يسسلموو ام رغد 

ماشالله عليكم مابعد رحتوا الله يهنيكم
انا رجعت قبل 3ايام وكانت الرحله فجاه ماجهزت لها الا قبل السفر بيومين قعدت 13 يوم والحمدلله والاجواء اغلبها جميله خاصه بالجبل ماتعرفين الحرقعدت يومين بجاكرتا وكانت امطار ورحت لدنيا فنتازيا ثم طلعنا على الجبل 4ايام ورحنا سفاري واااه على سفاري عشق صراحه ومزرعة الفراوله والشلالات هذي بالجبل ببونشاك ثم رحنا لباندونق 3ايامالجو مشمس ممل وقت الظهر بس الاسواق حلوه ور خيصه وسكنا بفندق سينسا تحته مول كبير ومطاعم وجنبه سوق الجينز ورحنا البحيره الحاره ومزارع الشاي والشلالات السبع ثم رجعنا جاكرتا ثانيه قعدت فيها 3ايام رحنا ثاني مره لملاهي دنيا فنتازيا وكان الجو مشمس والايام اللي بعده
وبالنسبه للمطاعم صراحه ماحبيتها خاصه الحضرمي اكلهم اقل من عادي واتقرف مدري ليه وانصحكم بمطعم السندباد مره حلو بالجبل الاخضر ومطعم بندر جاكرتا مخيس مخيس مانصحكم ومطعم الجزيره برضوه بجاكرتا موب ذاك الزود ولقيت شعره بالبصل ههههه يازين اكل البيت بس
والمهم اذا عندكم اطفال خذوا عربيه ترى بتتعبون معهم لاتسوون مثلي
وخذوا عزبه كامله من قهوه ونواشف لان اكلهم مايشجع والله وش بعد وش تبون اي استفسار عادي اقولكم اللي اعرفه

ايه ترى الفلل بالجبل كلها حشرات والله ماغير تمترشين ههههه صغيره ماتنشاف مثل الارضه حتى لو الكاس فاضي تلقونه طالع عليه والافضل تاخذون معكم اغطية فرش ومخدات

والبقالات السعوديه بكل مكان بس تقريبا دبل الاسعار

عشق بدوي ،،، الحمدالله عالسلامه كيف الاطفال بالسفر متعب ؟ انا معي بنت عمرها بيكون 11 شهر وولد 5 سنوات وايش ااكل بنتي بالتمشيات غير السيريلاك هل فيه زبادي بالبقالات ؟؟ والله شايله هم مره خصوصا بنتي شقيه :(