واضاءة خافتة ودلع

واليوم الثاني رحت مول الامارات تغديت بكرم بيروت
لذيييييييذ هالمطعم من قلب
مشاوي وورق عنب وحمص وفتوش
كل واحد احلى من الثاني
وبعدها طلعت لميراكل قاردن
بس كان يوم الجمعة وزحححححمة موت
هنود وفلبينيين اشكال والوان
حتى التصوير ماقدرت اصور زين
لا تروحون لها بالويكند