طبعا تقدري
بالرياض مااعرف بجده افضل شي العامودي

سؤال يابنات :
هل يحتاج السفر لماليزيا للفيزا ؟؟ أو لااا

الفيزا من المطار ..

السعودين مايحتاج فيزا

اقعدي في سيلانجور يومين بفندق البريميد جدآ رائع والفطور لذيذ مرره وفيها بوابه موجهه دايركت على مول
وكمان تقدري تروحي الالعاب المائيه وينبسطو الاطفال
وتزوري شلالات تمبلربارك
وبعدين ممكن تتوجهي الى لنكاوي تقعدي 3 ايام انا سكنت بفندق اسيانا قريب من عالم البحار
والفندق اقتصادي ورخيص والفطور ماعجبني عندهم لكن المنطقه حيويه الي عند فندق اسيانا والبحر قريب منك
كنت اروح مشي واركب دباب البحر الجسكي
وفي مطعم هندي لذيذ اسمو بابادام جمب عالم البحار وقريب من فندق اسيانا
وروحي رحلة المانغروف والتلفريك وحديقة الفواكه وحديقة التماسيح
يعني اول يوم خصصيه للبحر وينبسطو الاطفال عند البحر
وثاني يوم الصباح رحلة المانغروف وبعدين العصر تزوري عالم البحار وتقضي باقي الوقت بمسبح الفندق وينبسطو الاطفال
وثالث يوم تاخدي تاكسي ويوديكم رحله كامله اول شي التلفريك وبعدين حديقة التماسيح وبعدين حديقه الفواكه
ام شي التلفريك لايفوتك مره روعه بس جهزي معاكي جكيتات لانو حيكون برد كل مايرتفع التلفريك فوق
وبعد ماتلخصو زورو ميدان النسر وتتصورو جمبو
ورابع يوم رحلتكم الى كوالا
وتقعدي فيها 5 ايام ويوم وآحد خخصيه لمرتفعات جنتق اطلعي المرتفعات بالتلفريك مره رخيصه
وبجنتق في مول وفيها العاب اطفال
وفيها تلفريك لكن تلفريك جنتق يدخل بوسط الغيوم وحماس
وباقي الايام اقضيها بكوالا وخدي باص الهوب اون هوب اوف
وتزوري جميع معالم كوالا
وزوري حديقة زو نيجارا مره كبيره وحلوهـ
يعني 4 ايام خصصيها لكوالا ويوم لجنتق
وباقي يومين انتي فكري فين تضيفها يا تحطيها لبنانج او الكاميرون
بس انا مازرت بينانج وكاميرون وماعندي علم فيها